Hi concert zan dar 7 ainthawkin Vanapa Hall a tan ning a ta, ticket man hi Rs. 100 man ning a tih. Hi concert hin an album thar "Home" suklar tumna malam a ni a, an album thar hi Universal hnuoia an album suksuok hmasak tak a nih.
Home album ami hla pathum lai chu Vh1-ah single-in an suksuok taa, an hla Stellar ti chu a hlawtling hle a, Vh1 top 10-ah an lang nghe nghe a nih.
Boomarang hi Vh1 Sound Nation Awards-ah nominee an ni bawk a nih. Vh1 Sound Nation Awards hi mipui vote tling a ni naw a, expert ruolin an thlang suok a nih. Hi award-ah hin Best Rock Act of the Year category-ah an inlang a, hi award hi May 11 khin sem ning a tih.