HEADLINES:
Ieng thu khawm nisienla sawrkar chun Inpuiah hriltlang a nuom: Venkaiah Naidu
NEW DELHI: Zanita Lok Sabha Speaker, Ms Sumitra Mahajan in Parliament Budget Session hung um ding le inzawma zanita all party meeting a ko neizo a ni hnunga Parliamentary Affairs Minister Venkaiah Naidu in Reporter-hai an hmupui huna chun, ‘Ieng thu (issue) khawm nisienla sawrkar chun Inpuiah hriltlang a nuom. Lok Sabha Speaker in rem a ti a, ei ramle mipui ta dinga thilṭha a ni phawt chun PM Narendra Modi khawma Inpuia hriltlang a nuom thu a mi lo hril ta a nih’ tiin a hril. Selkaltu tienga member- hai chu Parliament Budge Session tluong taka a fe theina dinga thlawp le ṭhangpui dingin Naidu chun ngena a siem. Finacial Business bakah Andhra Pradesh Reorganisation le Telecom Regulatory Authority of India haia Ordinances chu Bils a inlettir le thlakthleng ning a tih. Standing Committee indin a ninaw leiin budget chu Inpui pahni (Lok Sabha le Rajya Sabha) han hriltlangin pasi pei an tih. Budget hi July 31, 2014 liem hma ngeia pasi ṭul a nih tiin Venkaiah Naidu chun a hril.
Congress ṭhuoitu Mallikarjun Kharge chun Session sungin full cooperation an pek ding thu a hril. Trinamool Congress ṭhuoitu Kalyan Banerjee chun Rel chuongman le Rela thil phurman kaisangna thu, internal security le Federalism thuhai an party in hriltlang an nuom thu a hril. Meeting a hin Jyotiraditya Scindia (Congress), Thambidurai (AIADMK), Dharmendra Yadav (SP), Karunakaran CPI-M) le Bhartruhari Mahtab (BJD) hai an ṭhang.
Parliament Budget Session hi July 7, 2014 in ṭan ning a ta, August 14, 2014 ah zo ning a tih. Railway Budget July 8, 2014; Economic Survey July 9, 2014 le General Budget, 2014-15 (first NDA budget) chu July 10, 2014 ni haiah khin Lok Sabha-ah phar ning a tih. Iraq ngirhmun chungthu chu External Affairs Minister, Sushma Swaraj in Parliament ah report peng a tih tiin Venkaiah Naidu chun a hril.
CCPur-a Electric le World Cup ?
CCPUR: Mr P.K. Jha, IAS, DC, CCPur chun tulaia Churachandpur District, Manipur- a ni dang neka electric power a hmu ṭhat nasan chu FIFA World Cup lei a ninaw thu hrilin peak season a ni le tui tam lei a ni thu a hril a, tuchena chu an dik thawkkhat hle. Ni dang ang lo takin Churachandpur Districta chun a bik takin sun huna electric hi a var ṭha a, sun huna electric power hmanga sin thawtuhai ta ding chun a varzang hle. Sun huna thi mang lova var thei siin iengleia ‘The Greatest show on Earth” ti hiela inbuk FIFA World Cup inkhel (play) a um huna Inverter/Solar ṭhang der lova electric power hmanga match khat el khawm en tluonsuok thei lova um am a nia? ti hi mipui tam tak indawnna a nih. Thil mak tak chu, a var zan (dar 10 chena a var zan) le World Cup khel (match) um chang hin a darbi indik takah that a ni hlak a, sienkhawm play umnaw zan hin dar 10 pel hnunga khawm a var tluonsuok hlak thung. World Cup hun dang haia khan chu a var naw zan khawm play um sung chu sukvar a ni hram hlak a. Tukum ruok chu electric var ṭhat hi World Cup lei a nih nawh tia hril hi an dik hle. World hi mi tam lem inhnik le ennuom a ni a, tu lem hin chu a tawp hnai ta a, Electric Department in match um sung bek chu electric sukvar a ni theina ding hma la hai sien ti chu mipui tam tak duthusam a nih.
HSLC Compartmental Exam nei
CCPUR: Board of Secondary Education Manipur (BSEM) huoihawtnain zanikhan Manipur state sunga Centre tum tum haiah High School Leaving Certificate (HSLC) Compartmental Examination, 2014 nei a nih. Churachandpur District-a Candidate hai chu Childrens Training Higher Secondary School-ah an exam a. Candidates 498 um hai lai 490 exam-ah an ṭhang a, mi 8 an absent. Mathematics, Science, Social Science le English subject hai an exam.
Damnaw pahni Malaria PF invawi
CCPUR: District Hospital, CCPur-a khawsik leia enkawl mek nupui pahni Chingenlian (46) w/o Kamtunmung of Singngat Thadou Veng le Nengcha (30) w/o Thangminlen of Singngat Zalenphai hai chu an thisen enfel a ni huna Malaria PF an nih ti hmusuok a ni a, tuhin District Hospital-ah enkawl mek an nih.
Interview a um ding
CCPUR: Industrial Training Institute (ITI) Saikawt a Trade tum tum training nuoma hnina pehai ta dingin July 11, 2014 zing dar 10 a inthawk khin ITI, Saikawt hmuna interview um a tih. Candidate-hai ṭhang seng dinga inhriettir an nih.
Financial Literacy Awareness nei
CCPUR: Zani 10AM a inthawk khan Relief and Development Department, EAC huoihawtnain New Lamka College Veng V/A Hall-ah Financial Literacy Awareness Camp nei a nih. Hi huna hin resource person in L.K Mung, Chairman VA New Lamka, College Veng,; Bushil, Manager, Axis Bank; Tualkhansuan, Axis Bank; Chinmuanthang, Indian Postal Service hai an ṭhang.
Jehovajire Camp
CCPUR: June 7-12, 2014 inkar sung khin Shanveng EFCI Biekin-ah “JEHOVAJIRE CAMP” ti hming putin sandamna camp um a tih. Hi Camp-a Speaker ding chu Rev. Lalnghaksang, Evangelist At Large, EFCI ning a tih. Hi Sandamna camp hi Pathien ringsana thaw tum a ni a, Kohran Pawl bik um lovin a nuom taphawt lut thei ning a tih. Camp a lut ding hai chun camp fee chawi ṭul naw ni a, Bible, puonthuo le thleng chau chawilut thei ning a tih.
Training on Natural Resource
CCPUR: July 15-17, 2014 11AM khin State Institute of Rural Development, Govt. of Manipur le DRDA, CCPur hai ṭhangruola huoihawtnain District Training Centre, Tuibuong- ah Training course on Natural Resource Management for Rural Livelihood um a tih. Hi huna hin Blocks tina members 10 seng bakah VLW, AO, SO le Village Authority Chairman le Secretary hai ṭhang an tih.
AIR, CCPur stn. Prog.
CCPUR: Vawisuna AIR, CCPur station-a Paite programme a chun Thianching & party han hla sak an tih. Hmar programme a chun Ruoltinkung Puruolte le Sielmat Bible College han hla sak an tih. Thadou programme a chun Lynda in hla sak a tih. July 7, 2014 nia Paite programme a chun B. Muan Ngaihte le Biaklal & party han hla sak an tih. Hmar programme a chun hla thlang ngaithlak thei le Thadou programme a chun Thangminlun Haokip in hla sak a tih.
STATE NEWS:
State Level Crop Competition Award sem
IMPHAL: Zanikhan Directorate of Agriculture, Sanjenthong, Imphal-ah State Level Crop Competition Award, 2013-14 sem a ni a, Agriculture Minister Md. Abdul Nasir chun khuollien ni pumin Award hi a sem. Rice Crop Competition 2013-14 a lawmman pathumna dawngtu dinga thlang Ashem Priyokumar Singh of Sangedangkhong, Bishnupur District chun National Level Crop Competition 2013-14 a Award dawng a ni leiin lawmman pathumna chu hnawlin a lak naw ding thu Chanchinbumihai kuoma a hril.
MCPM in MACS hnuoia NGOs 9 an ban
IMPHAL: Manipur AIDS Control Society (MACS) hnuoia NGOs 9 ( 7RIAC le 2MSM) han sin thaw thei naw nihai tiin Comrade Nonglen Meitei, Secretary, Maoist Communist Party of Manipur (MCPM) chun thusuok an siem a. Hieng NGOs 9 hai hi ban an nih tiin a hril. NGOhai chu HIV/AIDS thila an sin thawna haiah ringum le indik taka thaw dingin MCPM chun ngenna an siem.
CM kuomah ngenna an siem
IMPHAL: Manipur Police Department hnuoia constables 3,000 le Police Sub-Inspectors, Assistant Sub-Inspectors le MR a Jamadars dinga recruitment test a hlawtling hai chun CM.O.Ibobi Singh kuomah an hmatienga an sin inzawmtir ta dingin an ngen.
NIA in Chargesheet an peklut
IMPHAL: Nuhmei pahni ṭhangsain helpawl lo ni ta hlak mi 6 hai chungah National Investigation Agency (NIA) chun Chargesheet an peklut ta niin official thusuok chun a hril. Hieng mi 6 hai hi SoO zieknaa ṭhang, tuta Designated Camps a um an nih tiin ei thu dawngna chun a hril.
General Strike thaw dingin
IMPHAL: Tuta inthawk ni 5 sunga Manipur sawrkar le Police Department han Hidam Bobby thattu hai an man naw chun hun tiemchin um lovin Manipur pumpui huopin General Strike kan thaw ding anih tiin Hidam Bobby thina le inzawma indin JAC a Convenor, T. Bishwajit chun a hril.
CM in TSE Editor a va kan
IMPHAL: July 3, 2014 zanrila Raj Bhavan, Imphal tuolzawna Car-a eksiden leia hliemna inrik tak tuora Shija Hospital-a enkawla um mek The Sangai Express Daily (English Edition) Editor, Hijam Rajesh chu zanikhan CMO.Ibobi Singh in a va kan. Zani hmasa khan Governor V.K. Duggal khawma a lo va kan ta bawk. Hijam Rajesh hi ICU a sie a ni a, ṭhat tieng a pan pei tah.
TRI-ah One Day Consultative meeting nei
IMPHAL: Zanikhan Tribal Research Institute (TRI), Chingmeirong- ah The Hao Research Initiative hmalaknain ‘ one day consultative meeting on Traditional rights of the Tribals Lands and Natural Resources vis-à-vis Right to Fair Compensation and Transparency in Land Acquisition, Rehabalitation and Resettlement Act, 2013 nei a nih. Hi huna hin Manipur-a tribal apex bodies le student bodies- Zomi Council, Kuki Inpi Manipur, United Naga Council Manipur, Hmar Inpui, All Tribal Chief’s Forum Manipur, All Tribal Students’ Union, Manipur, Manipur University Tribal Students’ Union, Indira Gandhi National Tribal University Tribal Students’ Union, Tangkhul Katamnao Long, Imphal hai bakah Minister hlui le tribal hnam tum tuma ṭhuoituhai an ṭhang. Tribal issues haia tribal hai ṭhangruol a pawimaw thu uor takin an hril.(UNA)
NATIONAL NEWS:
Biekin haiah ṭawngṭai ruolna
AIZAWL: Presbyterian Church of India, Mizoram Synod chun khawtin le vengtina an Kohran Biekin sengah vawisun zan inkhawm huna Zu khapna dan hlip tumna le inzawma ṭawngṭai ruolna nei seng dingin an hriettir. July 10, 2014 khin Mizoram a Congress sawrkar chun Mizoram Assembly Sesssion-ah Mizoram Liquor (Prohibition and Control) Bill, 2014 phar a tum. Hi Bill hin Mizoram Liquor Total Prohibition Act, 1955 a thlakthleng ding a nih. Hi Act hi Feb. 20, 1997 a inthawk khan Mzioramah hmang ṭan a nih.
Governor thar 7 list siem zo
NEW DELHI: Narendra Modi Chief Minister nina le BJP ṭhuoina hnuoia NDA sawrkar chun Governor thar 7 ding list a siem zo ta a, tuta inthawk sawtnawte hnunga puonglang ni ta dinga hril a nih. Governor thar dinga hril rik hai lai UP Assembly SpeakerKeri Nath Tripathi, Delhi BJP ṭhuoitu V.K. Malhotra, Union Minister hlui Ram Naik le O.Rajagopal, UP MP hlui Lalji Tandon le Balramdas Tandon le UP CM hlui Kalyan Singh hai an ṭhang. Governors 7 an inban ta a, chuonghai chu B.L. Joshi (UP), M.K. Narayanan (West Bengal), Ashwini Kumar (Nagaland), Shekhar Dutt (Chhattisgarh), H.R. Bhardwaj (Karnataka), Devanand Konwar (Tripura), B.V. Wanchoo (Goa) hai an nih. Politicians 3, tuta Governor (Gujarat), K. Sankaranarayanan (Maharashtra) le Sheila Dikshit (Kerala) hai chu an lan ban naw a, sawrkarin an inbanna dingin official channel a inbiekpui dingin sawrkar thlungpui an hril niin ei thu dawngna chun a hril.
Iraq a inthawk mi 183 an hungtlung
KOCHI: Zanikhan Iraq a um India mi, Nurses 46 le midang 137, an rengin mi 183 hai chu dam le him takin Special Air India vuongna hmangin Kochi Airport, Kerala an hungtlung. Kerala CM Oommen Chandy chun Kochi Airport-ah Nurses 46 hai hi a lo va tuok a, ‘ ka dam huoi el’ tiin a hril. Chun, External Affairs Minister Sushma Swaraj, Indian Embassy, Iraq le Ministry of External Affairs hai chunga lawmthu a hril.
Goa Governor Wanchoo an ban
NEW DELHI: Augusta Westland VVIP- hai ta ding Helicopter 12 inchawkna ding le inzawma sum hmang indiklo a um tia intumna le inzawmin July 4, 2014 khan Goa Governor, B.V. Wanchoo (63) chu CBI han thu an indawn a, hi zo sawtnawte hnunga hin B.V. Wanchoo chu Goa Governor a ninaa inthawk an ban. Wanchoo hi IPS Officer pension ta, Gandhi sungkuo le inhnai, inlaichinna ṭha nei an nih. Hieng laizing hin Bihar Governor, D.Y. Patil chun July 4, 2014 khan West Bengal Governor sin a chelsa ṭan.
Rs. 90 lakh le rangkachak, Rs. 30 lakh manhu leh man
BANGALORE: Ms H.R. Anasuya (68) of Gattahalli Anekal ṭhuoihmanga Rs. 1 crore a intlansuoktirtu pasal 9 hai chu Bangalore Rural Police han an man ta a, an kuta inthawk pawisafai cheng nuoi 90 le incheina rangkachak cheng nuoi 30 vel manhu an man. Ms H.R. Anasuya hi June 29, 2014, 11:30 AM vela Huskur hmuna inthawka mana an ṭhuoihmang niin Ms Anasuya chun a hril.
Car thar 27 inchawk a tum
GANDHINAGAR: Gujarat Chief Minister Ms Anandiben Patel chun a ministerhai hmang ding Car thar 27 inchawk dingin riruong a siem. Car thar 27 man dinga riruong chu Rs. 3,10,50,000 a nih. CM le a vengtuhai chuongna ding Car thar 10, bulletproof ṭhangsa le CM chuongna ding Vuongna cheng vaibelsie 100 manhu inchawk dingin Ms Patel sawrkar chun riruong a siem bawk.
Mid-Day Meal-ah Rul thisa hmu, naupang 54 an damnaw pha
SITAMARHI: Zanikhan Bihar-a Sitamarhi district-a Meghpur Middle School-a Mid-Day Meal sema chun Rul thisa hmu a ni a, hi mid- Day meal fatu students 54 zet an damnaw pha niin Sursand Block Development Officer, Vinod Kumar chun a hril. Naupang hai hi Mid-Day Meal an fak zovin an inluok bakah khaw hre lovin an um a, Pubic health centre panpui le damdawi peka enkawl an ni a, damnaw inrik ruok chu an um nawh tiin Kumar chun a hril. Nikum lai khan Bihar- a Saran district-a Dharmasati Gandman village-a primary school students 23 zet chu Mid-Day meal fak leiin an lo thi ta a nih.
Chief Justice hlui Farooqi a thi
SRINAGAR: Jammu and Kashmir High Court Chief Justice hlui Mufti Bahauddin Farooqi chu zanikhan damnawna leiin kum 90 mi niin Jawahara Nagar-a a chengnainah a thi. Farooqi hi Jammu and Kashmir High Court Chief Justice 12- na niin March 7, 1983- August 23, 1983 sung khan J&K High Court Chief Justice sin a chel a nih. Farooqi hin naupasal 3 le nau nuhmei pakhat a thisan.
AC 31, Heaters 25 le a dang dang
NEW DELHI: Sheila Dikshit, tuta Kerala Governor chun Delhi Chief Minister a ni laia Motilal Nehru Marg, New Delhi hmuna a chengna in a khan Air Conditioners 31,Heaters 25, desert coolers 15, Air purifiers 16 le Geysers 12 le a dang dang a lo hmang hlak. Hi Bungalow hi kum 1920 a bawl, Type-VIII, pindan 7 um, acres 3.25 a lien, staff quarters, office hran, garages, sprawling lawns le Security personnel hai umna ding hran nei a nih tiin S.C. Agrawal in RTI hmanga indawnna a siem chu Central Public Works Department (CPWD) chun dawnna a pek.
LS Speaker inrawinain All Party meeting
NEW DELHI: Zanikhan Lok Sabha Speaker Sumitra Mahajan inrawinain New Delhi-ah All Party meeting nei a nih. Party tum tum hai chu Lok Sabha Budget Session tluong taka a fe theina dinga thlawp le ṭhangpui seng dingin Ms Sumitra Mahajan chun a ngen tawl. NDA sawrkara budget session hmasa tak chu July 7, 2014- August 14, 2014 inkar sunga nei ning a ta, Railway Budget July 8, Economic Survey July 9 le kum 2014- 15 Budget chu July 10, 2014 ah phar ning a tih.
UK Foreign Minister a hung inzin ding
NEW DELHI: UK Secretary of State for Foreign Affairs, William Hague chu ni 2 sung cham dingin July 7, 2014 khin New Delhi-ah hung inzin a ta, sumdawngna tieng le defence tienga India ram ṭhuoitu hai inhmupui a tih. Hague hi UK Chancellor of Excheq2uer George Osborne le British senior minister iemanizatin an hung zui ding a nih. Hague hin July 8, 2014 khin India External Affairs Minister Sushma Swaraj an hmupui ding bakah PM Narendra Modi khawm inhmupui a tih.
Delhi Assembly ṭhiek Centre in remti lo
NEW DELHI: Aam Aadmi Party (AAP) chun Delhi Assembly chu ṭhiek a, a thara inthlangna nei dingin Supreme Court-ah a zuolko a, sienkhawm sawrkar thlungpui chun AAP ngenna hi hnawlin a remti pek nawh. Supreme Court chun hi thu hi Constitution Bench ngaituo dingin a pekdawk. Sawrkar siem thei an um am tia la en phawt ning a tih tiin P.S. Narsimhan, Additional Solicitor General chun Supreme Court a hril. Delhi Assembly hi Suspended Animation le President Rule hnuoia sie a nih.
Maoist helpawl 5 an inpe
VISAKHAPATNAM: Zani hmasa khan CPI Maoist Dalam Cadres 5 hai chu Narsipatnam Officer on Special Duty huongsungah Vikram Jeet Duggal, Visakhapatnam Rural SP hmaah an inpe. Inpe hai laia Galikonda Dalam chu sawrkarin luman Rs. 1,00,000 neia a lo puong tasa a nih. Ralthuom inpeklutpui ruok chu an nei nawh.
India rama Bill Clinton a hung inzin ding
NEW YORK: US President hlui Bill Clinton chu July 16, 2014 khin India rama hung inzin a ta, Lucknow le Jaipur hai sir a tih. India rama inthawkin Vietnam, Indonesia, Papua New Guinea le Australia ram haiah inzin pei a tih. Clinton Global Initiative Commitment to Action programme le inzawma hieng rambunghai hi a sir ding a nih.
Doctor lemchang in nupui 1 hlem
CHENNAI: July 3, 2014 zingkar khan Sri Ramachandra Medical College-ah Ms Gomati (30) of Avadi chun nau a nei a, zantieng huna Gomati umna pindanah Doctor nia inhril, doctor lem chang Coat var haka a ringa Stethoscope awr pasal pakhat a va lut a, Gomati chu injection a ṭul tiin injection a thaw a, Gomati chu khaw hre lova um nghalin doctor lemchang/doctor tehlem hin a rangkachak ṭhi awr, Rs. 2.8 lakh manhu chu la in a fe hmang san dai. Doctor anga inhril pa hi a hnungin doctor tehlem a nih ti hriet suok a ni a, sienkhawm a hmel le umna hriet a ninaw leiin man ngaina a um ta nawh tiin Police han an hril.
VAWISUN THUPUI
Lalpa chu a ropui a, thilthawthei tienga khawm hrâttak a nih, A varna chun tâwpintai a nei nawh. Lalpa chun thuhnuoirawlhai chu a chel zing a, Mi rilohai chu hnuoiah a peithlâk hlak. - Sâm 147:5-6
EDITORIAL:
Inlirthei motor pung hrat taluo hi
A ni telin Churachandpur District-ah inlirthei a pung tuol tuol a, ei lamlien hlak chu an ṭhanglien ve si nawh. Inṭhang nekin lamlienpui sir haiah thil zawr an la pung pei bawk si leiin ei lamlien chu an tepin a chin tiel tiel amani ding aw ti theiin a um. Churachandpur District a inlirthei pung hrat dan chu tuolsung chanchinbu tiemtu han ei hriet seng. June thla sung ringawt khawm khan Inlirthei chi hran hran 176 inchawk thar a ni a, hiengang peia inlirthei a pung chun tuta nek hin ei lamlien hi ei lan tar ding a nih ti chu a chieng sa a nih. Lamlienpu khawm nuom hun huna kan el thei an ta naw a, minutes 2-3 bek nghak a ngai ta a nih. Inlirthei a pung pei bakah mihriem ei pung pei bawk leiin lo thei lova Churachandpur town sunga lamlienpui hai chu keklien an la hung ṭul ding a nih.
Manipur a District 9 um hai laia chun Imphal le Churachandpur District hai hi inlirthei thar pung hratna tak an ni ngei ring a um. Inlirthei chau ni lovin mihriem khawm nasa takin ei pung pei a, tlangrama cheng nuom hi chu ei um meu ta nawh. Lal (village Chief) ei tihai khawm mani khawsunga cheng chu hril tham an ni ta nawh. A tam lem chu phairamah an cheng tawl ta a nih. Inlirthei le mihriem tamna le bubitna khawpuia cheng ei nuom tawl si chun lamlien keklien hi inro le theida chi ninaw nih. Kangmei ei tuok changin khawpui sunga lampui hai a chin bakah kar awl um ta der lova inchip tak le building intawktawn hiela ei bawl leiin kangmei ṭheltu Fire Brigade motor khawm a lut thei ta naw leiin kangmei ṭhel chu thil harsa takel a ni leiin ei thil neihai cheng nuoitel le cheng vaibelsie tel a kang hmang vawng el hlak a nih. Hi lei hin in bawltu han karawl neiin in annawleh building bawl ta hlak inla ei renga ta dinga thilṭha a hung ni ngei ring a um. A mak angreng khawp el, a hausa sa hi an ret thiem le a duam an ni ta pei el a nih. Duamna suol hin chu a mi sukvet tawl an ta hi!
Inlirthei pung hrat taluo hi ei ram sawrkarin a thunun (control) naw chun ṭhatpui nekin ei la sietpui el thei ding niin an lang. A bikin mihai hnawl ta hnung, motor ṭawp tak tak le engine ṭha lo hai hi ei state a laklut hi sawrkarin khap hmak el sienla chu ei state a motor tam le pung hrat taluo hi control-na ṭha tak a hung ni thei ring a um. Mi han inlirthei an hnawl ta hnung Manipur state sunga la service hi an tam hle a, Manipur a motor um hai laia a zatve a tling phak el thei a nih. Mihriem hriselna tawkpawi thei le engine ṭhat tawk naw leia eksiden thut thut thei an ni leiin control chu a ṭul a nih.
Zohnathlakhai mizie laia thil ṭha lo takel chu pawisa nei taphawtin motor inchawk ei tum pei el hi a nih. Ei sin lei le ei fakzawngna leia motor nei lo thei lo chu an um ngei el. Motor tam lem hi chu mamaw emem lei khawm ni lo, pawisa nei lei le mi khawmin an nei an nawm ti leia nei ve el dam le nuomtawl le nuom chenna dinga inchawk el dam ei niin an lang. Chaponain a hung irsuok a ni tak awm ie. Vaihai leh chu ei ngaidan an ang naw hle. Vai han cheng singkhat an nei chun dampui ngei tumin le a let tama sukpung (invest) ngei an tum hlak. Zohnathlakhai ruok chun pawisa ei hang nei le hmu char le inruolin thil inchawk ding ei zawng nghal a, ei mamaw ni der lo, ei ditzawng cheng sangtel le singtel hmangin ei inchawk ngam el hlak. Pa pakhat chun, a naupa’n Bike inchawkna man ding a nei ti a hriet leia Bike inchawk a ngen a, a pawisa nei po po hmanga Bike inchawk a ngam si naw leiin a harsatna thu a mi hril chu lunginsiet a um ngei el. Nat le sat tuok thei, damnaw thei le emergency a sum mamaw thut thei laia Bike thar mani sum nei po po hmanga inchawk chu pangzat le ṭiṭam um takel a nih.
Ieng thu khawm nisienla sawrkar chun Inpuiah hriltlang a nuom: Venkaiah Naidu
NEW DELHI: Zanita Lok Sabha Speaker, Ms Sumitra Mahajan in Parliament Budget Session hung um ding le inzawma zanita all party meeting a ko neizo a ni hnunga Parliamentary Affairs Minister Venkaiah Naidu in Reporter-hai an hmupui huna chun, ‘Ieng thu (issue) khawm nisienla sawrkar chun Inpuiah hriltlang a nuom. Lok Sabha Speaker in rem a ti a, ei ramle mipui ta dinga thilṭha a ni phawt chun PM Narendra Modi khawma Inpuia hriltlang a nuom thu a mi lo hril ta a nih’ tiin a hril. Selkaltu tienga member- hai chu Parliament Budge Session tluong taka a fe theina dinga thlawp le ṭhangpui dingin Naidu chun ngena a siem. Finacial Business bakah Andhra Pradesh Reorganisation le Telecom Regulatory Authority of India haia Ordinances chu Bils a inlettir le thlakthleng ning a tih. Standing Committee indin a ninaw leiin budget chu Inpui pahni (Lok Sabha le Rajya Sabha) han hriltlangin pasi pei an tih. Budget hi July 31, 2014 liem hma ngeia pasi ṭul a nih tiin Venkaiah Naidu chun a hril.
Congress ṭhuoitu Mallikarjun Kharge chun Session sungin full cooperation an pek ding thu a hril. Trinamool Congress ṭhuoitu Kalyan Banerjee chun Rel chuongman le Rela thil phurman kaisangna thu, internal security le Federalism thuhai an party in hriltlang an nuom thu a hril. Meeting a hin Jyotiraditya Scindia (Congress), Thambidurai (AIADMK), Dharmendra Yadav (SP), Karunakaran CPI-M) le Bhartruhari Mahtab (BJD) hai an ṭhang.
Parliament Budget Session hi July 7, 2014 in ṭan ning a ta, August 14, 2014 ah zo ning a tih. Railway Budget July 8, 2014; Economic Survey July 9, 2014 le General Budget, 2014-15 (first NDA budget) chu July 10, 2014 ni haiah khin Lok Sabha-ah phar ning a tih. Iraq ngirhmun chungthu chu External Affairs Minister, Sushma Swaraj in Parliament ah report peng a tih tiin Venkaiah Naidu chun a hril.
CCPur-a Electric le World Cup ?
CCPUR: Mr P.K. Jha, IAS, DC, CCPur chun tulaia Churachandpur District, Manipur- a ni dang neka electric power a hmu ṭhat nasan chu FIFA World Cup lei a ninaw thu hrilin peak season a ni le tui tam lei a ni thu a hril a, tuchena chu an dik thawkkhat hle. Ni dang ang lo takin Churachandpur Districta chun a bik takin sun huna electric hi a var ṭha a, sun huna electric power hmanga sin thawtuhai ta ding chun a varzang hle. Sun huna thi mang lova var thei siin iengleia ‘The Greatest show on Earth” ti hiela inbuk FIFA World Cup inkhel (play) a um huna Inverter/Solar ṭhang der lova electric power hmanga match khat el khawm en tluonsuok thei lova um am a nia? ti hi mipui tam tak indawnna a nih. Thil mak tak chu, a var zan (dar 10 chena a var zan) le World Cup khel (match) um chang hin a darbi indik takah that a ni hlak a, sienkhawm play umnaw zan hin dar 10 pel hnunga khawm a var tluonsuok hlak thung. World Cup hun dang haia khan chu a var naw zan khawm play um sung chu sukvar a ni hram hlak a. Tukum ruok chu electric var ṭhat hi World Cup lei a nih nawh tia hril hi an dik hle. World hi mi tam lem inhnik le ennuom a ni a, tu lem hin chu a tawp hnai ta a, Electric Department in match um sung bek chu electric sukvar a ni theina ding hma la hai sien ti chu mipui tam tak duthusam a nih.
HSLC Compartmental Exam nei
CCPUR: Board of Secondary Education Manipur (BSEM) huoihawtnain zanikhan Manipur state sunga Centre tum tum haiah High School Leaving Certificate (HSLC) Compartmental Examination, 2014 nei a nih. Churachandpur District-a Candidate hai chu Childrens Training Higher Secondary School-ah an exam a. Candidates 498 um hai lai 490 exam-ah an ṭhang a, mi 8 an absent. Mathematics, Science, Social Science le English subject hai an exam.
Damnaw pahni Malaria PF invawi
CCPUR: District Hospital, CCPur-a khawsik leia enkawl mek nupui pahni Chingenlian (46) w/o Kamtunmung of Singngat Thadou Veng le Nengcha (30) w/o Thangminlen of Singngat Zalenphai hai chu an thisen enfel a ni huna Malaria PF an nih ti hmusuok a ni a, tuhin District Hospital-ah enkawl mek an nih.
Interview a um ding
CCPUR: Industrial Training Institute (ITI) Saikawt a Trade tum tum training nuoma hnina pehai ta dingin July 11, 2014 zing dar 10 a inthawk khin ITI, Saikawt hmuna interview um a tih. Candidate-hai ṭhang seng dinga inhriettir an nih.
Financial Literacy Awareness nei
CCPUR: Zani 10AM a inthawk khan Relief and Development Department, EAC huoihawtnain New Lamka College Veng V/A Hall-ah Financial Literacy Awareness Camp nei a nih. Hi huna hin resource person in L.K Mung, Chairman VA New Lamka, College Veng,; Bushil, Manager, Axis Bank; Tualkhansuan, Axis Bank; Chinmuanthang, Indian Postal Service hai an ṭhang.
Jehovajire Camp
CCPUR: June 7-12, 2014 inkar sung khin Shanveng EFCI Biekin-ah “JEHOVAJIRE CAMP” ti hming putin sandamna camp um a tih. Hi Camp-a Speaker ding chu Rev. Lalnghaksang, Evangelist At Large, EFCI ning a tih. Hi Sandamna camp hi Pathien ringsana thaw tum a ni a, Kohran Pawl bik um lovin a nuom taphawt lut thei ning a tih. Camp a lut ding hai chun camp fee chawi ṭul naw ni a, Bible, puonthuo le thleng chau chawilut thei ning a tih.
Training on Natural Resource
CCPUR: July 15-17, 2014 11AM khin State Institute of Rural Development, Govt. of Manipur le DRDA, CCPur hai ṭhangruola huoihawtnain District Training Centre, Tuibuong- ah Training course on Natural Resource Management for Rural Livelihood um a tih. Hi huna hin Blocks tina members 10 seng bakah VLW, AO, SO le Village Authority Chairman le Secretary hai ṭhang an tih.
AIR, CCPur stn. Prog.
CCPUR: Vawisuna AIR, CCPur station-a Paite programme a chun Thianching & party han hla sak an tih. Hmar programme a chun Ruoltinkung Puruolte le Sielmat Bible College han hla sak an tih. Thadou programme a chun Lynda in hla sak a tih. July 7, 2014 nia Paite programme a chun B. Muan Ngaihte le Biaklal & party han hla sak an tih. Hmar programme a chun hla thlang ngaithlak thei le Thadou programme a chun Thangminlun Haokip in hla sak a tih.
STATE NEWS:
State Level Crop Competition Award sem
IMPHAL: Zanikhan Directorate of Agriculture, Sanjenthong, Imphal-ah State Level Crop Competition Award, 2013-14 sem a ni a, Agriculture Minister Md. Abdul Nasir chun khuollien ni pumin Award hi a sem. Rice Crop Competition 2013-14 a lawmman pathumna dawngtu dinga thlang Ashem Priyokumar Singh of Sangedangkhong, Bishnupur District chun National Level Crop Competition 2013-14 a Award dawng a ni leiin lawmman pathumna chu hnawlin a lak naw ding thu Chanchinbumihai kuoma a hril.
MCPM in MACS hnuoia NGOs 9 an ban
IMPHAL: Manipur AIDS Control Society (MACS) hnuoia NGOs 9 ( 7RIAC le 2MSM) han sin thaw thei naw nihai tiin Comrade Nonglen Meitei, Secretary, Maoist Communist Party of Manipur (MCPM) chun thusuok an siem a. Hieng NGOs 9 hai hi ban an nih tiin a hril. NGOhai chu HIV/AIDS thila an sin thawna haiah ringum le indik taka thaw dingin MCPM chun ngenna an siem.
CM kuomah ngenna an siem
IMPHAL: Manipur Police Department hnuoia constables 3,000 le Police Sub-Inspectors, Assistant Sub-Inspectors le MR a Jamadars dinga recruitment test a hlawtling hai chun CM.O.Ibobi Singh kuomah an hmatienga an sin inzawmtir ta dingin an ngen.
NIA in Chargesheet an peklut
IMPHAL: Nuhmei pahni ṭhangsain helpawl lo ni ta hlak mi 6 hai chungah National Investigation Agency (NIA) chun Chargesheet an peklut ta niin official thusuok chun a hril. Hieng mi 6 hai hi SoO zieknaa ṭhang, tuta Designated Camps a um an nih tiin ei thu dawngna chun a hril.
General Strike thaw dingin
IMPHAL: Tuta inthawk ni 5 sunga Manipur sawrkar le Police Department han Hidam Bobby thattu hai an man naw chun hun tiemchin um lovin Manipur pumpui huopin General Strike kan thaw ding anih tiin Hidam Bobby thina le inzawma indin JAC a Convenor, T. Bishwajit chun a hril.
CM in TSE Editor a va kan
IMPHAL: July 3, 2014 zanrila Raj Bhavan, Imphal tuolzawna Car-a eksiden leia hliemna inrik tak tuora Shija Hospital-a enkawla um mek The Sangai Express Daily (English Edition) Editor, Hijam Rajesh chu zanikhan CMO.Ibobi Singh in a va kan. Zani hmasa khan Governor V.K. Duggal khawma a lo va kan ta bawk. Hijam Rajesh hi ICU a sie a ni a, ṭhat tieng a pan pei tah.
TRI-ah One Day Consultative meeting nei
IMPHAL: Zanikhan Tribal Research Institute (TRI), Chingmeirong- ah The Hao Research Initiative hmalaknain ‘ one day consultative meeting on Traditional rights of the Tribals Lands and Natural Resources vis-à-vis Right to Fair Compensation and Transparency in Land Acquisition, Rehabalitation and Resettlement Act, 2013 nei a nih. Hi huna hin Manipur-a tribal apex bodies le student bodies- Zomi Council, Kuki Inpi Manipur, United Naga Council Manipur, Hmar Inpui, All Tribal Chief’s Forum Manipur, All Tribal Students’ Union, Manipur, Manipur University Tribal Students’ Union, Indira Gandhi National Tribal University Tribal Students’ Union, Tangkhul Katamnao Long, Imphal hai bakah Minister hlui le tribal hnam tum tuma ṭhuoituhai an ṭhang. Tribal issues haia tribal hai ṭhangruol a pawimaw thu uor takin an hril.(UNA)
NATIONAL NEWS:
Biekin haiah ṭawngṭai ruolna
AIZAWL: Presbyterian Church of India, Mizoram Synod chun khawtin le vengtina an Kohran Biekin sengah vawisun zan inkhawm huna Zu khapna dan hlip tumna le inzawma ṭawngṭai ruolna nei seng dingin an hriettir. July 10, 2014 khin Mizoram a Congress sawrkar chun Mizoram Assembly Sesssion-ah Mizoram Liquor (Prohibition and Control) Bill, 2014 phar a tum. Hi Bill hin Mizoram Liquor Total Prohibition Act, 1955 a thlakthleng ding a nih. Hi Act hi Feb. 20, 1997 a inthawk khan Mzioramah hmang ṭan a nih.
Governor thar 7 list siem zo
NEW DELHI: Narendra Modi Chief Minister nina le BJP ṭhuoina hnuoia NDA sawrkar chun Governor thar 7 ding list a siem zo ta a, tuta inthawk sawtnawte hnunga puonglang ni ta dinga hril a nih. Governor thar dinga hril rik hai lai UP Assembly SpeakerKeri Nath Tripathi, Delhi BJP ṭhuoitu V.K. Malhotra, Union Minister hlui Ram Naik le O.Rajagopal, UP MP hlui Lalji Tandon le Balramdas Tandon le UP CM hlui Kalyan Singh hai an ṭhang. Governors 7 an inban ta a, chuonghai chu B.L. Joshi (UP), M.K. Narayanan (West Bengal), Ashwini Kumar (Nagaland), Shekhar Dutt (Chhattisgarh), H.R. Bhardwaj (Karnataka), Devanand Konwar (Tripura), B.V. Wanchoo (Goa) hai an nih. Politicians 3, tuta Governor (Gujarat), K. Sankaranarayanan (Maharashtra) le Sheila Dikshit (Kerala) hai chu an lan ban naw a, sawrkarin an inbanna dingin official channel a inbiekpui dingin sawrkar thlungpui an hril niin ei thu dawngna chun a hril.
Iraq a inthawk mi 183 an hungtlung
KOCHI: Zanikhan Iraq a um India mi, Nurses 46 le midang 137, an rengin mi 183 hai chu dam le him takin Special Air India vuongna hmangin Kochi Airport, Kerala an hungtlung. Kerala CM Oommen Chandy chun Kochi Airport-ah Nurses 46 hai hi a lo va tuok a, ‘ ka dam huoi el’ tiin a hril. Chun, External Affairs Minister Sushma Swaraj, Indian Embassy, Iraq le Ministry of External Affairs hai chunga lawmthu a hril.
Goa Governor Wanchoo an ban
NEW DELHI: Augusta Westland VVIP- hai ta ding Helicopter 12 inchawkna ding le inzawma sum hmang indiklo a um tia intumna le inzawmin July 4, 2014 khan Goa Governor, B.V. Wanchoo (63) chu CBI han thu an indawn a, hi zo sawtnawte hnunga hin B.V. Wanchoo chu Goa Governor a ninaa inthawk an ban. Wanchoo hi IPS Officer pension ta, Gandhi sungkuo le inhnai, inlaichinna ṭha nei an nih. Hieng laizing hin Bihar Governor, D.Y. Patil chun July 4, 2014 khan West Bengal Governor sin a chelsa ṭan.
Rs. 90 lakh le rangkachak, Rs. 30 lakh manhu leh man
BANGALORE: Ms H.R. Anasuya (68) of Gattahalli Anekal ṭhuoihmanga Rs. 1 crore a intlansuoktirtu pasal 9 hai chu Bangalore Rural Police han an man ta a, an kuta inthawk pawisafai cheng nuoi 90 le incheina rangkachak cheng nuoi 30 vel manhu an man. Ms H.R. Anasuya hi June 29, 2014, 11:30 AM vela Huskur hmuna inthawka mana an ṭhuoihmang niin Ms Anasuya chun a hril.
Car thar 27 inchawk a tum
GANDHINAGAR: Gujarat Chief Minister Ms Anandiben Patel chun a ministerhai hmang ding Car thar 27 inchawk dingin riruong a siem. Car thar 27 man dinga riruong chu Rs. 3,10,50,000 a nih. CM le a vengtuhai chuongna ding Car thar 10, bulletproof ṭhangsa le CM chuongna ding Vuongna cheng vaibelsie 100 manhu inchawk dingin Ms Patel sawrkar chun riruong a siem bawk.
Mid-Day Meal-ah Rul thisa hmu, naupang 54 an damnaw pha
SITAMARHI: Zanikhan Bihar-a Sitamarhi district-a Meghpur Middle School-a Mid-Day Meal sema chun Rul thisa hmu a ni a, hi mid- Day meal fatu students 54 zet an damnaw pha niin Sursand Block Development Officer, Vinod Kumar chun a hril. Naupang hai hi Mid-Day Meal an fak zovin an inluok bakah khaw hre lovin an um a, Pubic health centre panpui le damdawi peka enkawl an ni a, damnaw inrik ruok chu an um nawh tiin Kumar chun a hril. Nikum lai khan Bihar- a Saran district-a Dharmasati Gandman village-a primary school students 23 zet chu Mid-Day meal fak leiin an lo thi ta a nih.
Chief Justice hlui Farooqi a thi
SRINAGAR: Jammu and Kashmir High Court Chief Justice hlui Mufti Bahauddin Farooqi chu zanikhan damnawna leiin kum 90 mi niin Jawahara Nagar-a a chengnainah a thi. Farooqi hi Jammu and Kashmir High Court Chief Justice 12- na niin March 7, 1983- August 23, 1983 sung khan J&K High Court Chief Justice sin a chel a nih. Farooqi hin naupasal 3 le nau nuhmei pakhat a thisan.
AC 31, Heaters 25 le a dang dang
NEW DELHI: Sheila Dikshit, tuta Kerala Governor chun Delhi Chief Minister a ni laia Motilal Nehru Marg, New Delhi hmuna a chengna in a khan Air Conditioners 31,Heaters 25, desert coolers 15, Air purifiers 16 le Geysers 12 le a dang dang a lo hmang hlak. Hi Bungalow hi kum 1920 a bawl, Type-VIII, pindan 7 um, acres 3.25 a lien, staff quarters, office hran, garages, sprawling lawns le Security personnel hai umna ding hran nei a nih tiin S.C. Agrawal in RTI hmanga indawnna a siem chu Central Public Works Department (CPWD) chun dawnna a pek.
LS Speaker inrawinain All Party meeting
NEW DELHI: Zanikhan Lok Sabha Speaker Sumitra Mahajan inrawinain New Delhi-ah All Party meeting nei a nih. Party tum tum hai chu Lok Sabha Budget Session tluong taka a fe theina dinga thlawp le ṭhangpui seng dingin Ms Sumitra Mahajan chun a ngen tawl. NDA sawrkara budget session hmasa tak chu July 7, 2014- August 14, 2014 inkar sunga nei ning a ta, Railway Budget July 8, Economic Survey July 9 le kum 2014- 15 Budget chu July 10, 2014 ah phar ning a tih.
UK Foreign Minister a hung inzin ding
NEW DELHI: UK Secretary of State for Foreign Affairs, William Hague chu ni 2 sung cham dingin July 7, 2014 khin New Delhi-ah hung inzin a ta, sumdawngna tieng le defence tienga India ram ṭhuoitu hai inhmupui a tih. Hague hi UK Chancellor of Excheq2uer George Osborne le British senior minister iemanizatin an hung zui ding a nih. Hague hin July 8, 2014 khin India External Affairs Minister Sushma Swaraj an hmupui ding bakah PM Narendra Modi khawm inhmupui a tih.
Delhi Assembly ṭhiek Centre in remti lo
NEW DELHI: Aam Aadmi Party (AAP) chun Delhi Assembly chu ṭhiek a, a thara inthlangna nei dingin Supreme Court-ah a zuolko a, sienkhawm sawrkar thlungpui chun AAP ngenna hi hnawlin a remti pek nawh. Supreme Court chun hi thu hi Constitution Bench ngaituo dingin a pekdawk. Sawrkar siem thei an um am tia la en phawt ning a tih tiin P.S. Narsimhan, Additional Solicitor General chun Supreme Court a hril. Delhi Assembly hi Suspended Animation le President Rule hnuoia sie a nih.
Maoist helpawl 5 an inpe
VISAKHAPATNAM: Zani hmasa khan CPI Maoist Dalam Cadres 5 hai chu Narsipatnam Officer on Special Duty huongsungah Vikram Jeet Duggal, Visakhapatnam Rural SP hmaah an inpe. Inpe hai laia Galikonda Dalam chu sawrkarin luman Rs. 1,00,000 neia a lo puong tasa a nih. Ralthuom inpeklutpui ruok chu an nei nawh.
India rama Bill Clinton a hung inzin ding
NEW YORK: US President hlui Bill Clinton chu July 16, 2014 khin India rama hung inzin a ta, Lucknow le Jaipur hai sir a tih. India rama inthawkin Vietnam, Indonesia, Papua New Guinea le Australia ram haiah inzin pei a tih. Clinton Global Initiative Commitment to Action programme le inzawma hieng rambunghai hi a sir ding a nih.
Doctor lemchang in nupui 1 hlem
CHENNAI: July 3, 2014 zingkar khan Sri Ramachandra Medical College-ah Ms Gomati (30) of Avadi chun nau a nei a, zantieng huna Gomati umna pindanah Doctor nia inhril, doctor lem chang Coat var haka a ringa Stethoscope awr pasal pakhat a va lut a, Gomati chu injection a ṭul tiin injection a thaw a, Gomati chu khaw hre lova um nghalin doctor lemchang/doctor tehlem hin a rangkachak ṭhi awr, Rs. 2.8 lakh manhu chu la in a fe hmang san dai. Doctor anga inhril pa hi a hnungin doctor tehlem a nih ti hriet suok a ni a, sienkhawm a hmel le umna hriet a ninaw leiin man ngaina a um ta nawh tiin Police han an hril.
VAWISUN THUPUI
Lalpa chu a ropui a, thilthawthei tienga khawm hrâttak a nih, A varna chun tâwpintai a nei nawh. Lalpa chun thuhnuoirawlhai chu a chel zing a, Mi rilohai chu hnuoiah a peithlâk hlak. - Sâm 147:5-6
EDITORIAL:
Inlirthei motor pung hrat taluo hi
A ni telin Churachandpur District-ah inlirthei a pung tuol tuol a, ei lamlien hlak chu an ṭhanglien ve si nawh. Inṭhang nekin lamlienpui sir haiah thil zawr an la pung pei bawk si leiin ei lamlien chu an tepin a chin tiel tiel amani ding aw ti theiin a um. Churachandpur District a inlirthei pung hrat dan chu tuolsung chanchinbu tiemtu han ei hriet seng. June thla sung ringawt khawm khan Inlirthei chi hran hran 176 inchawk thar a ni a, hiengang peia inlirthei a pung chun tuta nek hin ei lamlien hi ei lan tar ding a nih ti chu a chieng sa a nih. Lamlienpu khawm nuom hun huna kan el thei an ta naw a, minutes 2-3 bek nghak a ngai ta a nih. Inlirthei a pung pei bakah mihriem ei pung pei bawk leiin lo thei lova Churachandpur town sunga lamlienpui hai chu keklien an la hung ṭul ding a nih.
Manipur a District 9 um hai laia chun Imphal le Churachandpur District hai hi inlirthei thar pung hratna tak an ni ngei ring a um. Inlirthei chau ni lovin mihriem khawm nasa takin ei pung pei a, tlangrama cheng nuom hi chu ei um meu ta nawh. Lal (village Chief) ei tihai khawm mani khawsunga cheng chu hril tham an ni ta nawh. A tam lem chu phairamah an cheng tawl ta a nih. Inlirthei le mihriem tamna le bubitna khawpuia cheng ei nuom tawl si chun lamlien keklien hi inro le theida chi ninaw nih. Kangmei ei tuok changin khawpui sunga lampui hai a chin bakah kar awl um ta der lova inchip tak le building intawktawn hiela ei bawl leiin kangmei ṭheltu Fire Brigade motor khawm a lut thei ta naw leiin kangmei ṭhel chu thil harsa takel a ni leiin ei thil neihai cheng nuoitel le cheng vaibelsie tel a kang hmang vawng el hlak a nih. Hi lei hin in bawltu han karawl neiin in annawleh building bawl ta hlak inla ei renga ta dinga thilṭha a hung ni ngei ring a um. A mak angreng khawp el, a hausa sa hi an ret thiem le a duam an ni ta pei el a nih. Duamna suol hin chu a mi sukvet tawl an ta hi!
Inlirthei pung hrat taluo hi ei ram sawrkarin a thunun (control) naw chun ṭhatpui nekin ei la sietpui el thei ding niin an lang. A bikin mihai hnawl ta hnung, motor ṭawp tak tak le engine ṭha lo hai hi ei state a laklut hi sawrkarin khap hmak el sienla chu ei state a motor tam le pung hrat taluo hi control-na ṭha tak a hung ni thei ring a um. Mi han inlirthei an hnawl ta hnung Manipur state sunga la service hi an tam hle a, Manipur a motor um hai laia a zatve a tling phak el thei a nih. Mihriem hriselna tawkpawi thei le engine ṭhat tawk naw leia eksiden thut thut thei an ni leiin control chu a ṭul a nih.
Zohnathlakhai mizie laia thil ṭha lo takel chu pawisa nei taphawtin motor inchawk ei tum pei el hi a nih. Ei sin lei le ei fakzawngna leia motor nei lo thei lo chu an um ngei el. Motor tam lem hi chu mamaw emem lei khawm ni lo, pawisa nei lei le mi khawmin an nei an nawm ti leia nei ve el dam le nuomtawl le nuom chenna dinga inchawk el dam ei niin an lang. Chaponain a hung irsuok a ni tak awm ie. Vaihai leh chu ei ngaidan an ang naw hle. Vai han cheng singkhat an nei chun dampui ngei tumin le a let tama sukpung (invest) ngei an tum hlak. Zohnathlakhai ruok chun pawisa ei hang nei le hmu char le inruolin thil inchawk ding ei zawng nghal a, ei mamaw ni der lo, ei ditzawng cheng sangtel le singtel hmangin ei inchawk ngam el hlak. Pa pakhat chun, a naupa’n Bike inchawkna man ding a nei ti a hriet leia Bike inchawk a ngen a, a pawisa nei po po hmanga Bike inchawk a ngam si naw leiin a harsatna thu a mi hril chu lunginsiet a um ngei el. Nat le sat tuok thei, damnaw thei le emergency a sum mamaw thut thei laia Bike thar mani sum nei po po hmanga inchawk chu pangzat le ṭiṭam um takel a nih.
