Langngol : June 21, 2014 (Inrinni) khan Prof L. Fimate In, Imphal Langngol ah Prof. L. Fimate Coven-na hnuoi ah Hmar Retired Officers iemanizat fe khawmin pawl pakhat indin tha an ti tlang a, chu pawl hming ding chun, thu hnawk umhma poa din “Hmar Retired Officers’ Club” rem an ti tlang a, chun, hi huna hin, Convener Dr. L. Fimate-in Bye Laws le Constitution a lo draft khawm ngun taka entlangna nei nghal a ni a, thleng tul tul thleng a ni hnungin hma hung la zawm pei dingin mi pali Upa (Dr). L. Fimate, Pu Darsiemlien Ruolngul, Joseph Lalrothang le Pu Laldatlien lungruol takin an ruot. Hi huna hin thu tha tak hriltlangna nei a ni a, an phur tlang hle bawk a, recording Secretary dingin Pu F. Doliensung an ruot a. Obsever/Special Invitee Pu Timothy Z. Zote, Editor, Manmasi Digest khawma a uop. Zantieng Thlaithleng (Kelsa) Pu Dr. L. Fimate hai sungkuo-in an lo buotsai chu awttlangna nei nghal a nih. Thu hrechieng nuomtuhai chun a chunga Conveners hai kuomah ngaiven thei ning a tih.
