IMPHAL: Zanikhan kum 2011 a UPSC hnuoia Civil Services Main Examination a hlawtlingna chang mi 11 hai lawmpuina hunser Imphal-ah nei a nih. Hi huna hin CM, Pu O.Ibobi Singh chun Civil Services Examination (Preliminary) a hlawtlinghai kuoma a sukphurna dinga Rs. 1,00,000 pek an ni baka Civil Services Main Examination-a hlawtlinghai kuoma khawm tukuma inthawk hin chawkphurna dingin Rs. 1,00,000 seng pek ning an tih tiin a puong. Chun, vawisuna cabinet meeting chun Indian Forest Service Examination (written) le National Defence Academy Exam-a hlawtlinghai kuoma khawm lawmpuina le chawkphurnain Rs. 1,00,000 pei pek dingin a rel tiin Pu O.Ibobi Singh chun a hril bawk.
~HmasawnnaThar
