Aizawl, June 12, 2014: June ni 11 (Nilaini) zan dar 12:00 vel khan Khawzawl Vengthar-a khawsa,
Lianhenga (83) chu a naupa Laltluangkima (Mang-manga) kum 35 mi chun rapthlak takin hmangruo hmangin a that! A taksaah hliem hnuhma, a ring, a awm le a ban-a hai a tam hle.Lianhenga hi naset tak a ni a, tar chau tak a ni tah. Tulai sungtieng thalo in a thaw, chang khawm chang tha pei ta lo le bu khawm fa thei lova khuma zal el an tah. That a ni khawm hin a kawr ta hle a nih. A naunu ngei khawma sawt dam dinga a ring ta lo a ni bawk.
Tuolthattu, Laltluangkima (Mang- manga) hi zu dawn hlak a ni a, damdawi ruok chu a thaw ngai nawh. A pa a that lai hin a buoi hle a ti a nei nawh. Ama khawm a hrat hle a nih. A kuom hnaia um hai khawm that dingin a vau tawl bawk. Ama hi suna inthawka zun dawnlo a ni a, tuol a that lai khawm an rui naw niin an hril. A pa a that hnung hin puonin thatak in a tuom nawk a nih.
Lianhenga hai ina hin ama thattu Mangmanga bakah hin a u nuhmei, Lalbiaktluangi (37) le a pasal le an nauhai 3 an cheng a. Hi tuolthatna a tlung lai hin an makpa hi ram tieng sinthawin a lo riek lai tak a ni bawk. An nauhai an umpui hi nuhmei vawng an nia a upa tak kum 12, a hnuoi charah kum 4 le a naupang tak kum 1 le thla 10 mi hai an nih.Chun, an naupa kum 15 mi chu a pu damnawna leiin a nu haiin Thawleni khan Sihphir a inthawkin an zuk incha thla bawk a nih.
Tuolthattu hi insungah an hrosa nasa hle a, midang a ve hai khawma an dang zo naw a. A pa a bei zo hin a u nuhmei hai hi a vau zui nawk a, a u naunu naupang tak lem chu that nawk a tum hiel a nih. Hi lei hin ti le thlabarin an tlansuok a, thenum ruol le pai hai an inpun nghal a. An tlankhawm nghal a. Tuolthattu hin midang a hung tlankhawm hai a hmu hin an kawtkharah chem chawiin a lo inhrosa nasa hle.
Nisienlakhawm, thenum pa hai hung tlankhawm chun tharum hmangin an beilet vea an man thei hram a nih.
Khawzawl Police hai le Vengthar YMA hai khawm tlankhawm nghalin, enfel tul hai enfelin a ruong endik a nih a. Thaw ding tul a um hai chu an thaw fel nghal a, tuolthattu hi Khawzawl PS ah sie lut nghal a nih.
A ruong hi khawvarpui a ni hnungin June 12 (Ningani) zingkar khan Khawzawl Damdawi Inah Postmortem thaw a ni zovin sun hunah vuiliem a nih. - KT
Source: Foxjournal
Tuolthattu, Laltluangkima (Mang- manga) hi zu dawn hlak a ni a, damdawi ruok chu a thaw ngai nawh. A pa a that lai hin a buoi hle a ti a nei nawh. Ama khawm a hrat hle a nih. A kuom hnaia um hai khawm that dingin a vau tawl bawk. Ama hi suna inthawka zun dawnlo a ni a, tuol a that lai khawm an rui naw niin an hril. A pa a that hnung hin puonin thatak in a tuom nawk a nih.
Lianhenga hai ina hin ama thattu Mangmanga bakah hin a u nuhmei, Lalbiaktluangi (37) le a pasal le an nauhai 3 an cheng a. Hi tuolthatna a tlung lai hin an makpa hi ram tieng sinthawin a lo riek lai tak a ni bawk. An nauhai an umpui hi nuhmei vawng an nia a upa tak kum 12, a hnuoi charah kum 4 le a naupang tak kum 1 le thla 10 mi hai an nih.Chun, an naupa kum 15 mi chu a pu damnawna leiin a nu haiin Thawleni khan Sihphir a inthawkin an zuk incha thla bawk a nih.
Tuolthattu hi insungah an hrosa nasa hle a, midang a ve hai khawma an dang zo naw a. A pa a bei zo hin a u nuhmei hai hi a vau zui nawk a, a u naunu naupang tak lem chu that nawk a tum hiel a nih. Hi lei hin ti le thlabarin an tlansuok a, thenum ruol le pai hai an inpun nghal a. An tlankhawm nghal a. Tuolthattu hin midang a hung tlankhawm hai a hmu hin an kawtkharah chem chawiin a lo inhrosa nasa hle.
Nisienlakhawm, thenum pa hai hung tlankhawm chun tharum hmangin an beilet vea an man thei hram a nih.
Khawzawl Police hai le Vengthar YMA hai khawm tlankhawm nghalin, enfel tul hai enfelin a ruong endik a nih a. Thaw ding tul a um hai chu an thaw fel nghal a, tuolthattu hi Khawzawl PS ah sie lut nghal a nih.
A ruong hi khawvarpui a ni hnungin June 12 (Ningani) zingkar khan Khawzawl Damdawi Inah Postmortem thaw a ni zovin sun hunah vuiliem a nih. - KT
Source: Foxjournal
