AIZAWL: India President thar thlangna hung um dinga hin AICC President, Pi Sonia Gandhi chun Presidential Candidate dingin Dr H.T. Sangliana (Hmar TlawmteSangliana) a ditsak niin Lelte Weekly chun a zieklang. Congress Workding Committee (CWC) meeting chu June 4, 2012 khin New Delhi-ah um a ta, chu huna chun Presidential Candidate ding an ngaituotlang ding niin hi Weekly hin a zieklang bawk. Hiengang sin insang, ropui le inzaum hi ka lo beisei phak ngainaw a, manga khawm ka mang phak nawh. Amiruokchu, hi sin chel dinga thlang annawleh khing ve dinga (contest) ruot ka lo ni a, ka tling am, ka tling naw, Pathien thu thu ning a tih tiin Dr H.T. Sangliana chun a hril. Dr H.T. Sangliana hi North Bangalore a MP lo ni ta hlak le Karnataka DG&IGP lo ni ta hlak, tuta Vice Chairman, National Commission for Minorities a nih. Tuchena Presidential candidate ni thei dinga hril danghai chu, P.A. Sangma, Pranab Mukherjee, Hamid Ansari, Gopal Krishna Gandhi, Dr A.P.J. Abdul Kalam le Meira Kumar hai an nih.
~HT
