U
Ume: Ngaisak; ngaiven.
|
Umnikham: Khawtlanga umni; ni inser bik; hmang ni.
|
Unau hmel hai: Nisa tlak hnung khuo inthimtir lai vel hin unau lampuiah an intuokaan inhrietnawh a; chulei chun khuo inthimhmuoi lai hi unau hmel hai hun lai an tih.
|
Uichal bu fak ang: Ṭawngṭai lova bu fak chawt.
|
Ui tawl inleta inlet: Ui tawl le a ril hi an inlet fai vawnga na sawp a, ch anga miin a thaw ngun emem leh an hril khi; thiem innal hre hne hle.
|
Ui hmur del ang:Thil dei hrilna a hmang, ui hmur hi a dei lei a nih.
|
Ui khawp ko ang: Ui khawp hi a ko dawk an tak a, chu anga mi kova inhawi nuom lo leh an hril khi hlak.
|
Uite vawikhum ang: Uite vawikhum chu an vel vat vat hlak a, chu anga mi a um leh chun an hril khi hlak.
|
V
Vangduoi vangnei: Vangduoina le vangneina tuok kawp.
|
Vangsie kovin: vangduoia insiem; vangduoitak el.
|
Vanlaia tla ang: Sung le kuo neilo; mimal taluo; fahra.
|
Vana ra ang: Thil harsatak hrilna; thil thawthei ruollo hrilna thil vangtak hrilna.
|
Vawk ek sir hmasa: Upa lem; pieng hmasa lem.
|
Vawk zel hur: Chite hur; hur la awmlo; mi hur deu leh an hrilkhi.
|
Z
Zankhat mitsim tuok: Thina tuok thut; natlawk hriet manglova thi thut; zan khat thila thi thut.
|
Zozam: Zamzo; ṭhen khat chun parsen anti bawk.
|
Zaleng: Lenglai; tlangval lai; nunghak lai.
|
Zamuol: Muol; tlang; kawtbau khawm ani thei muol za tam tak liem.
|
Zang na dawm: mithil suk siet pek pala an tuortirtu in thil a pek; a isuksiet pek pal tu in an chawi tir nilo a suk se pal pektu in aṭhang pui.
|
Zalen: Ngamtu umlo hnetu umlo; ṭi neilo, ahuoi tak ahrat tak.
|
Zawng a tuor ai ngau in a tuor: Atuortu naw lem dingin a tuor.
|
Zâwnga hai haw khawi ang: Hmel in ang em em; pum in tiet tawk; dung inchen; in ang zing; intiet zing; in ang tlang.
|
Zawng mangsie ang: Zan laia thova inhrihlut; zan rila thova inri teng tung; zan laia thova inri rem rum.
|
Zawng pan nei ang: Pân kuta tawk tawk; kut um ṭawk ṭawk thei lova pan tawk tawk; tawk ngun lei a pan dam theilo.
|
Zâwl lei: Leisie; tlangval in nunghak adit leia tangka 40 chawi.
|
Zawl di ai: Nunghak le tlangval inngai zawngtir theina; in ngai zawnglo inngai zawng tir theina.
|
Zawl siel: Nunghak.
|
Zuongṭum: in chawm; tho; in chawm.
|
