CCpur, 4 May, 2014: Zani khan Rengkai Hr. Sec. School ah Hmar Students’ Association, CCpur JHQ huoihawtna hnuoia Essay Writing Competition nei a nih. Nathan Sanate, President HSA Hmar Veng Unit in hi hun hi hawngna neiin student thahnem tawk tak an thang a nih. Class IX-X student hai ta dingin ‘Mobile Phone boon or bane’ ti thupui hmangin mi 67 in essay writing competition hi an nei a, class XI-XII student hai ta dingin ‘Character is the crown in life’ ti thupui hmangin mi 25 in an ziek. 1st in Rs.3500 + certificate, 2nd in Rs.2500 + certificate le 3rd in Rs.1500 + certificate sawm a ta, result hi hun sawtnawte hnunga puong ning a tih. Hi Competition a school dang dang hieng Young Leaners’ school, V.K Tawna College, Sielmat Christian Hr Sec school, Bethany Christian college, Don Bosco Hr Sec school, Mt Carmel school, Rengkai Hr Sec school, Stephen H/S; Happy Heart school, Vision Academy le AG H/S haia inthawkin student tamtak an thang a nih.
