Tipaimukh: Tipaimukh Dam chungchanga sawiselna le dodalna nasa taka um le inzawm'n Bangladesh sawrkar in India a ngenna ang'n vawisun khan Bangladesh Journalist mi 10 hai chun Tipaimukh Dam bawlna ding hmun anzu fang.Bangladesh journalist hai hi Indian official thenkhat hai inrawina hnuoiah Indian Air Force helicopter hmang'n silchar ainthawk'n an vuong suok puia. Tipaimukh dam bawlna ding hmun zawn-ah feet 1200 insanga vuong'n minute 20 lai boruok-a inthawk'n thlirna an nei pui.
Journalist hai hi a hmun ngeia tuma, fang kuol an nuoma chu Indian Air Force pilot haiin Technical problem in tum'n an tum pui ta naw nih. khawmuol tha zing sia, iengleia a hmun ngeia tuma an en pui naw thu hi Bangladesh hai chun an sawisel.
Chanchin dawng dan chun an suok dawk hma ainthawka Journalist hai le official hai hi an inrem ta naw reng an nih. Zing dar 11 a suok ding ti ania, amiruokchu Indian official haiin Camera chawi phal ni naw nih anti pek lei'n Bangladesh Journalist hai chu an lung a awinaw leiin an suok dawk vat thei naw nih, an inbiek rem zo chawhnung dar 1 in an suok phak chau a nih.
Tipaimukh Dam bawlna ding hmun hi kum 2009 lai khawm khan Bangladesh parliamentary delegation haiin anlo hang fang ta kha a nih.
