Responsive Ad Slot

Guwahati Hmar Welfare Society - Press Release

Monday, March 12, 2012

/ Published by Simon L Infimate

PRESS RELEASE


Guwahati khawpuia um Hmar nauhai chanchin hi a thanaw tieng hril le nungchang mawiloa khawsa le chanchin ngainuom umlo ei hriet tan zeuzeu a. Ei HNAM hming suksiet nilova sukmawitu ei ni seng ei nuom leiin, hi PRESS RELEASE hi siem a nih. Mi tinin zawm seng dinga inhriettir le ngen ei nih.


Inruithei hrimhrim, zu/damdawi injection chi le fak chi khawm nisien ei HMAR hnam hming sukse thei khawpa mawilo taka ching/khawsahai chu tawpsan nghal dingin ngen le inhriettir an nih.

Nunghak/tlangval cheng hmunkhat (Living together) – Hienganga khawsa hi ei society/khawtlang inthuoidan baka ei Kristien sakhuoin a khapa, a dodal nasa hle a nih. Hienganga khawsa hi tawpsan nghal dingin in hriettir le ngen an nih.

Eini Hmar mi Guwahati khawpuia nunghak/tlangval lekha inchukding amani, mimal sinthaw dinga hung um hai/sungkuo hung inpemlut taphawt chun Hmar Welfare Society, Guwahati member dingin inzieklut dinga inhriettir le ngen an nih.Hmar Welfare Society member dinga inzieklut lohai chu (sietni/thatni ah) ei society in an chungah mawphurna iengkhawm nei thei naw nih.

Annual Member Fee Rs 100/- hi mitin tadinga makmaw ania, hi pelohai chu Tuoksuol/Accident/Lusun, etc. ei Welfare Society hin an chung ah kutthlak thei naw nih.Mitin membership fee pedinga fiel le inthriettir ei nih.
Tuta membership fee dawla um mek hi 2011 sunga mi ania,tukum a mi hi November thla sunga dawl ning atih.
Khi a chunga ei tarlanghai zawm lova khawtlang hrilsep kai thei khawp le ei HNAM hming sukse thei khawpa khawsahai chu suizui ning an ta, an sung-le-kuo, nu-le-pahai kuomah inhriettir ning an tih. Chu zova chun a tul dan a zirin Hmar Welfare Society, Guwahati in an chungah action lak ning a tih, tukhawma sawisel theinaw nihai. Ei HMAR hnam hming siet ding ei phal naw anih.

 

In thahnemngaipui,

Lalzuithang Thanghlun Hmar
Secretary, Chairman

 
Don't Miss
© all rights reserved
made with by Simon L Infimate