HEADLINES:
Mizoram Synod in MLTP hlip an ditnaw zie suklangna dinga lampui hraw an tum an ṭhul nawk
AIZAWL: Mizoram Presbyterian Kohran/Mizoram Synod in Mizoram Liquor Total Prohibition (MLTP) Act hlip an ditnaw zie suklangna dinga lampui hraw dinga an rel tasa chu an sut/ ṭhul nawk a, Poster ruok chu la tar dingin an rel. Central Young Mizoram Association (CYMA) Mizoram Upa Pawl (MUP) le Mizoram Hmeichhe Inzawmkhawm Pawl (MHIP) hai chun Mizoram Synod in lampui hrawna thlawp dinga an ngenna hi an ngaituo a, pawl hminga ṭhang lo dingin an rel a, hi leia Mizoram Synod in lampui hraw dinga thutlukna an lo siemta chu an sut nawk a nih. CYMA ṭhuoituhai chun, YMA angin Synod lampui hraw ding thlawp nawhai sienkhawm an member- hai chu Kohran mi an nina anga Synod hmalakna an thlawp a ni chun, a remnawna a um naw thu le harsatna a um naw thu an hril. CYMA chun, MLTP hlip chu ṭha an ti naw thu an insuo a, Mizoram sawrkarin MLTP Act a fepui mek chu hlawtling nawk zuol dingin hma la pei sienla, Zu le Drugs hi YMA chun theitawp suoin dozui pei sienla an ti thu thusuok an siemah an zieklang. Mizoram sawrkar chun Mizorama Zu khap hmakna dan (MLTP Act) hi hlip ta dingin hma a lak a, Mizoram Assembly Session hung um dinga hin MLTP Act hlipna ding Bill pasi a tum a nih. Hi leia Mizoram Synod in MLTP Act hlip tumna hi ṭha ti lo a, a dodalnaa mipui han lampui hraw ding le poster tar dinga an lo reltluk hman a nih.
LOCAL NEWS:
July 9 a inthawk New Connection Drive nei dingin
CCPUR: Zani 11:30AM khan Mr P.K. Jha, IAS, DC, CCPur inrawinain a office chamber-ah Electric power thuah meeting nei a nih. Meeting huna hin July 9, 2014 a inthawkin Headquarters Veng-a ṭanin Electric New Connection drive thaw ding le a dawt dawta thaw pei dingin an rel. New Connection Drive thaw huna hin permit nei lova electric la hai ta dingin a fee peka permit nei ding thuah campaign nei nghal ning a ta, a hmuna sum an pek leh hmun le hmunah electric permit peka zawm pek nghal pei ning an tih. Amiruokchu, permit ngaisaklo le sum pe nuom lo hai chu an electric lakna sut pek ning a ta. Sut pek an ni hnunga an lo zawm nawk a ni chun Police leh ṭhangruolin an electric lakna sutpek le a ṭul anga action lak ding tiin an rel. Hi baka hin Loadsheeding programme mipui hriet dinga puong pei a ni theina dingin Department in hma lang an ta, sukfel zo a nipha Loadsheeding hun hai puong pei nit a dingin an rel bawk. Hun dang le tekhiin tulai hin electric power ei hmu ṭha deu a. Hi thil hi mi ṭhenkhat chun World Cup lei niin an hril a, sienkhawm World Cup lei ni lovin electric power pesuoktu Hydropower project han peak season a ni leiin tui a tam leia power an peksuok a hung tam lei a nih tiin Mr P.K. Jha, DC, CCPur chun a hril. Meeting huna hin Electric Department officials hai bakah CCPur Consumers Club, Joint philanthropic Organisation ṭhuoituhai le BO Hq. DC Office hai an ṭhang.
One Day Workshop nei
CCPUR: District Health Society (DHS), CCPur hmalaknain zani 10:30AM khan CMO Office campus- a NRHM Conference Hall-ah District Level One Day Workshop on Infant & Young Child feeding nei a nih. Workshop hi CMO in a hawng a, resource person in Dr W. Kameshore Singh, MD, Asst. Prof. (Paed), JNIMS, Imphal le Dr Usha Khundrakpam, Jt. Director/ SNO (ASHA) NRHM Manipur hai an ṭhang. Doctors le Nurses 40 chuong workshop a hin an ṭhang.
HROC General Body meeting
CCPUR: Hmar Retired Officers’ Club (HROC) General Body meeting hmasa tak chu July 12, 2014 sun dar 12 khin Rengkai Community Hall, Rengkai, CCPur-ah um a ta, programme hmang zova hmangaina ruoi kiltlang an tih.
UCC Emergency meeting
CCPUR: United Chief Committee (UCC) CCPur Emergency meeting chu July 5, 2014 sun dar 11:30 hin S.T. Solomon (Chief of Chiengkonpang) Inah nei ning a ta, UCC Executive members le Block tina ṭhuoituhai kim taka ṭhang seng dingin Secretary, Information, UCC, CCPur chun inhriettirna a siem. NLUP chungthuhriltlang ning a tih.
KSO in ṭhangpuinain Bufai an pek tawl
CCPUR: Kuki Students Organisation (KSO), CCPur chun zani 11AM khan Bijang- a Sang-ga Muon In kuomah ṭhangpuina in bufai bag 2 an pek. Chun, hi zo hin Bungmual-a Amazing Grace kuomah Bufai Bag 2 le Pangjol khuoa Happiness Home kuomah Bufai bag 3 a thlawnin an pek bawk.
SP in WC inhawi taka en dingin
CCPUR: Mr K.Kabib, IPS, SP, CCPur chun, FIFA World Cup ṭan a nia inthawk round of 16 zo chenah betting/ gambling leia buoina a umnaw chu lawmum a ti thu hrilin quarterfinals vawizana khel ṭan dinga inthawk final chenah mitin inhawi taka world Cup en seng ding in ditsakna an hlan a. Betting leia buoina siem an um chun Police inhriettir dingin mipui hai a ngen bawk.
Senvon biel-ah MDC ngir a tum
CCPUR: Tipaimukh A/C a Congress Worker Mr Tlansang chun MDC election hung um dingah Senvon biel-ah MDC ngir a tum a, hi le inzawm hin July 3, 2014 khan Senvawn biela Public leaders, V/A Chairman, Secretary hai bakah ruolṭha le laina hai bu a fakpui. Hi huna hin kum thara MDC election hung um dinga hmalak dan ding hai hriltlang le Senvawn biela a sinthaw tum hai a hril a, hi huna ṭhang hai chun Senvon biel MDC electiona thawtlang pui dingin an rel tiin report a hung pek.
DC rawiin thingkak
CCPUR: Southern Forest Division, CCPur hmalakna le Mr P.K. Jha, IAS, DC, CCPur inrawinain District Level Officers (DLOs) han vawisun 3:30PM hin Public ground kîm vel haiah thingkak phunna nei an tih.
Manmasi Digest
CCPUR: Manmasi Digest Magazine June, 2014 issue a suok nawk tah. A dit hai chun Agent tum tum hai kuoma inthawk hmu thei ning a ta, R&L Enterprises, Rengkai, Near HSA Campus; Pine Hill Stationary, Near Ccpur Police Station le A ṭha bek bek Store, Vengpui, Rengkai haiah inchawk thei ning a tih.
AIR, CCPur stn. Prog.
CCPUR: Vawisuna AIR, CCPur station-a Paite programme a chun hla thlang le This Week in CCPur tiem ning a tih. Hmar programme a chun Kailiensang Pakhuongte in hla sak a ta, This Week in CCPur tiem ning a tih. Thadou programme a chun hla thlang le This Week in CCPur tiem ning a tih.
IMPHAL NEWS:
Mi inlar 3 in BJP an zawm
IMPHAL: Manipur Finance Minister hlui le 16th Lok Sabha election-a Outer Manipur Parliamentary Constituency- a NCP candidate, Chungkhokai Doungel, Manipur Pradesh Trinamool Congress General Secretary hlui le Spokesperson lo ni hlak R.K. Shivachandra Singh le Manipur Assembly Election nuhnung taka Lamlai A/C a Trinamool Congress candidate Kh. Ibomcha haichun zanikhan an umna party suoksanin BJP an zawm.
Naupang suolluitu NSCN(IM) cadre a nih
IMPHAL: June 28, 2014 zana Chandel District a nuhmei naupang kum 6 mi suolluitu, D.S. Kodar (30) chu NSCN(IM) cadre a lo nih a, mipui lungsenin June 30, 2014 khan a In an ṭhiek pek. Nuhmei naupang hi RIMS ah Medical Test thaw a nita bakah Police han case an registered. D.S. Kodar hi a tlan hmang leiin man a la ninaw a, man tumin Police han an zawng mek.
Motor eksiden-ah student 1 a thi
IMPHAL: Zani zingkar khan Thoubal Keli Makhong, Leishangthem Leikai -ah Maruti Van le Tata Truck an inbaw a, mi pakhat a thi a, midang 23 n hliem. Hliemhai laia an rik zuol mi 14 hai chu Shija Hospital panpui an nih. Van a chuong le hliem inrik hai hi student an nih. Hi eksiden-a thina tuok chu Laishangthem Sushil (8) s/o Surchandra of Thoubal Leishamthem niin Evergreen Flower School-a Class II inchuklai a nih. Eksiden hi zani zing dar 5.40 vela kha tlung a nih.
KIM hmalaknain Peaceful Public Rally
IMPHAL: Kuki Inpi Manipur (KIM) le Kuki Frontal Organisation, KSO, Kuki Chief Association, Kuki Women Union le Kuki Organisation for Human Rights hai ṭhangruolin hmun 8, Senapati, Tamenglong, Jiribam, Churachandpur, Chandel, Ukhrul le Imphal haiah vawisun hin Public Peaceful Rally nei an tih. NSCN(IM) hai kuta Kuki tam takel an thi dodalnaa hi rally hi nei an tum a nih.
Ralthuom tam tak dapdawk le man
IMPHAL: Red Shield Division hnuoia Loktak Brigade troops han July 1, 2014 nia Loktak Dil bula Karang biel sunga dappui an thawnaah ralthuom tam tak dapdawkin an man. Ralthuom dapdawk le mana um hai chu, AK- 56 Rifle 1, AK-47 Rifle 1, 40mm Lathode launcher 1, Carbines 6, 9mm Revolver 1, .22 Rifle 1, 40mm lathode mu 3, 7.62mm silaimu 50, 5.56 mm silaimu 30, AK-56 silaimu 15, 9mm Revolver mu 10 le 9mm Pistol mu 5 a ṭhang tiin PIB, Defence Wing thusuok chun a hril.
Mithiruong pakhat hmu a nih
IMPHAL: Zanikhan PWD Office, Mayang Imphal huongsungah pasal pakhat a thisaa hmu a nih. Mithi hi SAikhom Shyam (29) s/o (L) S.Tomba of Mayang Imphal Maning Leikai a nih. A taksaah duk raka hliemna hmu a ni a, a ruong hi postmortem thaw dingin RIMS Morgue-ah sie ning a tih.
Lecturers post 8 a ruok
IMPHAL: Jiribam Higher Secondary School a thawk ding Contract basis in Lecturers posts 8 (Mathematics post 2 le Bengali, Botany, Commerce, English, History le Physics post 1 seng) a ruok. Application Form le thu chieng lem official website: www.manipureducation. gov.in ah download thei ning a tih. Thla khatah remuneration Rs. 13,700 pek ning an tih.
NATIONAL NEWS:
Sushma Nepal-ah an zin ding
NEW DELHI: July 25- 27, 2014 sung khin External Affairs Minister Sushma Swaraj chu Nepal ah inzin a ta, Nepal Foreign Minister, Mahendra Bahadur Pandey, Nepal President, Dr Ram Baran Yadav, Nepal PM Sushil Koirala le Subhash Chandra Nemwang, Chairman, Constituent Assembly le Legislative Parliament hai inbiekpui a tih. Nepal rama a cham sungin 3rd Nepal-India Joint Commission meetingah ṭhang a tih.
Amit Shah Z-Plus Security pek
NEW DELHI: BJP General Secretary, Amit Shah chu July 2, 2014 a inthawk khan Z-Plus Security pek ṭan a nih. Amit Shah hi PM Narendra Modi mi ringzo em em el a ni a, BJP National President a hlangkai a la hung ni ring a nih. National Security Adviser, Ajit Doval khawm June thlaa inthawk khan ZPlus security pek ṭan a nih. A hma chun Z category security peka um a nih.
Pakistan mi 3 kap hlum
JAMMU: Zani zingkar khan Jammu and Kashmir a Poonch District a Line of Control (LoC) ah Indian Army le a ruk a rala India rama hung lut tum, ralthuom ṭha tak tak chawihai an inkaptuo a, India rama hung lut tum mi 3 kaphlum an nih tiin Police thusuok chun a hril.
VIP-hai Security enfel a ni ding
NEW DELHI: United Progressive Alliance (UPA) sawrkar chun VIPs 150 hai kuoma venghimtu (security guards) a pek a, hienghai hi Parliament Budget Sesion zova ennawn le enfel ning a tih tiin Union Home Ministry official thusuok chun a hril. VIPs venghimtu peka um hai hi chi thum a ṭhe a ni a, A “Z-Plus’ category hai chu Commandos 25 pei, “Z” Category hai chu Commandos 11 pei le “Y” category hai chu commando 2 pei pek an nih. Security Guard pekhai hi Minister ni lai, MP ni lai, Ex-MP, Ex-Minister, Party leader le Reliance Industries Manager, Mukesh Ambani hai an nih. NDA sawrkarin VIPs hai kuoma venghimtu peka um hi a suktlawm ding am tia chanchinbumihai indawnna chu dawnin, Union Home Minister Rajnath Singh chun, hi thua hin thutlukna lak a la ni nawh tiin a hril.
McCain in PM le External Affairs Minister
NEW DELHI: Zani le zani hmasa khan American Senator John McCain chun a hran ve vein PM Narendra Modi le External Affairs Minister Sushma Swaraj hai New Delhi-ah an hmupui. John McCain chun US le India inlaichina chu a thara siemṭhat a nuom thu le Modi chu September thlaa US a inzin ding le a hmel an lo hmu ngei a beisei thu a hril. Modi khawma ram pahnihai inlaichinna siem ṭha zuol a nuom ve thu a lo hril. July 2, 2014 khan McCain le Sushma Swaraj chu an inhmu a, Afghanistan ngirhmun an hriltlang.
Nuhmei naupang suollui a nih
KUMARGHAT: June 30, 2014 khan Suman Das (23), Uttar Radhapur Village, Dharmanagar, North Tripura chun an khuo mi, nuhmei naupang kum 8 mi a suollui leiin Police han an man. Nuhmei naupang suolluia um hi a hliem na hle a, Rajiv Gandhi Memorial District Hospital, Kailashahar-ah enkawl mek a ni a, a damzo ding le ding naw hriet a la ni nawh.
German Bakery a bomb sukpuoktu man
KOLKATA: German Bakery, Pune a bomb sukpuoknaa ṭhang Indian Mujahideen (IM) member, Zahid Hussain chu July 2, 2014 khan Police han Kolkata Railway Station bulah an man. Zahid Hussain hi Bangladesh mi le sa a nih. Kum 2010 khan German Bakery, Pune ah bomb an sukpuok a, mi 9 an thi pha a nih.
Kum 2022 ah In pek vawng ding
NEW DELHI: July 2 & 3, 2014 hai khan Urban Development and Housing Ministers le Secretaries han New Delhi-ah meeting an nei a, hi huna thu a hrilnaa chun, kum 2022 a khin chu India mi, In la nei lo hai po po ta dingin In bawl pek vawng ning a tih. Hi thil hi PM Narendra Modi khawmin a ngaipawimaw hle a nih tiin Union Urban Development and Housing Minister, Venkaiah Naidu chun a hril.
SPORTS:
Vawizan-a inthawk Fifa World Cup Quarterfinals inkhel ṭan ning a tih
RIO DE JANEIRO: European heavyweights Fifa world ranking no. 2 Germany le ranking no. 17 France hai chun vawizan 9:30PM hin Estadio Maracana hmuna quarterfinals hmasa tak inkhel an tih. France hi World Cup title ṭumkhat (1998) lo lata an ni a, Germany ruok hin chu ṭum thum (1954, 1974 le 1990) hai khan World Cup title an lo lak ta a nih. Tu ṭum world Cup khel china France le Germany hai hi hnenaw la nei lo le group gamea points 7 ve ve hmu an nih. Germany hin group games a khan Portugal 4-0 a hnein Ghana chu 2-2 in an indraw pui a, USA chu 1-0 in an hne a, Round of 16 a khan Germany chun extra time-ah Algeria 2-1 in an hne a nih. France chun group games a khan Honduras chu 3-0 le Switzerland chu 5-0 a hnein Ecuador chu 0-0 in an draw pui a, Round of 16 a khan France hin Nigeria chu 2-0 in an lo hne a nih. Germany le France hai hi an ṭhat dan an ang puot leiin an inhne tawk hle ring a nih. World Cup ah vawi thum an lo inpettuo ta a, vawikhat ve ve hratin vawikhat an indraw. A hrat lem lemin semifinals-ah Brazil /Colombia pakhat lem lem an inkhelpui ding a nih.
BRAZIL V/S COLOMBIA
July 5, 2014, 1:30AM in World Cup mikhuoltu Brazil le Colombia han quarterfinals inkhel an tih. Brazil le Colombia hai hi tuta hma khan vawi 25 an lo inpettuo ta a, Brazil vawi 15 le Colombia vawi 2 an hrat a, vawi 8 an lo indraw ta a nih. Brazil hin quarterfinals lutna dingin Chile chu Penalty-ah an hne a, Columbia chun full time-in Uruguay hnein quarterfinals an lut ve thung a nih. Colombia hin Brazil hnea semifinals an lut chun World Cup-a semifinals an lut vawikhatna ding a nih. Kum 1990 khan Colombia hi Round of 16 chen an lut.
ARGENTINA V/S BELGIUM
July 5, 2014, 9:30PM in Argentina le Belgium inkhel an tih. Belgium le Argentina hai hi group gamesah a hrat tak ve ve an ni el bakah tuchena hnenaw la nei lo ve ve an ni bawk leiin en inhawi hle dinga ngai a nih. Argentina innghatna tak chu Lionel Messi a ni a, Messi hin group stages a matches tina goal a thun zie a, round of 16 a Switzerland an hnenaa khawm khan a ball supply leia hratna chang a nih. Belgium khawmin players ṭha tak tak Eden Hazard, Adnan Januzaj, Romelu Lukaku le a dang dang an nei ve. Argentina hin Messi ṭhangin attacking players a nei ṭha a, Belgium chun defense an neiṭha hle bawk. July 6, 1:30AM in Netherlands le Costa Rica inkhel an tih. Tuta ṭum hi World Cup-a round of 16 a group winner hai an la hrat vawng/quarterfinals an lut vawng vawikhatna a la nih. FIFA in group stage zova knockout stage inkhel nghal hi kum 1986 a inthawka a thaw ṭan a ni a, kum 2010 chen khan group winner (group stage champion) hai an la hrat vawng ngainaw a nih.
VAWISUN THUPUI
Aw Pathien, lâwmthu kan hril che, Lâwmthu kan hril che, i hming a hnai sih a; Mihaiin i thilmakthaw thuhai chu an hril hlak. - Sâm 75:1
EDITORIAL:
Ro tling
Inthuk lem le lien lema mani thua inrelbawlna neia State puitling hnuoia ei um hi kum 40 a chuong ta a, State sawrkar khawm vawisawm lai zet ei lo hrawn ta a. State puitling ei ni hnunga sawrkar siemtuhai khawmin inthlang ding huna mipui kuoma an thutiem anga sin an thaw thei naw hlak leiin tuchen hin ram le hnam ta dinga ro tling, hmasawnna amani, fak zawngna a ni amani hang hril tham ei la nei phak meu naw a. Election nei ding huna a hmaa ei khek hla bak thil thar kheksuokpui ngam ei la nei tam naw hle. Hi lei hin Politicians, khawtlang ṭhuoituhai, Pawl hran hrana ṭhuoituhai le mipui hai ei inennawn rawp a, ro tling khawp thil ei nei theina dinga hma ei laktlang hi a hun ta hle.
Kawng hran hranah hmatieng pan pei ding ei ni a, development thar ei suol suok pei a pawimaw ruolin, ram le hnam ta dinga ro tling tak tak ding, fak le dawn a intodel dinga beipui ei thlak hi a pawimaw hle. Hi thil hi Politicians han an hriet naw khawm a ni naw a, a pawimaw dan hriechiengtu lem khawm ning an tih; nisienlakhawm, tuchen hin ieng sawrkar khawm hin fak le dawn a intodelna hi mipui an mi la pek thei nawh. Thil danga khawm, a nina takah chun ro tling tia hang hril khukpui luoi luoi ding hi a la tlawm tham hle a, mamaw bulpui dang pathum hieng tui, lamlienpui le power tiengah hlak,mipui ei pung pei a, lifestyle an thlak pei a, ei harsa tul tul lem niin an lang. Thil dang ro tling siem ding khawmin a hmasa taka pawimaw chu fak le dawn a intodel a nih. Motor a infepawna lamlien a hung se hlak amani, bandh le blockade lei dama ei buoi phihli hlak hi ei ram ṭhuoitu han ngaipawimaw ah neihai sienla, kum 40 chuong liemta sung khan hi harsatna hi a re hmak naw khawma zaah sawmriet bek chu sutkieng thei a hun ta hle.
Tu chen hin fak le dawnah ei lan todel naw a, sum ei thawsuok tlawm bawk si, hmang rawn em em el ei nih. Mipui mamaw bulpui laklutna dinga sum hmang (subsidy) tam leia hmasawnna a fe ṭha pha nawh tia mipui tuorna intlun zawnga hmalak tumna um zuou zuou hlak khawm hi, a bulpui chu fak le dawn a intodelna mi tiemtu sawrkarna lo chel tahai po po han an thutiem an hlensuok ngai naw lei a nih. Mipui hma ṭhuoi a, dawmkang dinga sinthawna zakhuo inbel huomtuhai hin inlalna an chang pha leh bal ṭia kawrchung an mi haksan nawk el hlak leia tuta ngirhmun hi tlung ei nih ti thei a ni awm ie.
Politician ṭhenkhat hin chu ram ro tling khawp sawpsuo dinga hmalakna an nei meu naw a, an hmathlir a hla naw a, inthlang hun nawka an tling nawk thei dan ding chau ngaituoin an thlir nasa taluo a, ram hnuk tlung phak ding thil riruong (long term plan) tiengpangah an chau em em a, sawrkar hmalakna sunzawm nuom lo an la ching hi a pawi hle a nih.
Ram le hnam ro tling khawpa sin thaw thei a hung ni theina ding chun sawrkarna cheltu, Ministers le MLAs hai hi a chang chun thlakthleng (change) an ṭul. Ei rama sawrkarna cheltu chun election huna khan change hung um a ta, Manipur in hmel thar a hung put ding a nih tiin hril sienlakhawm tuchen hin ‘change’ chu hmu ding a la um nawh.
Mizoram Synod in MLTP hlip an ditnaw zie suklangna dinga lampui hraw an tum an ṭhul nawk
AIZAWL: Mizoram Presbyterian Kohran/Mizoram Synod in Mizoram Liquor Total Prohibition (MLTP) Act hlip an ditnaw zie suklangna dinga lampui hraw dinga an rel tasa chu an sut/ ṭhul nawk a, Poster ruok chu la tar dingin an rel. Central Young Mizoram Association (CYMA) Mizoram Upa Pawl (MUP) le Mizoram Hmeichhe Inzawmkhawm Pawl (MHIP) hai chun Mizoram Synod in lampui hrawna thlawp dinga an ngenna hi an ngaituo a, pawl hminga ṭhang lo dingin an rel a, hi leia Mizoram Synod in lampui hraw dinga thutlukna an lo siemta chu an sut nawk a nih. CYMA ṭhuoituhai chun, YMA angin Synod lampui hraw ding thlawp nawhai sienkhawm an member- hai chu Kohran mi an nina anga Synod hmalakna an thlawp a ni chun, a remnawna a um naw thu le harsatna a um naw thu an hril. CYMA chun, MLTP hlip chu ṭha an ti naw thu an insuo a, Mizoram sawrkarin MLTP Act a fepui mek chu hlawtling nawk zuol dingin hma la pei sienla, Zu le Drugs hi YMA chun theitawp suoin dozui pei sienla an ti thu thusuok an siemah an zieklang. Mizoram sawrkar chun Mizorama Zu khap hmakna dan (MLTP Act) hi hlip ta dingin hma a lak a, Mizoram Assembly Session hung um dinga hin MLTP Act hlipna ding Bill pasi a tum a nih. Hi leia Mizoram Synod in MLTP Act hlip tumna hi ṭha ti lo a, a dodalnaa mipui han lampui hraw ding le poster tar dinga an lo reltluk hman a nih.
LOCAL NEWS:
July 9 a inthawk New Connection Drive nei dingin
CCPUR: Zani 11:30AM khan Mr P.K. Jha, IAS, DC, CCPur inrawinain a office chamber-ah Electric power thuah meeting nei a nih. Meeting huna hin July 9, 2014 a inthawkin Headquarters Veng-a ṭanin Electric New Connection drive thaw ding le a dawt dawta thaw pei dingin an rel. New Connection Drive thaw huna hin permit nei lova electric la hai ta dingin a fee peka permit nei ding thuah campaign nei nghal ning a ta, a hmuna sum an pek leh hmun le hmunah electric permit peka zawm pek nghal pei ning an tih. Amiruokchu, permit ngaisaklo le sum pe nuom lo hai chu an electric lakna sut pek ning a ta. Sut pek an ni hnunga an lo zawm nawk a ni chun Police leh ṭhangruolin an electric lakna sutpek le a ṭul anga action lak ding tiin an rel. Hi baka hin Loadsheeding programme mipui hriet dinga puong pei a ni theina dingin Department in hma lang an ta, sukfel zo a nipha Loadsheeding hun hai puong pei nit a dingin an rel bawk. Hun dang le tekhiin tulai hin electric power ei hmu ṭha deu a. Hi thil hi mi ṭhenkhat chun World Cup lei niin an hril a, sienkhawm World Cup lei ni lovin electric power pesuoktu Hydropower project han peak season a ni leiin tui a tam leia power an peksuok a hung tam lei a nih tiin Mr P.K. Jha, DC, CCPur chun a hril. Meeting huna hin Electric Department officials hai bakah CCPur Consumers Club, Joint philanthropic Organisation ṭhuoituhai le BO Hq. DC Office hai an ṭhang.
One Day Workshop nei
CCPUR: District Health Society (DHS), CCPur hmalaknain zani 10:30AM khan CMO Office campus- a NRHM Conference Hall-ah District Level One Day Workshop on Infant & Young Child feeding nei a nih. Workshop hi CMO in a hawng a, resource person in Dr W. Kameshore Singh, MD, Asst. Prof. (Paed), JNIMS, Imphal le Dr Usha Khundrakpam, Jt. Director/ SNO (ASHA) NRHM Manipur hai an ṭhang. Doctors le Nurses 40 chuong workshop a hin an ṭhang.
HROC General Body meeting
CCPUR: Hmar Retired Officers’ Club (HROC) General Body meeting hmasa tak chu July 12, 2014 sun dar 12 khin Rengkai Community Hall, Rengkai, CCPur-ah um a ta, programme hmang zova hmangaina ruoi kiltlang an tih.
UCC Emergency meeting
CCPUR: United Chief Committee (UCC) CCPur Emergency meeting chu July 5, 2014 sun dar 11:30 hin S.T. Solomon (Chief of Chiengkonpang) Inah nei ning a ta, UCC Executive members le Block tina ṭhuoituhai kim taka ṭhang seng dingin Secretary, Information, UCC, CCPur chun inhriettirna a siem. NLUP chungthuhriltlang ning a tih.
KSO in ṭhangpuinain Bufai an pek tawl
CCPUR: Kuki Students Organisation (KSO), CCPur chun zani 11AM khan Bijang- a Sang-ga Muon In kuomah ṭhangpuina in bufai bag 2 an pek. Chun, hi zo hin Bungmual-a Amazing Grace kuomah Bufai Bag 2 le Pangjol khuoa Happiness Home kuomah Bufai bag 3 a thlawnin an pek bawk.
SP in WC inhawi taka en dingin
CCPUR: Mr K.Kabib, IPS, SP, CCPur chun, FIFA World Cup ṭan a nia inthawk round of 16 zo chenah betting/ gambling leia buoina a umnaw chu lawmum a ti thu hrilin quarterfinals vawizana khel ṭan dinga inthawk final chenah mitin inhawi taka world Cup en seng ding in ditsakna an hlan a. Betting leia buoina siem an um chun Police inhriettir dingin mipui hai a ngen bawk.
Senvon biel-ah MDC ngir a tum
CCPUR: Tipaimukh A/C a Congress Worker Mr Tlansang chun MDC election hung um dingah Senvon biel-ah MDC ngir a tum a, hi le inzawm hin July 3, 2014 khan Senvawn biela Public leaders, V/A Chairman, Secretary hai bakah ruolṭha le laina hai bu a fakpui. Hi huna hin kum thara MDC election hung um dinga hmalak dan ding hai hriltlang le Senvawn biela a sinthaw tum hai a hril a, hi huna ṭhang hai chun Senvon biel MDC electiona thawtlang pui dingin an rel tiin report a hung pek.
DC rawiin thingkak
CCPUR: Southern Forest Division, CCPur hmalakna le Mr P.K. Jha, IAS, DC, CCPur inrawinain District Level Officers (DLOs) han vawisun 3:30PM hin Public ground kîm vel haiah thingkak phunna nei an tih.
Manmasi Digest
CCPUR: Manmasi Digest Magazine June, 2014 issue a suok nawk tah. A dit hai chun Agent tum tum hai kuoma inthawk hmu thei ning a ta, R&L Enterprises, Rengkai, Near HSA Campus; Pine Hill Stationary, Near Ccpur Police Station le A ṭha bek bek Store, Vengpui, Rengkai haiah inchawk thei ning a tih.
AIR, CCPur stn. Prog.
CCPUR: Vawisuna AIR, CCPur station-a Paite programme a chun hla thlang le This Week in CCPur tiem ning a tih. Hmar programme a chun Kailiensang Pakhuongte in hla sak a ta, This Week in CCPur tiem ning a tih. Thadou programme a chun hla thlang le This Week in CCPur tiem ning a tih.
IMPHAL NEWS:
Mi inlar 3 in BJP an zawm
IMPHAL: Manipur Finance Minister hlui le 16th Lok Sabha election-a Outer Manipur Parliamentary Constituency- a NCP candidate, Chungkhokai Doungel, Manipur Pradesh Trinamool Congress General Secretary hlui le Spokesperson lo ni hlak R.K. Shivachandra Singh le Manipur Assembly Election nuhnung taka Lamlai A/C a Trinamool Congress candidate Kh. Ibomcha haichun zanikhan an umna party suoksanin BJP an zawm.
Naupang suolluitu NSCN(IM) cadre a nih
IMPHAL: June 28, 2014 zana Chandel District a nuhmei naupang kum 6 mi suolluitu, D.S. Kodar (30) chu NSCN(IM) cadre a lo nih a, mipui lungsenin June 30, 2014 khan a In an ṭhiek pek. Nuhmei naupang hi RIMS ah Medical Test thaw a nita bakah Police han case an registered. D.S. Kodar hi a tlan hmang leiin man a la ninaw a, man tumin Police han an zawng mek.
Motor eksiden-ah student 1 a thi
IMPHAL: Zani zingkar khan Thoubal Keli Makhong, Leishangthem Leikai -ah Maruti Van le Tata Truck an inbaw a, mi pakhat a thi a, midang 23 n hliem. Hliemhai laia an rik zuol mi 14 hai chu Shija Hospital panpui an nih. Van a chuong le hliem inrik hai hi student an nih. Hi eksiden-a thina tuok chu Laishangthem Sushil (8) s/o Surchandra of Thoubal Leishamthem niin Evergreen Flower School-a Class II inchuklai a nih. Eksiden hi zani zing dar 5.40 vela kha tlung a nih.
KIM hmalaknain Peaceful Public Rally
IMPHAL: Kuki Inpi Manipur (KIM) le Kuki Frontal Organisation, KSO, Kuki Chief Association, Kuki Women Union le Kuki Organisation for Human Rights hai ṭhangruolin hmun 8, Senapati, Tamenglong, Jiribam, Churachandpur, Chandel, Ukhrul le Imphal haiah vawisun hin Public Peaceful Rally nei an tih. NSCN(IM) hai kuta Kuki tam takel an thi dodalnaa hi rally hi nei an tum a nih.
Ralthuom tam tak dapdawk le man
IMPHAL: Red Shield Division hnuoia Loktak Brigade troops han July 1, 2014 nia Loktak Dil bula Karang biel sunga dappui an thawnaah ralthuom tam tak dapdawkin an man. Ralthuom dapdawk le mana um hai chu, AK- 56 Rifle 1, AK-47 Rifle 1, 40mm Lathode launcher 1, Carbines 6, 9mm Revolver 1, .22 Rifle 1, 40mm lathode mu 3, 7.62mm silaimu 50, 5.56 mm silaimu 30, AK-56 silaimu 15, 9mm Revolver mu 10 le 9mm Pistol mu 5 a ṭhang tiin PIB, Defence Wing thusuok chun a hril.
Mithiruong pakhat hmu a nih
IMPHAL: Zanikhan PWD Office, Mayang Imphal huongsungah pasal pakhat a thisaa hmu a nih. Mithi hi SAikhom Shyam (29) s/o (L) S.Tomba of Mayang Imphal Maning Leikai a nih. A taksaah duk raka hliemna hmu a ni a, a ruong hi postmortem thaw dingin RIMS Morgue-ah sie ning a tih.
Lecturers post 8 a ruok
IMPHAL: Jiribam Higher Secondary School a thawk ding Contract basis in Lecturers posts 8 (Mathematics post 2 le Bengali, Botany, Commerce, English, History le Physics post 1 seng) a ruok. Application Form le thu chieng lem official website: www.manipureducation. gov.in ah download thei ning a tih. Thla khatah remuneration Rs. 13,700 pek ning an tih.
NATIONAL NEWS:
Sushma Nepal-ah an zin ding
NEW DELHI: July 25- 27, 2014 sung khin External Affairs Minister Sushma Swaraj chu Nepal ah inzin a ta, Nepal Foreign Minister, Mahendra Bahadur Pandey, Nepal President, Dr Ram Baran Yadav, Nepal PM Sushil Koirala le Subhash Chandra Nemwang, Chairman, Constituent Assembly le Legislative Parliament hai inbiekpui a tih. Nepal rama a cham sungin 3rd Nepal-India Joint Commission meetingah ṭhang a tih.
Amit Shah Z-Plus Security pek
NEW DELHI: BJP General Secretary, Amit Shah chu July 2, 2014 a inthawk khan Z-Plus Security pek ṭan a nih. Amit Shah hi PM Narendra Modi mi ringzo em em el a ni a, BJP National President a hlangkai a la hung ni ring a nih. National Security Adviser, Ajit Doval khawm June thlaa inthawk khan ZPlus security pek ṭan a nih. A hma chun Z category security peka um a nih.
Pakistan mi 3 kap hlum
JAMMU: Zani zingkar khan Jammu and Kashmir a Poonch District a Line of Control (LoC) ah Indian Army le a ruk a rala India rama hung lut tum, ralthuom ṭha tak tak chawihai an inkaptuo a, India rama hung lut tum mi 3 kaphlum an nih tiin Police thusuok chun a hril.
VIP-hai Security enfel a ni ding
NEW DELHI: United Progressive Alliance (UPA) sawrkar chun VIPs 150 hai kuoma venghimtu (security guards) a pek a, hienghai hi Parliament Budget Sesion zova ennawn le enfel ning a tih tiin Union Home Ministry official thusuok chun a hril. VIPs venghimtu peka um hai hi chi thum a ṭhe a ni a, A “Z-Plus’ category hai chu Commandos 25 pei, “Z” Category hai chu Commandos 11 pei le “Y” category hai chu commando 2 pei pek an nih. Security Guard pekhai hi Minister ni lai, MP ni lai, Ex-MP, Ex-Minister, Party leader le Reliance Industries Manager, Mukesh Ambani hai an nih. NDA sawrkarin VIPs hai kuoma venghimtu peka um hi a suktlawm ding am tia chanchinbumihai indawnna chu dawnin, Union Home Minister Rajnath Singh chun, hi thua hin thutlukna lak a la ni nawh tiin a hril.
McCain in PM le External Affairs Minister
NEW DELHI: Zani le zani hmasa khan American Senator John McCain chun a hran ve vein PM Narendra Modi le External Affairs Minister Sushma Swaraj hai New Delhi-ah an hmupui. John McCain chun US le India inlaichina chu a thara siemṭhat a nuom thu le Modi chu September thlaa US a inzin ding le a hmel an lo hmu ngei a beisei thu a hril. Modi khawma ram pahnihai inlaichinna siem ṭha zuol a nuom ve thu a lo hril. July 2, 2014 khan McCain le Sushma Swaraj chu an inhmu a, Afghanistan ngirhmun an hriltlang.
Nuhmei naupang suollui a nih
KUMARGHAT: June 30, 2014 khan Suman Das (23), Uttar Radhapur Village, Dharmanagar, North Tripura chun an khuo mi, nuhmei naupang kum 8 mi a suollui leiin Police han an man. Nuhmei naupang suolluia um hi a hliem na hle a, Rajiv Gandhi Memorial District Hospital, Kailashahar-ah enkawl mek a ni a, a damzo ding le ding naw hriet a la ni nawh.
German Bakery a bomb sukpuoktu man
KOLKATA: German Bakery, Pune a bomb sukpuoknaa ṭhang Indian Mujahideen (IM) member, Zahid Hussain chu July 2, 2014 khan Police han Kolkata Railway Station bulah an man. Zahid Hussain hi Bangladesh mi le sa a nih. Kum 2010 khan German Bakery, Pune ah bomb an sukpuok a, mi 9 an thi pha a nih.
Kum 2022 ah In pek vawng ding
NEW DELHI: July 2 & 3, 2014 hai khan Urban Development and Housing Ministers le Secretaries han New Delhi-ah meeting an nei a, hi huna thu a hrilnaa chun, kum 2022 a khin chu India mi, In la nei lo hai po po ta dingin In bawl pek vawng ning a tih. Hi thil hi PM Narendra Modi khawmin a ngaipawimaw hle a nih tiin Union Urban Development and Housing Minister, Venkaiah Naidu chun a hril.
SPORTS:
Vawizan-a inthawk Fifa World Cup Quarterfinals inkhel ṭan ning a tih
RIO DE JANEIRO: European heavyweights Fifa world ranking no. 2 Germany le ranking no. 17 France hai chun vawizan 9:30PM hin Estadio Maracana hmuna quarterfinals hmasa tak inkhel an tih. France hi World Cup title ṭumkhat (1998) lo lata an ni a, Germany ruok hin chu ṭum thum (1954, 1974 le 1990) hai khan World Cup title an lo lak ta a nih. Tu ṭum world Cup khel china France le Germany hai hi hnenaw la nei lo le group gamea points 7 ve ve hmu an nih. Germany hin group games a khan Portugal 4-0 a hnein Ghana chu 2-2 in an indraw pui a, USA chu 1-0 in an hne a, Round of 16 a khan Germany chun extra time-ah Algeria 2-1 in an hne a nih. France chun group games a khan Honduras chu 3-0 le Switzerland chu 5-0 a hnein Ecuador chu 0-0 in an draw pui a, Round of 16 a khan France hin Nigeria chu 2-0 in an lo hne a nih. Germany le France hai hi an ṭhat dan an ang puot leiin an inhne tawk hle ring a nih. World Cup ah vawi thum an lo inpettuo ta a, vawikhat ve ve hratin vawikhat an indraw. A hrat lem lemin semifinals-ah Brazil /Colombia pakhat lem lem an inkhelpui ding a nih.
BRAZIL V/S COLOMBIA
July 5, 2014, 1:30AM in World Cup mikhuoltu Brazil le Colombia han quarterfinals inkhel an tih. Brazil le Colombia hai hi tuta hma khan vawi 25 an lo inpettuo ta a, Brazil vawi 15 le Colombia vawi 2 an hrat a, vawi 8 an lo indraw ta a nih. Brazil hin quarterfinals lutna dingin Chile chu Penalty-ah an hne a, Columbia chun full time-in Uruguay hnein quarterfinals an lut ve thung a nih. Colombia hin Brazil hnea semifinals an lut chun World Cup-a semifinals an lut vawikhatna ding a nih. Kum 1990 khan Colombia hi Round of 16 chen an lut.
ARGENTINA V/S BELGIUM
July 5, 2014, 9:30PM in Argentina le Belgium inkhel an tih. Belgium le Argentina hai hi group gamesah a hrat tak ve ve an ni el bakah tuchena hnenaw la nei lo ve ve an ni bawk leiin en inhawi hle dinga ngai a nih. Argentina innghatna tak chu Lionel Messi a ni a, Messi hin group stages a matches tina goal a thun zie a, round of 16 a Switzerland an hnenaa khawm khan a ball supply leia hratna chang a nih. Belgium khawmin players ṭha tak tak Eden Hazard, Adnan Januzaj, Romelu Lukaku le a dang dang an nei ve. Argentina hin Messi ṭhangin attacking players a nei ṭha a, Belgium chun defense an neiṭha hle bawk. July 6, 1:30AM in Netherlands le Costa Rica inkhel an tih. Tuta ṭum hi World Cup-a round of 16 a group winner hai an la hrat vawng/quarterfinals an lut vawng vawikhatna a la nih. FIFA in group stage zova knockout stage inkhel nghal hi kum 1986 a inthawka a thaw ṭan a ni a, kum 2010 chen khan group winner (group stage champion) hai an la hrat vawng ngainaw a nih.
VAWISUN THUPUI
Aw Pathien, lâwmthu kan hril che, Lâwmthu kan hril che, i hming a hnai sih a; Mihaiin i thilmakthaw thuhai chu an hril hlak. - Sâm 75:1
EDITORIAL:
Ro tling
Inthuk lem le lien lema mani thua inrelbawlna neia State puitling hnuoia ei um hi kum 40 a chuong ta a, State sawrkar khawm vawisawm lai zet ei lo hrawn ta a. State puitling ei ni hnunga sawrkar siemtuhai khawmin inthlang ding huna mipui kuoma an thutiem anga sin an thaw thei naw hlak leiin tuchen hin ram le hnam ta dinga ro tling, hmasawnna amani, fak zawngna a ni amani hang hril tham ei la nei phak meu naw a. Election nei ding huna a hmaa ei khek hla bak thil thar kheksuokpui ngam ei la nei tam naw hle. Hi lei hin Politicians, khawtlang ṭhuoituhai, Pawl hran hrana ṭhuoituhai le mipui hai ei inennawn rawp a, ro tling khawp thil ei nei theina dinga hma ei laktlang hi a hun ta hle.
Kawng hran hranah hmatieng pan pei ding ei ni a, development thar ei suol suok pei a pawimaw ruolin, ram le hnam ta dinga ro tling tak tak ding, fak le dawn a intodel dinga beipui ei thlak hi a pawimaw hle. Hi thil hi Politicians han an hriet naw khawm a ni naw a, a pawimaw dan hriechiengtu lem khawm ning an tih; nisienlakhawm, tuchen hin ieng sawrkar khawm hin fak le dawn a intodelna hi mipui an mi la pek thei nawh. Thil danga khawm, a nina takah chun ro tling tia hang hril khukpui luoi luoi ding hi a la tlawm tham hle a, mamaw bulpui dang pathum hieng tui, lamlienpui le power tiengah hlak,mipui ei pung pei a, lifestyle an thlak pei a, ei harsa tul tul lem niin an lang. Thil dang ro tling siem ding khawmin a hmasa taka pawimaw chu fak le dawn a intodel a nih. Motor a infepawna lamlien a hung se hlak amani, bandh le blockade lei dama ei buoi phihli hlak hi ei ram ṭhuoitu han ngaipawimaw ah neihai sienla, kum 40 chuong liemta sung khan hi harsatna hi a re hmak naw khawma zaah sawmriet bek chu sutkieng thei a hun ta hle.
Tu chen hin fak le dawnah ei lan todel naw a, sum ei thawsuok tlawm bawk si, hmang rawn em em el ei nih. Mipui mamaw bulpui laklutna dinga sum hmang (subsidy) tam leia hmasawnna a fe ṭha pha nawh tia mipui tuorna intlun zawnga hmalak tumna um zuou zuou hlak khawm hi, a bulpui chu fak le dawn a intodelna mi tiemtu sawrkarna lo chel tahai po po han an thutiem an hlensuok ngai naw lei a nih. Mipui hma ṭhuoi a, dawmkang dinga sinthawna zakhuo inbel huomtuhai hin inlalna an chang pha leh bal ṭia kawrchung an mi haksan nawk el hlak leia tuta ngirhmun hi tlung ei nih ti thei a ni awm ie.
Politician ṭhenkhat hin chu ram ro tling khawp sawpsuo dinga hmalakna an nei meu naw a, an hmathlir a hla naw a, inthlang hun nawka an tling nawk thei dan ding chau ngaituoin an thlir nasa taluo a, ram hnuk tlung phak ding thil riruong (long term plan) tiengpangah an chau em em a, sawrkar hmalakna sunzawm nuom lo an la ching hi a pawi hle a nih.
Ram le hnam ro tling khawpa sin thaw thei a hung ni theina ding chun sawrkarna cheltu, Ministers le MLAs hai hi a chang chun thlakthleng (change) an ṭul. Ei rama sawrkarna cheltu chun election huna khan change hung um a ta, Manipur in hmel thar a hung put ding a nih tiin hril sienlakhawm tuchen hin ‘change’ chu hmu ding a la um nawh.
