HEADLINES:
AICC in Maharashtra, Haryana le Assam CM hai thlakthleng a tum
NEW DELHI: 16th Lok Sabha Election, 2014 a khan Congress Party chu nasa taka chausein an tlase hne hle a. State tum tuma Congress MLA-hai lai inngeinawna a hung rasuok pei a, Chhattisgarh ang bawkin state tum tum a Congress Party Unit hai hṭiek an hung ni ta pei a nih. Congress High Command, All India Congress Committee (AICC) tia hrietlar chun tulai hin Maharashtra, Haryana le Assam State haia Chief Minister-hai chu thlakthleng a tum a, hi thua hin NCP President Sharad Pawar, Congress ṭhuoituhai, A.K. Antony le Ahmed Patel hai chun June 18, 2014 khan inbiekna an nei a, inthlangna la hung um ding haia thawdan ding kalhmang le strategy hai an hriltlang. Maharashtra Chief Minister Prithviraj Chavan chu CM a ninaa inthawk an ban vat ta ding niin ei thu dawngna chun a hril. Maharashtra CM thar dingin NCP chun Union Home Minister hlui, Sushil Kumar Shinde hming hril rik a nih. Maharashtra CM thar dinga hril rik hai lai Maharashtra Agriculture Minister Radhakrishna Vikhe Patil le Revenue Minister, Bala Saheb Thorat hai hming a hangsa niin ei thu dawngna chun a hril. Haryana le Assam a khawm Congress MLA-hai lai ngaidan le dit dan nasa takin an kal a, CM thlakthleng nuom pawl le Ministry sawidanglam nuom pawl an um a, hi lei hin Congress High Command chun CM thlakthleng le Ministry sawidanglam chu a damdawi ni dinga ringna a nei niin ei thu dawngna chun a hril. AICC President Sonia Gandhi chun ṭhuoitu thar ding le Minister chanvo chu ṭhangthar han chel hai sienla ti chu a dit dan niin ei thu dawngna chun a hril. Amiruokchu, Assam le Haryana a Congress sawrkar sawidanglam le CM thlakthleng hun ding hi hrillang a ni nawh.
Summer Mela hawng a nitah
CCPUR: KSO, CCPur le Brothers Enterprises, Assam han ṭhangruola an huoihawtnain zanikhan Tuibuong Peace Ground-ah ‘Summer Mela’ ṭan a nitah. Mela hi zani zantieng 3:30PM khan Mr Ngamhao Touthang, MDC, Tuibuong in a hawng. Mela hi zantieng dar 8 (PM) chen hawng ni hlak a ta, zingkar tieng ruok chu mihriem um dan I zira hawng ning a tih.
LOCAL NEWS:
SDPO-CCPur ADC to Governor dinga ruot
CCPUR: Mr Pradip Singh, IPS, SDPO, CCPur chu zani hmasa zantieng khan Police Hq., Imphal-a inthawk message hungin ADC to Governor of Manipur dinga ruot a ni a. Zani hmasa zan khan SP quarters ah Police officer han inthlana neiin zanikhan Mr Pradip Singh chun ADC to Governor of Manipur sin a va chel nghal. SDPO CCPur thar ding ruot a ni hmap Mr Nongyai Singh, MPS, SDPO Thanlon in in-charge in SDPO CCPur lo chelsang a tih.
RRT mi 6 in Suangphu khuo an pan
CCPUR: Singngat PHC hnuoia Suangphu khuoa Malaria PF invawi 4 tulai hnai ela hmusuok an ni le inzawmin Rapid Response Team member 6 hai chun zanikhan Suangphu khuo an pan. Rapid Response team a hin Malaria Department a inthawk mi 4 le Caritas India a inthawk thawktu 2 an ṭhang.
June 23 chen PS Custody a um dingin
CCPUR: June 18, 2014 nia New Lamka a Saulim Book Barn tuol laia Rechargeable Dianamo ṭhalo lampui lai dehawna, bomb a nih tia mipui sukthlabartu mi pahni mana um- Thangthianmuan (20) s/o Hauzachin of Colony Veng Bungmual le Kamkhankhup Thomte (24) s/o Dalzachin of Joar Veng, Bungmual hai chu zanikhan Chief Judicial Magistrate (CJM) CCPur hmaah inlangtir an ni a, CJM chun June 23, 2014 chen Police Custody-a la um phawt dingin an chungthu a rel. CCPur Police chun mana um hai chunga hin FIR No. 67(6) 2014 CCP-PS U/S 400/419/120-D/506/34 IPC an registered.
Muolvaiphei HSA ṭhuoitu thar ding hai
CCPUR: Muolvaiphei HSA chun June 19, 2014 khan Annual Fest-cum-Felicitation programme le 2nd Muolvaiphei Premier League football final inkhelna an nei bakah Meritorious Awards semna le kum 2014-16 sunga Muolvaiphei HSA ṭhuoitu ding hai thlangna nei a nih. Hi programme hmangna sun huna Pu David Buhril, Secretary, Hmar Inpui khuollienin a ṭhang a, zan huna Pu Lalsanglien, ZEO, CCPur khuollienin a ṭhang. HSA ṭhuoitu thar dinga thlang hai chu- President :Emmanuel Ramngailie; Vice-President: Michael Lienhmingthang; Secretary: Kenny Ruolngul; Asst. Secretary: Lalneihlun; Finance: Nk. Lalnunhlim; Treasurer: Nk. Lalrawlmawi; Education Secy: Tv. Samson Lalhnelien; Art & Culture Secy: Pu Hmingthanglien; Games & Sports Secy: Immanuel Varte le Information Secy:Pu John William hai an nih.
Thingkak sem ding
CCPUR: Divisional Forest Officer, Southern Forest Division, Churachandpur chun an office hmuna June 25, 2014 a inthawk khin thingkak sem ṭan a tih. Mimalin 50, NGOs/ Organisation/ Govt. Institutions Colleges, Schools le Offices) han thingkak 100pei la thei an tih tiin DFO Southern Division, CCPur chun inhriettirna a siem.
AIR, CCPur stn. Prog.
CCPUR: Vawisuna AIR, CCPur station-a Paite programme a chun BYF Pethuel EBCC le EBCC Central Choir han hla sak an ta, Hmar programme a chun Ngurte ICI KṬP in hla sak an ta, Thadou programme a chun Wricky Singson in hla sak a ta, naupang programme um a tih.
The Green Workshop & Seminar nei
CCPUR: June 21, 2014 chen aw ding the Green Workshop & Seminar chu zani 10:00AM khan Rayburn College, New Lamka hmuna Delhi Paite Indongta (DPI) le Environment Friends hai ṭhangruola huoihawtnain Rayburn College, New Lamka, CCPur ah ṭan a nih. Workshop hawngnaa hin Pu Vungzagin Valte, Parliamentary Secretary khuollienin a ṭhang. Seminar nei huna Resource Person in Pu Vumlunmang, IAS, Joint Secretary (Home), Govt. of India a ṭhang. Hi Workshop le Seminar huna hin thilhring chi tum tum lim hai en thei dinga pholang a nih.Mr L.B. Sona, Chairman, ZC; Mr P.K.Jha, IAS, DC, CCPur; Langkhanpau Guite, Chairman, ADCC le Ms Mannuamching, CEO, ADC hai khawm an ṭhang.
IMPHAL NEWS:
Union Health Minister an hmupui
IMPHAL: BJP Manipur Pradesh President Th. Chaoba Singh, General Secretaries, Asnikumar le Bashanta Sharma han zanikhan New Delhi-a a office-ah Union Health Minister Dr Harsh Vardhan an inhmupui a, RIMS, JNIMS le District tum tuma Health Care Unit hai hung sukchangkang dingin an ngen a, Harsh Vardhan chun an thil ngenhai chu a hung bawzui ding thu a lo hril.
BRTF Truck eksiden a thi mi 7
IMPHAL: June 19, 2014 zantieng dar 5 vela Imphal- Jiribam Road a Irang leilak bula BRTF Truck eksiden leia BRTF labour thi chu mi 7 an tling ta a, mi 13 hliem hai chu Imphal hung phurtlung an ni tah.
Driver han nuorna an nei ṭan
IMPHAL: KCP-MC (Lamyanba Khuman) pawlin Zed Travels Bus Driver, Sagolsem Romen an hrentang chu an lan suo naw leiin Imphal-Dimapur Road a service All Manipur Night Super Driver’s Welfare Association le Winger Service hai chun nuorna nei ṭanin an motor-hai an service naw leiin mipui han harsatna an tuok ṭan.Khongjom cirle Meira Paibis hai chun Tourist driver dam le him taka insuo dinga ngenna in zanikhan sit in protest an nei bawk.
Exam Centres puong a ni tah
IMPHAL: Council of Higher Secondary Education, Manipur hnuoia Higher Secondary Improvement/ Compartmental Examination, 2014 a Exam Centres ding puonglang a ni ta a, Exam Centres hai chu- Ananda Singh Hr. Sec. Academy, Checkon, Imphalah Science Roll No. 1-1474; Arts-ah Rool No. 17013- 17675; Pioneer Academy, Palace Compound, Imphal-ah Science Roll No. 23-3064; Arts Roll No. 17693-17872; Ibotonsana Girl’s Hr. Sec. School, Uripok, Imphal-ah Science Roll No. 3099-5419, Arts Roll No. 17905-18065; Johnstone Hr. Sec. Schol, BT Rod, Imphal-ah Science Roll No. 5433-5712 & 10366-14075, Arts Roll No. 18073-18200 & 19964- 20180; Brajalal Institute of Sciences, Moinangkhom-ah Science Roll No. 5735-8750, Arts Roll No. 18202-18663, Commerce Roll No. 23003- 23127; T.G. Hr. Sec. School, Imphal-ah Science Roll No. 8781-10357 & 16432-16518, Arts Roll No. 18703-14961 & 22571-22605, Commerce 23136-23216 & 23488- 23493; MBC Hr. Sec. Schol, Chingmeirong-ah Science 14082-16299 & 16538-16547, Arts 14082-16299 & 16538- 16547, Arts 20239-22380, Commerce 23219-23458; Jiribam Hr. Sec. School ah Science 16301-16416, Arts 22393-22547 & 22621, Commerce 23463-23474. Science practical chu 6/7/2014 in T.G. Hr. Sec. School le 5/7/2014 in Jiribam Hr. Sec. School-ah Geography practical um a tih.
NATIONAL NEWS:
Cabinet Committees 6 indin thar
NEW DELHI: National Democratic Alliance (NDA) sawrkar chun June 19, 2014 khan Cabinet Committees 6 an din thar nawk a, chuonghai chu, Cabinet Committee on Security, Political Affairs, Parliamentary Affairs, Economic Affairs, Accomodation le Appointments Committee hai an nih. UPA sawrkarin a lo indin Cabinet Committee on Unique Identification Authority (UIDAI), Cabinet Committee on Prices, Cabinet Committee on Management of Natural Calamities le Cabinet Committee on World Trade Organisation Matters hai chu haptakar liemta khan NDA sawrkar chun ṭhiekin a lo suktawp ta a nih.
Inban el dinga inpeisa ka nih:Kumar
NEW DELHI: Nagaland Governor, Dr Ashwini Kumar chun zanikhan PM Narendra Modi le Union Home Minister, Rajnath Singh hai an hmupui. Hi zova reporterhai an hmupuinaa chun, inban dinga ti ka ni chun inban dinga inpeisa ka nih. Amiruokchu, vawisun ni chen hin mi tukhawma inban dingin an mi la ngen naw a, Order khawm ka hmu bawk nawh tiin Nagaland Governor Dr Ashwini Kumar chun a hril. Zani hmasa khan Bihar le Karnataka Governor han PM an lo inhmupui ta bawk. Governors le PM hai inhmuna hi Courtsey Call a nih tiin official thusuok chun a hril.
Auxiliary Police Battalions 2
NEW DELHI: Union Home Ministry chun India hmarsak biela helpawlhai dona tienga Police hai training petu ding le Job Oriented Course inchuktirtu dingin Auxiliary Police Battalions 2 indin a tum. Hi Battalion a sin thawtu ding mi 1,500 vel lak ning an tih. Helpawl inpe tahai laia kum 35 chin le Class- VIII chen bek inchukhai chu hi taka hin ṭhang thei an ta, thla khatah Rs. 10,000-Rs. 14,500 stipend hmung an ta, Class X an pass pha Central Paramilitary Forces tum tum haiah laklut ning an tih.
Mi 5 ralthuom leh man an nih
KAJALGAON: Zanikhan Assam state a Chirang district sunga Kajalgaon hmuna NDFB(S) pawl ta dinga ralthuom phurtu mi 5 hai chu an chuongna motor leh Police le SSB ṭhangruol han an man. Ralthuom an man hai lai hin Pistol 1, AK-47 Rifle mu 657, 303 Rifles Tracer bullets 3 le Mobile handsets 5 a ṭhang tiin L.R. Bishnoi, IGP chun a hril. Chun, zani ma khan Kokrajhar District a Serfunguri hmuna NDFB(S) le Police hai an inkaptuo a, inkaptuona hmuna AK-56 Rifles 2, AK-47 Rifles mu 175, magazines 2, Grenade 1, Mobile phones 4 le pawisafai Rs. 3,500 hmu a nih tiin R.L. Bishnoi chun a hril. Thi le hliem ruok chu an um nawh.
Rel chuongman 14% a sukpung
NEW DELHI: haptakar thara inthawk Rel chuongman chu 14% a sukpung ṭan ning a tih tiin zanikhan NDA sawrkarin a puonglang. Tamil Nadu CM J. Jayalalitha, JD(U) ṭhuoitule Railway Minister hlui le political party dang dang han Rel chuongman sukpunga um hi nasa takin an sawisel.
Manager pakhat ṭhuoihmang
SILCHAR: Dima Hasao District, Assam a Kalachand an ti hmuna Stone-Crusher Manager, Maleswar Rao (36) chu silai le chuktuoin June 17, 2014 zan khan helpawl han an ṭhuoihmang. A ṭhuoihmangtuhai chun inthlasuokna dingin Rs. 6 crore an ngen. A ṭhuoihmangtu hai hi helpawl indin thar Dima Hasao National Army (DHNA) pawl ni dinga ringhla an nih.
BSF han rangkachak Rs. 1.6 crore manhu an man
KOLKATA: June 19, 2014 khan Bangladesh a inthawka West Bengal a hung lut rangkachak Kg. 5.8, Rs. 1.65 crore manhu vel chu North 24- Parganas District sunga Swarupnagar bula 152Bn. BSF han Sorat Gazi(38) of Gazipara leh an man. Tu kum sung hin BSF, ramri zula duty hai chun smugglers 29 le rangkachak kg. 50 zet an man ta niin BSF official thusuok chun a hril.
UPA Minister-hai hmangsahai hmang lo dingin
NEW DELHI: PM Narendra Modi chun a ministerhai chu UPA sawrkar hun Ministers han IAS Officers, Officers on Special Duty or Personal Secretaries lo chel tasa hai chu hmang nawn lo dingin an hriettir. IAS Officer, UP cadre, 2002 batch Sameer Verma chu Water Resources Minister, Uma Bharti Private Secretary ding le V.R.C. Purushottam, 2004 batch IAS officer chu M.Venkaiah Naidu Private Secretary dinga ruot an nih.
NDMA Vice Chairman le member-hai an inban
NEW DELHI: Zani hmasa khan National Disaster Management Authority (NDMA) Vice Chairman, M. Shashidhar Reddy le members 5 hai chu an nina haia inthawk an inban. Vice Chairman hi Cabinet rank le member-hai chu Minister of State rank an nih. Modi sawrkarin inban dinga a ti leia inban an nih. National Commission for Women (NCW) Chairperson Mamta Sharma le National Commission for Protection of Child Rights (NCPCR) Chairperson, Kaushal Singh hai khawm Modi PM nina hnuoia NDA sawrkar chun inban dingin thu a pek.
Helpawl 2 kap hlum; sipai 2 an hliem
SRINAGAR: Jammu & Kashmir a Kashmir phairuom, Pulwana district sunga Bucho village bula Tral hmuna zanikhan helpawl le Security Forces hai an inkaptuo a, Hizbul Mujahideen Divisional Commander Adil Shah le helpawl dang pakhat kap hlum an nih. Chun, 33 Rashtriya Rifles personnel 2 an hliem bawk.
World Food Prize dawng dingin Rajaram
NEW DELHI: India rama pieng, Plant Scientist Dr Sanjaya Rajaram chu khawvel pumpui huopa a hma neka Wheat tharsuok tam theia hma a lakna leiin World Food Prize dawng dinga thlang a nih. World Food Prize a hin US dollar 2,50,000 lawmmanah a ṭhangsa. Wheat chi hran hran 480 zet chu khawvel rambung tum tum 51 haiah Dr Sanjay Rajaram hin an chingtir thei a nih. Wheat chi a siemsuok hi a hlawk chi a nih.
Bihar mi kum 14 in IIT JEE an ziek tling ve
PATNA: Bihar-a Rohtas district- a kum 14 mi Shivanand chu tukuma Indian Institute of Technology-Joint Entrance Examination (IIT JEE) result suok a khan marks 93.4 percent hmuin a hlawtling ve. Shivanand hi tukuma Class XII pass a nih. Shivanand pa Kamlakant Tiwari chu loneitu niin Dharampur Village-a cheng an nih. Shivanand chun scientist ni a nuom thu a hril. Nikum khan Bihar-a Bhojpur district mi kum 13 a upa Satyam Kumar chu IIT JEE exam-a hlawtlingin all India rank 679-na a lo nita bawk.
Kiren Rijiju in an rawi ding
NEW DELHI: Kar thar khin Bangkok khawpuiah Asian Ministerial Conference um a ta, Asia le Pacific khawmuolpui haia rambung 39 a inthawk palai 2,500 vel ṭhang an tih. India ram palaihai chu Union Minister of State Kiran Rijiju in inrawi a tih.
LeT Commander pakhat man
SRINAGAR: Zanikhan Jammu & Kashmir a Kulgam District-ah Self Styled Lashkar- e-Toiba Commander, Mohammad Naveed Jath alias Abu Henzallah of Multan, Pakistan chu AK Rifle 1, magazine 2 le silaimu 60 leh Army le Police ṭhangruol pawl han an man.
World Bank in Grants Rs. 8 crore
GUWAHATI: Zanikhan World Bank chun India hmarsak biel Assam, Meghalaya le Mizoram haia Developmental projects a dingin Grants US dollar 1.4 million (Rs. 8 crore neka tam) pek a remti thu a puong. Sum hmangna dinghai chu, financial services, education, health care, water management le sanitation hai an nih.
NE bielah mobile towers 8,000
NEW DELHI: India hmarsak biela states 8 hia Telecommunication Services siem ṭhat le sukhmasawnna dingin Rs. 5,000 crores sengin Mobile Towers 8,000 chuong bawl thar ning a tih tiin Union Minister of Communication & Information Technology, Ravi Shankar Prasad chun a hril.
Swiss Banks haiah black money Rs. 14,000 crore chuong
ZURICH/NEW DELHI: Switzerland a Swiss Banks haia India rama mi hausahai pawisa Rs. 14,000 crore chuong (Swiss Francs tlukledingaawn hni) a um a hril a nih. Hieng pawaisa hai hi India rama mi hausa han Wealth tax an pek nuom naw leia an sie a ni a, black money tia ko an nih. Switzerland a hin banks 282 a um a, India mi hausa hai chau ni lovin khawvel rambung tum tuma mi hausa han an pawisa sie thupna taka an hmang a nih.
VAWISUN THUPUI
Chun, hieng thu, vawisuna ka pek cheu hi in lungrilah châm zing a ta, in nauhai ṭhahnemngaitakin inchuktir in ta, in ina in ṭhung lai dâm, lampuia i fe lai dâm, in zâl lai dâm, in tho huna khawm in hril hlak ding a nih. - Deuteronomy 6:6-7
EDITORIAL:
Exam Centre
Council of Higher Secondary Education, Manipur hnuoia Higher Secondary Improvement/Compartmental Examination, 2014 chu June 25, 2014 a inthawk July 4, 2014 inkar sunga nei dingin Council chun Exam programme a siem zo der ta a, Exam a ṭhang ding hai khawm a hma neka lekha tiem taimain an insingsa tawl tah. Hi exam hi tluong taka a fe theina dingin Exam hun sung hin chu tu pawl khawma bandh thaw naw hram hai sienla nuom a um. Hi exam a ṭhang ding student-hai hmakhuo ngainain mi tuelkhawma bandh thaw naw dingin Council chun a ngen a, hi ngenna hi inza chi tak a nih.
Higher Secondary Improvement/Compartmental Examination, 2014 a ṭhang ding hi Manipur a District pakuo um hia inthawka student-hai an ni a. Exam centres ding hai Council of Higher Secondary Education in a hung puonglang ta a. Awm lo le mak danglam takin Exam Centres dingin Imphal le Jiribam hai chau a hung ruot el hi chu hrietthiem a harsa ngei el. District Headquarters tin hai bek Council hin exam Centre-a a ruot chu a awm hlie hlie a nih. Bandh um thut thut hlak a ni leiin hi exam a ṭhang ve ding hai ta ding chun harsatna nasa takel an tlun pha a nih. Bandh chungthu chau ni lovin student-hai ngirhmun hi inang lo tak tak an ni a. Ṭhenkhat hausa le khawsa thei motor chuongna ding kalman ding le pocket money a buoi der lo le harsatna nei lo an nih. Student ṭhenkhat ruok chu sungkuo khawsakna le ngirhmun harsa em em el, nitina inhlawa fakfawm ding zawng an ni a. Imphal fena dinga motor chuongman ding le pocket money ding nei lo an ni tawl. Hiengang hi thil um dan tlangpui a nih. Council chun hi chungthua hin a thaw suol a, hun nawk haia chu Exam centres hi District headquarters tinah ruot ta hlak sienla nuom a um. Student hai ngirhmun hi hrietthiempui dinga ṭha a nih.
Churachandpur lem chu Staff Selection Commission khawma Exam centre-a a ruot hlak le Manipur second town ni bawk an leiin Exam Centre dinga Council of Higher Secondary Education Manipur in a hung ruot ve hi thil awm a nih. Candidates 113 chau umna Jiribam hman Exam Centre- a a ruot thei si laia Exam Centre dinga Churachandpur ruot ve lova a hung um hi chu hrietthiem a harsa hle a nih. Council in student-hai ngirhmun hrie a, hun nawk haia chun lo thei lova District Headquarters tina exam centre a sie ta ngei nuom a um.
Student-hai harsatna enkai a, a ṭulna na haia nawrpuitu ding All Tribal Student Union Manipur (ATSUM), Churachandpur District Students Union (CDSU) le students Association/ Unions/Organisation dang dang hai hlak an la to veng veng el thei hi a mak ang reng khawp el. ATSUM hin District Headquarters tina Exam centre hawng dingin Council of Higher Secondary Education, Manipur va nawr sienla chu tu khawm hin District Headquarters tin haiah Exam Centre hi hawng thei ding a la nih. Student-hai harsatna hlipkieng a hung ni theina dingin ATSUM in hma hung la sienla nuom a um ngei el.
Ei rama hin mipui, student, khawtlang harsatna le harsatna chi tum tum hai sawrkara min tlun pektu ding le mi nawr pektu ding ei mamaw em em el. Pawl chi tum tum, mipui, ram le hnam hmakhuo ngaia indin khawm ṭhahnem tak an um. Amiruokchu, hiengang pawlhai khawm hin an pawisa hmuna ding a ninaw chun iengkhawm an ngaisak nuom chuong nawh.
AICC in Maharashtra, Haryana le Assam CM hai thlakthleng a tum
NEW DELHI: 16th Lok Sabha Election, 2014 a khan Congress Party chu nasa taka chausein an tlase hne hle a. State tum tuma Congress MLA-hai lai inngeinawna a hung rasuok pei a, Chhattisgarh ang bawkin state tum tum a Congress Party Unit hai hṭiek an hung ni ta pei a nih. Congress High Command, All India Congress Committee (AICC) tia hrietlar chun tulai hin Maharashtra, Haryana le Assam State haia Chief Minister-hai chu thlakthleng a tum a, hi thua hin NCP President Sharad Pawar, Congress ṭhuoituhai, A.K. Antony le Ahmed Patel hai chun June 18, 2014 khan inbiekna an nei a, inthlangna la hung um ding haia thawdan ding kalhmang le strategy hai an hriltlang. Maharashtra Chief Minister Prithviraj Chavan chu CM a ninaa inthawk an ban vat ta ding niin ei thu dawngna chun a hril. Maharashtra CM thar dingin NCP chun Union Home Minister hlui, Sushil Kumar Shinde hming hril rik a nih. Maharashtra CM thar dinga hril rik hai lai Maharashtra Agriculture Minister Radhakrishna Vikhe Patil le Revenue Minister, Bala Saheb Thorat hai hming a hangsa niin ei thu dawngna chun a hril. Haryana le Assam a khawm Congress MLA-hai lai ngaidan le dit dan nasa takin an kal a, CM thlakthleng nuom pawl le Ministry sawidanglam nuom pawl an um a, hi lei hin Congress High Command chun CM thlakthleng le Ministry sawidanglam chu a damdawi ni dinga ringna a nei niin ei thu dawngna chun a hril. AICC President Sonia Gandhi chun ṭhuoitu thar ding le Minister chanvo chu ṭhangthar han chel hai sienla ti chu a dit dan niin ei thu dawngna chun a hril. Amiruokchu, Assam le Haryana a Congress sawrkar sawidanglam le CM thlakthleng hun ding hi hrillang a ni nawh.
Summer Mela hawng a nitah
CCPUR: KSO, CCPur le Brothers Enterprises, Assam han ṭhangruola an huoihawtnain zanikhan Tuibuong Peace Ground-ah ‘Summer Mela’ ṭan a nitah. Mela hi zani zantieng 3:30PM khan Mr Ngamhao Touthang, MDC, Tuibuong in a hawng. Mela hi zantieng dar 8 (PM) chen hawng ni hlak a ta, zingkar tieng ruok chu mihriem um dan I zira hawng ning a tih.
LOCAL NEWS:
SDPO-CCPur ADC to Governor dinga ruot
CCPUR: Mr Pradip Singh, IPS, SDPO, CCPur chu zani hmasa zantieng khan Police Hq., Imphal-a inthawk message hungin ADC to Governor of Manipur dinga ruot a ni a. Zani hmasa zan khan SP quarters ah Police officer han inthlana neiin zanikhan Mr Pradip Singh chun ADC to Governor of Manipur sin a va chel nghal. SDPO CCPur thar ding ruot a ni hmap Mr Nongyai Singh, MPS, SDPO Thanlon in in-charge in SDPO CCPur lo chelsang a tih.
RRT mi 6 in Suangphu khuo an pan
CCPUR: Singngat PHC hnuoia Suangphu khuoa Malaria PF invawi 4 tulai hnai ela hmusuok an ni le inzawmin Rapid Response Team member 6 hai chun zanikhan Suangphu khuo an pan. Rapid Response team a hin Malaria Department a inthawk mi 4 le Caritas India a inthawk thawktu 2 an ṭhang.
June 23 chen PS Custody a um dingin
CCPUR: June 18, 2014 nia New Lamka a Saulim Book Barn tuol laia Rechargeable Dianamo ṭhalo lampui lai dehawna, bomb a nih tia mipui sukthlabartu mi pahni mana um- Thangthianmuan (20) s/o Hauzachin of Colony Veng Bungmual le Kamkhankhup Thomte (24) s/o Dalzachin of Joar Veng, Bungmual hai chu zanikhan Chief Judicial Magistrate (CJM) CCPur hmaah inlangtir an ni a, CJM chun June 23, 2014 chen Police Custody-a la um phawt dingin an chungthu a rel. CCPur Police chun mana um hai chunga hin FIR No. 67(6) 2014 CCP-PS U/S 400/419/120-D/506/34 IPC an registered.
Muolvaiphei HSA ṭhuoitu thar ding hai
CCPUR: Muolvaiphei HSA chun June 19, 2014 khan Annual Fest-cum-Felicitation programme le 2nd Muolvaiphei Premier League football final inkhelna an nei bakah Meritorious Awards semna le kum 2014-16 sunga Muolvaiphei HSA ṭhuoitu ding hai thlangna nei a nih. Hi programme hmangna sun huna Pu David Buhril, Secretary, Hmar Inpui khuollienin a ṭhang a, zan huna Pu Lalsanglien, ZEO, CCPur khuollienin a ṭhang. HSA ṭhuoitu thar dinga thlang hai chu- President :Emmanuel Ramngailie; Vice-President: Michael Lienhmingthang; Secretary: Kenny Ruolngul; Asst. Secretary: Lalneihlun; Finance: Nk. Lalnunhlim; Treasurer: Nk. Lalrawlmawi; Education Secy: Tv. Samson Lalhnelien; Art & Culture Secy: Pu Hmingthanglien; Games & Sports Secy: Immanuel Varte le Information Secy:Pu John William hai an nih.
Thingkak sem ding
CCPUR: Divisional Forest Officer, Southern Forest Division, Churachandpur chun an office hmuna June 25, 2014 a inthawk khin thingkak sem ṭan a tih. Mimalin 50, NGOs/ Organisation/ Govt. Institutions Colleges, Schools le Offices) han thingkak 100pei la thei an tih tiin DFO Southern Division, CCPur chun inhriettirna a siem.
AIR, CCPur stn. Prog.
CCPUR: Vawisuna AIR, CCPur station-a Paite programme a chun BYF Pethuel EBCC le EBCC Central Choir han hla sak an ta, Hmar programme a chun Ngurte ICI KṬP in hla sak an ta, Thadou programme a chun Wricky Singson in hla sak a ta, naupang programme um a tih.
The Green Workshop & Seminar nei
CCPUR: June 21, 2014 chen aw ding the Green Workshop & Seminar chu zani 10:00AM khan Rayburn College, New Lamka hmuna Delhi Paite Indongta (DPI) le Environment Friends hai ṭhangruola huoihawtnain Rayburn College, New Lamka, CCPur ah ṭan a nih. Workshop hawngnaa hin Pu Vungzagin Valte, Parliamentary Secretary khuollienin a ṭhang. Seminar nei huna Resource Person in Pu Vumlunmang, IAS, Joint Secretary (Home), Govt. of India a ṭhang. Hi Workshop le Seminar huna hin thilhring chi tum tum lim hai en thei dinga pholang a nih.Mr L.B. Sona, Chairman, ZC; Mr P.K.Jha, IAS, DC, CCPur; Langkhanpau Guite, Chairman, ADCC le Ms Mannuamching, CEO, ADC hai khawm an ṭhang.
IMPHAL NEWS:
Union Health Minister an hmupui
IMPHAL: BJP Manipur Pradesh President Th. Chaoba Singh, General Secretaries, Asnikumar le Bashanta Sharma han zanikhan New Delhi-a a office-ah Union Health Minister Dr Harsh Vardhan an inhmupui a, RIMS, JNIMS le District tum tuma Health Care Unit hai hung sukchangkang dingin an ngen a, Harsh Vardhan chun an thil ngenhai chu a hung bawzui ding thu a lo hril.
BRTF Truck eksiden a thi mi 7
IMPHAL: June 19, 2014 zantieng dar 5 vela Imphal- Jiribam Road a Irang leilak bula BRTF Truck eksiden leia BRTF labour thi chu mi 7 an tling ta a, mi 13 hliem hai chu Imphal hung phurtlung an ni tah.
Driver han nuorna an nei ṭan
IMPHAL: KCP-MC (Lamyanba Khuman) pawlin Zed Travels Bus Driver, Sagolsem Romen an hrentang chu an lan suo naw leiin Imphal-Dimapur Road a service All Manipur Night Super Driver’s Welfare Association le Winger Service hai chun nuorna nei ṭanin an motor-hai an service naw leiin mipui han harsatna an tuok ṭan.Khongjom cirle Meira Paibis hai chun Tourist driver dam le him taka insuo dinga ngenna in zanikhan sit in protest an nei bawk.
Exam Centres puong a ni tah
IMPHAL: Council of Higher Secondary Education, Manipur hnuoia Higher Secondary Improvement/ Compartmental Examination, 2014 a Exam Centres ding puonglang a ni ta a, Exam Centres hai chu- Ananda Singh Hr. Sec. Academy, Checkon, Imphalah Science Roll No. 1-1474; Arts-ah Rool No. 17013- 17675; Pioneer Academy, Palace Compound, Imphal-ah Science Roll No. 23-3064; Arts Roll No. 17693-17872; Ibotonsana Girl’s Hr. Sec. School, Uripok, Imphal-ah Science Roll No. 3099-5419, Arts Roll No. 17905-18065; Johnstone Hr. Sec. Schol, BT Rod, Imphal-ah Science Roll No. 5433-5712 & 10366-14075, Arts Roll No. 18073-18200 & 19964- 20180; Brajalal Institute of Sciences, Moinangkhom-ah Science Roll No. 5735-8750, Arts Roll No. 18202-18663, Commerce Roll No. 23003- 23127; T.G. Hr. Sec. School, Imphal-ah Science Roll No. 8781-10357 & 16432-16518, Arts Roll No. 18703-14961 & 22571-22605, Commerce 23136-23216 & 23488- 23493; MBC Hr. Sec. Schol, Chingmeirong-ah Science 14082-16299 & 16538-16547, Arts 14082-16299 & 16538- 16547, Arts 20239-22380, Commerce 23219-23458; Jiribam Hr. Sec. School ah Science 16301-16416, Arts 22393-22547 & 22621, Commerce 23463-23474. Science practical chu 6/7/2014 in T.G. Hr. Sec. School le 5/7/2014 in Jiribam Hr. Sec. School-ah Geography practical um a tih.
NATIONAL NEWS:
Cabinet Committees 6 indin thar
NEW DELHI: National Democratic Alliance (NDA) sawrkar chun June 19, 2014 khan Cabinet Committees 6 an din thar nawk a, chuonghai chu, Cabinet Committee on Security, Political Affairs, Parliamentary Affairs, Economic Affairs, Accomodation le Appointments Committee hai an nih. UPA sawrkarin a lo indin Cabinet Committee on Unique Identification Authority (UIDAI), Cabinet Committee on Prices, Cabinet Committee on Management of Natural Calamities le Cabinet Committee on World Trade Organisation Matters hai chu haptakar liemta khan NDA sawrkar chun ṭhiekin a lo suktawp ta a nih.
Inban el dinga inpeisa ka nih:Kumar
NEW DELHI: Nagaland Governor, Dr Ashwini Kumar chun zanikhan PM Narendra Modi le Union Home Minister, Rajnath Singh hai an hmupui. Hi zova reporterhai an hmupuinaa chun, inban dinga ti ka ni chun inban dinga inpeisa ka nih. Amiruokchu, vawisun ni chen hin mi tukhawma inban dingin an mi la ngen naw a, Order khawm ka hmu bawk nawh tiin Nagaland Governor Dr Ashwini Kumar chun a hril. Zani hmasa khan Bihar le Karnataka Governor han PM an lo inhmupui ta bawk. Governors le PM hai inhmuna hi Courtsey Call a nih tiin official thusuok chun a hril.
Auxiliary Police Battalions 2
NEW DELHI: Union Home Ministry chun India hmarsak biela helpawlhai dona tienga Police hai training petu ding le Job Oriented Course inchuktirtu dingin Auxiliary Police Battalions 2 indin a tum. Hi Battalion a sin thawtu ding mi 1,500 vel lak ning an tih. Helpawl inpe tahai laia kum 35 chin le Class- VIII chen bek inchukhai chu hi taka hin ṭhang thei an ta, thla khatah Rs. 10,000-Rs. 14,500 stipend hmung an ta, Class X an pass pha Central Paramilitary Forces tum tum haiah laklut ning an tih.
Mi 5 ralthuom leh man an nih
KAJALGAON: Zanikhan Assam state a Chirang district sunga Kajalgaon hmuna NDFB(S) pawl ta dinga ralthuom phurtu mi 5 hai chu an chuongna motor leh Police le SSB ṭhangruol han an man. Ralthuom an man hai lai hin Pistol 1, AK-47 Rifle mu 657, 303 Rifles Tracer bullets 3 le Mobile handsets 5 a ṭhang tiin L.R. Bishnoi, IGP chun a hril. Chun, zani ma khan Kokrajhar District a Serfunguri hmuna NDFB(S) le Police hai an inkaptuo a, inkaptuona hmuna AK-56 Rifles 2, AK-47 Rifles mu 175, magazines 2, Grenade 1, Mobile phones 4 le pawisafai Rs. 3,500 hmu a nih tiin R.L. Bishnoi chun a hril. Thi le hliem ruok chu an um nawh.
Rel chuongman 14% a sukpung
NEW DELHI: haptakar thara inthawk Rel chuongman chu 14% a sukpung ṭan ning a tih tiin zanikhan NDA sawrkarin a puonglang. Tamil Nadu CM J. Jayalalitha, JD(U) ṭhuoitule Railway Minister hlui le political party dang dang han Rel chuongman sukpunga um hi nasa takin an sawisel.
Manager pakhat ṭhuoihmang
SILCHAR: Dima Hasao District, Assam a Kalachand an ti hmuna Stone-Crusher Manager, Maleswar Rao (36) chu silai le chuktuoin June 17, 2014 zan khan helpawl han an ṭhuoihmang. A ṭhuoihmangtuhai chun inthlasuokna dingin Rs. 6 crore an ngen. A ṭhuoihmangtu hai hi helpawl indin thar Dima Hasao National Army (DHNA) pawl ni dinga ringhla an nih.
BSF han rangkachak Rs. 1.6 crore manhu an man
KOLKATA: June 19, 2014 khan Bangladesh a inthawka West Bengal a hung lut rangkachak Kg. 5.8, Rs. 1.65 crore manhu vel chu North 24- Parganas District sunga Swarupnagar bula 152Bn. BSF han Sorat Gazi(38) of Gazipara leh an man. Tu kum sung hin BSF, ramri zula duty hai chun smugglers 29 le rangkachak kg. 50 zet an man ta niin BSF official thusuok chun a hril.
UPA Minister-hai hmangsahai hmang lo dingin
NEW DELHI: PM Narendra Modi chun a ministerhai chu UPA sawrkar hun Ministers han IAS Officers, Officers on Special Duty or Personal Secretaries lo chel tasa hai chu hmang nawn lo dingin an hriettir. IAS Officer, UP cadre, 2002 batch Sameer Verma chu Water Resources Minister, Uma Bharti Private Secretary ding le V.R.C. Purushottam, 2004 batch IAS officer chu M.Venkaiah Naidu Private Secretary dinga ruot an nih.
NDMA Vice Chairman le member-hai an inban
NEW DELHI: Zani hmasa khan National Disaster Management Authority (NDMA) Vice Chairman, M. Shashidhar Reddy le members 5 hai chu an nina haia inthawk an inban. Vice Chairman hi Cabinet rank le member-hai chu Minister of State rank an nih. Modi sawrkarin inban dinga a ti leia inban an nih. National Commission for Women (NCW) Chairperson Mamta Sharma le National Commission for Protection of Child Rights (NCPCR) Chairperson, Kaushal Singh hai khawm Modi PM nina hnuoia NDA sawrkar chun inban dingin thu a pek.
Helpawl 2 kap hlum; sipai 2 an hliem
SRINAGAR: Jammu & Kashmir a Kashmir phairuom, Pulwana district sunga Bucho village bula Tral hmuna zanikhan helpawl le Security Forces hai an inkaptuo a, Hizbul Mujahideen Divisional Commander Adil Shah le helpawl dang pakhat kap hlum an nih. Chun, 33 Rashtriya Rifles personnel 2 an hliem bawk.
World Food Prize dawng dingin Rajaram
NEW DELHI: India rama pieng, Plant Scientist Dr Sanjaya Rajaram chu khawvel pumpui huopa a hma neka Wheat tharsuok tam theia hma a lakna leiin World Food Prize dawng dinga thlang a nih. World Food Prize a hin US dollar 2,50,000 lawmmanah a ṭhangsa. Wheat chi hran hran 480 zet chu khawvel rambung tum tum 51 haiah Dr Sanjay Rajaram hin an chingtir thei a nih. Wheat chi a siemsuok hi a hlawk chi a nih.
Bihar mi kum 14 in IIT JEE an ziek tling ve
PATNA: Bihar-a Rohtas district- a kum 14 mi Shivanand chu tukuma Indian Institute of Technology-Joint Entrance Examination (IIT JEE) result suok a khan marks 93.4 percent hmuin a hlawtling ve. Shivanand hi tukuma Class XII pass a nih. Shivanand pa Kamlakant Tiwari chu loneitu niin Dharampur Village-a cheng an nih. Shivanand chun scientist ni a nuom thu a hril. Nikum khan Bihar-a Bhojpur district mi kum 13 a upa Satyam Kumar chu IIT JEE exam-a hlawtlingin all India rank 679-na a lo nita bawk.
Kiren Rijiju in an rawi ding
NEW DELHI: Kar thar khin Bangkok khawpuiah Asian Ministerial Conference um a ta, Asia le Pacific khawmuolpui haia rambung 39 a inthawk palai 2,500 vel ṭhang an tih. India ram palaihai chu Union Minister of State Kiran Rijiju in inrawi a tih.
LeT Commander pakhat man
SRINAGAR: Zanikhan Jammu & Kashmir a Kulgam District-ah Self Styled Lashkar- e-Toiba Commander, Mohammad Naveed Jath alias Abu Henzallah of Multan, Pakistan chu AK Rifle 1, magazine 2 le silaimu 60 leh Army le Police ṭhangruol pawl han an man.
World Bank in Grants Rs. 8 crore
GUWAHATI: Zanikhan World Bank chun India hmarsak biel Assam, Meghalaya le Mizoram haia Developmental projects a dingin Grants US dollar 1.4 million (Rs. 8 crore neka tam) pek a remti thu a puong. Sum hmangna dinghai chu, financial services, education, health care, water management le sanitation hai an nih.
NE bielah mobile towers 8,000
NEW DELHI: India hmarsak biela states 8 hia Telecommunication Services siem ṭhat le sukhmasawnna dingin Rs. 5,000 crores sengin Mobile Towers 8,000 chuong bawl thar ning a tih tiin Union Minister of Communication & Information Technology, Ravi Shankar Prasad chun a hril.
Swiss Banks haiah black money Rs. 14,000 crore chuong
ZURICH/NEW DELHI: Switzerland a Swiss Banks haia India rama mi hausahai pawisa Rs. 14,000 crore chuong (Swiss Francs tlukledingaawn hni) a um a hril a nih. Hieng pawaisa hai hi India rama mi hausa han Wealth tax an pek nuom naw leia an sie a ni a, black money tia ko an nih. Switzerland a hin banks 282 a um a, India mi hausa hai chau ni lovin khawvel rambung tum tuma mi hausa han an pawisa sie thupna taka an hmang a nih.
VAWISUN THUPUI
Chun, hieng thu, vawisuna ka pek cheu hi in lungrilah châm zing a ta, in nauhai ṭhahnemngaitakin inchuktir in ta, in ina in ṭhung lai dâm, lampuia i fe lai dâm, in zâl lai dâm, in tho huna khawm in hril hlak ding a nih. - Deuteronomy 6:6-7
EDITORIAL:
Exam Centre
Council of Higher Secondary Education, Manipur hnuoia Higher Secondary Improvement/Compartmental Examination, 2014 chu June 25, 2014 a inthawk July 4, 2014 inkar sunga nei dingin Council chun Exam programme a siem zo der ta a, Exam a ṭhang ding hai khawm a hma neka lekha tiem taimain an insingsa tawl tah. Hi exam hi tluong taka a fe theina dingin Exam hun sung hin chu tu pawl khawma bandh thaw naw hram hai sienla nuom a um. Hi exam a ṭhang ding student-hai hmakhuo ngainain mi tuelkhawma bandh thaw naw dingin Council chun a ngen a, hi ngenna hi inza chi tak a nih.
Higher Secondary Improvement/Compartmental Examination, 2014 a ṭhang ding hi Manipur a District pakuo um hia inthawka student-hai an ni a. Exam centres ding hai Council of Higher Secondary Education in a hung puonglang ta a. Awm lo le mak danglam takin Exam Centres dingin Imphal le Jiribam hai chau a hung ruot el hi chu hrietthiem a harsa ngei el. District Headquarters tin hai bek Council hin exam Centre-a a ruot chu a awm hlie hlie a nih. Bandh um thut thut hlak a ni leiin hi exam a ṭhang ve ding hai ta ding chun harsatna nasa takel an tlun pha a nih. Bandh chungthu chau ni lovin student-hai ngirhmun hi inang lo tak tak an ni a. Ṭhenkhat hausa le khawsa thei motor chuongna ding kalman ding le pocket money a buoi der lo le harsatna nei lo an nih. Student ṭhenkhat ruok chu sungkuo khawsakna le ngirhmun harsa em em el, nitina inhlawa fakfawm ding zawng an ni a. Imphal fena dinga motor chuongman ding le pocket money ding nei lo an ni tawl. Hiengang hi thil um dan tlangpui a nih. Council chun hi chungthua hin a thaw suol a, hun nawk haia chu Exam centres hi District headquarters tinah ruot ta hlak sienla nuom a um. Student hai ngirhmun hi hrietthiempui dinga ṭha a nih.
Churachandpur lem chu Staff Selection Commission khawma Exam centre-a a ruot hlak le Manipur second town ni bawk an leiin Exam Centre dinga Council of Higher Secondary Education Manipur in a hung ruot ve hi thil awm a nih. Candidates 113 chau umna Jiribam hman Exam Centre- a a ruot thei si laia Exam Centre dinga Churachandpur ruot ve lova a hung um hi chu hrietthiem a harsa hle a nih. Council in student-hai ngirhmun hrie a, hun nawk haia chun lo thei lova District Headquarters tina exam centre a sie ta ngei nuom a um.
Student-hai harsatna enkai a, a ṭulna na haia nawrpuitu ding All Tribal Student Union Manipur (ATSUM), Churachandpur District Students Union (CDSU) le students Association/ Unions/Organisation dang dang hai hlak an la to veng veng el thei hi a mak ang reng khawp el. ATSUM hin District Headquarters tina Exam centre hawng dingin Council of Higher Secondary Education, Manipur va nawr sienla chu tu khawm hin District Headquarters tin haiah Exam Centre hi hawng thei ding a la nih. Student-hai harsatna hlipkieng a hung ni theina dingin ATSUM in hma hung la sienla nuom a um ngei el.
Ei rama hin mipui, student, khawtlang harsatna le harsatna chi tum tum hai sawrkara min tlun pektu ding le mi nawr pektu ding ei mamaw em em el. Pawl chi tum tum, mipui, ram le hnam hmakhuo ngaia indin khawm ṭhahnem tak an um. Amiruokchu, hiengang pawlhai khawm hin an pawisa hmuna ding a ninaw chun iengkhawm an ngaisak nuom chuong nawh.
