HSA aiin Hmar inchuklai popo le mipui chibai ka buk cheu. Kum 2012 hmu thei dinga Pathien malsawmna ei dawng leiin Ama kuoma lawmthu um raw se. Sikul naupang, kut sin thawtu, rawngbawltu, office kai le mani sin sengah fak zawng hai kum 2012 hi ‘Hlawtling kum’ a ni ngei theina dingin ei hma zawn sengah ṭhahnem ngai le ti takzetin hma la thar nawk dingin ei in ngen a nih. Sin zawng mek le tum ram dang dang hnawt a exam pe ding hai khawm ditsakna le hlawtlingna insang tak hmu ngei dingin taima le tumru insuo a, ṭhang la dingin ei ngen in ei in ditsak bawk a nih.HSA ṭhuoitu hmun dang danga um hai chu ei biel sengah inchuklaihai ta dinga ṭhahnem ngai nawk zuola hma la dingin ei infui a; chu ruol chun tu khawm in, khaw lai khawm election Politics a fihlim hram dingin ei in cha bawk a nih.
Ei hnam hmasawnna dingin ei rengin ṭhang ruol a kal chawi hi ei vawisun hun hin a mi phut a nih ti hrie zing pumin ei umna khuo, veng le ram sungah ‘thaw ro’ ti changchawia inlungruolna vadunga luong tlang dingin ei in fiel a nih.
Kum thar hi ei ta dingin malsawmna kum ni ngei raw se.
Sd/- Lalthlamuana Hmar
President, HSA Gen. Hqrts
