Pu Ngurdinglien hi Parbung Montri, Hrangsing naupasal pali hai laia naupangtak a nih. Ama hi Hmar le Lushai indoa hming inlar em em, Thlova tupa a nih. A naupang laia inthawkin hotu nuom em em mi a ni a.
Ama hi kum 1938 in Parbung khuo ah a pienga. NEIG. M.E. School, Parbung khuoa inthawkin pawlruk chen a'n chûka. High School ruok chu Shillong le Pherzawl-ah a'n chûk. Lekha inchûkna tieng hin mithiem theia hril ding chu an nawh, pawlsawm khawm hi vawi hni zet a failed a nih. College ruokchu D.M. College, Imphal ah a'n chûk. Nuapang laia inthawkin khawtlang ta dinga in hmang mi tak a ni a. Saptawng thiem nuom leia sap hung taphawt lo pawl a, an inzinna chen chena lo zui hlak mi a ni bawk. Imphala College a kai sung hin Tribal Boys' Hostel Imphala Secretary sin a lo chel ta bawk. Kum 1964 khan Eastern Students' Christian Movement a President a nizing lai Bangalore a le Cape Camorin-ah inkhawmpui a fe bawk. Chun kum 1965 in All India Students Association ah Executive Member hung niin Manipura inthawk palai ṭhuoin Goa-ah le Bombay-ah a fepui bawk a nih.
Kum 1966 a Lungthulien khuoa HNU General Assembly chun President dingin an hung thlangtlinga. Delhia Law inchûk a tum chu tawpsan in active politics a chun a lut lem tah a nih. HNU President a hung ni ṭan tir lai chun Manipur Lt. Governor le Security Commissioner hai chu an biekpui thiem em em a. Hieng hai pahni a biek thiem lei hin Tipaimukh biel mipui khawmin an a lo ṭangkai pui hle bawk a nih. Hilai huna hin Sartuinek Junior High School, Kangreng Junior High School le Phaibawk High Scbool hai hi recognized le Grant-in-aid nawr dawkin 'Founder' ti hming an pek hiel a nih.
Kum 1969 a Churachandpur Assembly Constituency a By-election uma chun HNU, PC le VNO ṭhangruolin candidate in an siema, a hung ngira, vangneithlak takin a tling nawk nghal a. MLA a hung tling zo hnung sawtnawte chun President Rule a hung ni nawk nghal a, MLA tlinglai chu a sawr naw tak a la ni el thei. Manipur in full fledged State kum 1972-a a hmu hnunga General Election nei hmasatak ṭum chun Tipaimukh (ST) Assembly Constituency a inthawkin thlangtling in a hung um nawk tah a. Hi ṭum hin chu ahmaa nekin sawr theiin a hung um ta pei a nih. Cabinet minister hung kaiin Development le Planning Department a hung chel a. Manipura chu Hmar hnam laia Cabinet kai hmasatak a ni nghe nghe.
Kum 1974 a Mid-Term Election khan ama bawk hi thlangtlinga umin hun iemanichen chu Opposition-ah a um a. Hun sawtnawte hnunga chun sawrkarna chu an hung siem thei nawk tah a. Hi taka khawm hin Cabinet Minister hmu inring taka a um laiin Deputy Speaker sin pekin a hung um tah a, hi hi 1975-1977 chen khan a chel a nih.
Kum 1977 khan Janata Sarwkar siemin Cabinet Ministera hlangkaiin a hung um nawka. Hi ṭum hin chu Medical, Tribal Welfare le Transport chu 1977-1979 chen chun a hung chel a nih. Chun, kum 1980 a General Election a chun Tipaimukh (ST) Assembly Constituency a inthawkin MLA a thlangtlingin a hung um nawk a, Cabinet Minister bawk hung kaiin Agriculture, Tribal Welfare, PHE, Labour and Employment hai hi a hung chel a nih.
Chun, kum 1984 General Election a chun ama tling zing zing na Tipaimukh (ST) Assembly Constituency a chun Congress (I) ticket a chang naw leiin Independent candidate in a ngira. Pathien ṭhangpuina zarin hi ṭum khawm hin thlangtling in a hung um a, Term khat sunga hunsawt lem chu Opposition Leader in a um a. An party thar siem, “Democratic Party” a chun President niin a hung ṭhuoi a. Chuongchun, kum 1988 chun an pawl Democratic Party chu Congress (I) a merged a hung ni ta a. Cabinet Minister hung kai nawk in Public Health Engineering Department le Law a hung chel a nih.
Kum 1990 a General Election uma chun Tipaimukh (ST) Assembly Constituency a bawk ngir nawkin a tling zo ta naw a nih. Ama hi kum 1984-1987 chenin President, United Democratic Party sin a chel bawk a nih. Chun, kum 1984 khan Isle of Man hmuna Commonwealth Parliamentary Association Conference-ah Manipur aiawin a zu ṭhang bawk a nih.
Ama hin khawvel rambung hran hran a fang kuol ve a. Chuonghai chu U.S.A., U.K, New Zealand, Australia, Japan, Philippines, Hong Kong, Singapore le Bangkok (Thailand) hai an nih. Am hi MLA a tling naw hnung khawm khan Congress (I) a North Eastern Co-Ordinating Member pakhat chu a la ni zing tho a nih. A dam sunga a thilthaw hrietzing tlaka inlang ṭhenkhat hai;
1. Parbung T.D. Block Headquarters
2. Public Health Centre, Parbung
3. Community Health Centre, Parbung
4. Water Supply Schemes at Parbung
5. Community Hall
6. Power Generator, Parbung
7. MSRTC Bus Service
8. Coffee Farm, Parbung
9. Water pump, Field sanction le a dang dang hai.
Pu Ngurdinglien Sanate hi 10th February, 1991 khan ami lo boral san tah a nih.
Kum 1966 a Lungthulien khuoa HNU General Assembly chun President dingin an hung thlangtlinga. Delhia Law inchûk a tum chu tawpsan in active politics a chun a lut lem tah a nih. HNU President a hung ni ṭan tir lai chun Manipur Lt. Governor le Security Commissioner hai chu an biekpui thiem em em a. Hieng hai pahni a biek thiem lei hin Tipaimukh biel mipui khawmin an a lo ṭangkai pui hle bawk a nih. Hilai huna hin Sartuinek Junior High School, Kangreng Junior High School le Phaibawk High Scbool hai hi recognized le Grant-in-aid nawr dawkin 'Founder' ti hming an pek hiel a nih.
Kum 1969 a Churachandpur Assembly Constituency a By-election uma chun HNU, PC le VNO ṭhangruolin candidate in an siema, a hung ngira, vangneithlak takin a tling nawk nghal a. MLA a hung tling zo hnung sawtnawte chun President Rule a hung ni nawk nghal a, MLA tlinglai chu a sawr naw tak a la ni el thei. Manipur in full fledged State kum 1972-a a hmu hnunga General Election nei hmasatak ṭum chun Tipaimukh (ST) Assembly Constituency a inthawkin thlangtling in a hung um nawk tah a. Hi ṭum hin chu ahmaa nekin sawr theiin a hung um ta pei a nih. Cabinet minister hung kaiin Development le Planning Department a hung chel a. Manipura chu Hmar hnam laia Cabinet kai hmasatak a ni nghe nghe.
Kum 1974 a Mid-Term Election khan ama bawk hi thlangtlinga umin hun iemanichen chu Opposition-ah a um a. Hun sawtnawte hnunga chun sawrkarna chu an hung siem thei nawk tah a. Hi taka khawm hin Cabinet Minister hmu inring taka a um laiin Deputy Speaker sin pekin a hung um tah a, hi hi 1975-1977 chen khan a chel a nih.
Kum 1977 khan Janata Sarwkar siemin Cabinet Ministera hlangkaiin a hung um nawka. Hi ṭum hin chu Medical, Tribal Welfare le Transport chu 1977-1979 chen chun a hung chel a nih. Chun, kum 1980 a General Election a chun Tipaimukh (ST) Assembly Constituency a inthawkin MLA a thlangtlingin a hung um nawk a, Cabinet Minister bawk hung kaiin Agriculture, Tribal Welfare, PHE, Labour and Employment hai hi a hung chel a nih.
Chun, kum 1984 General Election a chun ama tling zing zing na Tipaimukh (ST) Assembly Constituency a chun Congress (I) ticket a chang naw leiin Independent candidate in a ngira. Pathien ṭhangpuina zarin hi ṭum khawm hin thlangtling in a hung um a, Term khat sunga hunsawt lem chu Opposition Leader in a um a. An party thar siem, “Democratic Party” a chun President niin a hung ṭhuoi a. Chuongchun, kum 1988 chun an pawl Democratic Party chu Congress (I) a merged a hung ni ta a. Cabinet Minister hung kai nawk in Public Health Engineering Department le Law a hung chel a nih.Kum 1990 a General Election uma chun Tipaimukh (ST) Assembly Constituency a bawk ngir nawkin a tling zo ta naw a nih. Ama hi kum 1984-1987 chenin President, United Democratic Party sin a chel bawk a nih. Chun, kum 1984 khan Isle of Man hmuna Commonwealth Parliamentary Association Conference-ah Manipur aiawin a zu ṭhang bawk a nih.
Ama hin khawvel rambung hran hran a fang kuol ve a. Chuonghai chu U.S.A., U.K, New Zealand, Australia, Japan, Philippines, Hong Kong, Singapore le Bangkok (Thailand) hai an nih. Am hi MLA a tling naw hnung khawm khan Congress (I) a North Eastern Co-Ordinating Member pakhat chu a la ni zing tho a nih. A dam sunga a thilthaw hrietzing tlaka inlang ṭhenkhat hai;
1. Parbung T.D. Block Headquarters
2. Public Health Centre, Parbung
3. Community Health Centre, Parbung
4. Water Supply Schemes at Parbung
5. Community Hall
6. Power Generator, Parbung
7. MSRTC Bus Service
8. Coffee Farm, Parbung
9. Water pump, Field sanction le a dang dang hai.
Pu Ngurdinglien Sanate hi 10th February, 1991 khan ami lo boral san tah a nih.
