Responsive Ad Slot

I SUI VE HLAK AM?

Friday, December 30, 2011

/ Published by Simon L Infimate
~By Pastor (Retd.) Lalhmuoklien, N.C. Hills

 

Thil khaikhi ( Compare) ṭhenhkathai hieng ang hin sui inla-


I. Isu Krista a hungna le a la hung nawkna ding hun khaikhina


1.    Beramte angin nun innem takin a hung a, a hung nâwk ding huna chun sakeibaknei angin hrohrang se takin a hung nâwk ding.

2.    Sabengtung chunga chuongin a hung a, sakawrvar chunga chuongin a hung nâwk ding.

3.    Siehlaw angin inngaithlawm takin a hung a, thilthawtheina le rorel dingin a hung nâwk ding.

4.    Hlinglukhum khumin a hung a, ropuina le lallukhum khumin a hung nâwk ding.

5.    Hmawla vuok tuorin a hung a, thirhmawla rorel dingin a la hung nâwk ding.

6.    Kross ah rinum tuorin a hung a, chatuon rorel kumkhuo dingin a hung nâwk ding.

7.    Mihai dit lovin a hung a, mitin reng a hmaah kûn dingin a hung nâwk ding.

8.    Dam dinga thiin, kumkhuoa Laltak ni dingin a la hung nâwk ding.

9.    Tlawm taka thiin, ropui taka dam zing lem dingin.

10.  Khawvel suol phurin a hung a, suol ṭhang ta der lo dingin a     hung nâwk ding. (Heb 9:28)

11. Mihriem angin a hung insieng a, Pathien pumhlumin a hung nâwk ding.

12.  Indo dingin a hung a, hne pei dingin a hung nâwk a tih.

13. Misuolhai ta dingin a hung a, mifelhai ta dingin hung nâwk bawk a tih.

 

II. Thlatu Adam le Krista

1. Adam a chun mi po po an thi hlak angin Kristaah chun mi po po   suk hringin um bawk an tih. (1Kor. 15:22)

2. Adam leiin khawvela suol a lut a, Krista leiin mi po po khuomah sandamna a hung tlung. (Tita 2:11)

3. Suk suoltu chu Adam a chun a um a, ringtu ruok chu Krista kuomah a um.

4. Adam a chun piengken nina ei nei a, Kristaah ruok chun lunginsietna zarin ni na’n ei nei ve thung

5. Adam a chun mihriem inthlasawngna a inthawkin hringna chu ei nei a, Krista a ruok chu chungtienga mihring nina chu ei nei.

6. Adam a chun mihriem chu mihriem hmasatak suolna chun a sukkhawhlo a, Kristaah chun mihriem chu mihring  pahnina inthlanna leiin intlansuok a nih.

7. Adam a chun thil po po hi suol thima thina a  ni, Krista a ruok chun iengkim el hi felna var le hringna a nih.

 

III. Inhlan (Taksa Inhlan) le Ringna

1.  Inhlan “Lalpa keima ta khawm ka ni ta nawh, inthawina hringna dingin ka taksa hi kan hlan” a ti hlak. Ringna ruok chun “Krista chu keima a hin a hring lem a nih” a ti ve thung.

2. Inhlanna a chun “Lalpa iengthaw dingin am i mi dit a? Ringna a chun “Ami sukhrattu Krista zara chun iengkim ka thawthei a nih” a tih.

3. Inhlanna a chun Krista chu lal angin a chawmawi a, ringna ruok chun Krista chu hringna angin an kawppui hlak.

 

IV. Thuthlung hlui huna dan le thuthlung thar huna lunginsietna dan inthlakthleng dan

1.  Thuthlung hlui hun lai berampu aiin beram a thi a, thuthlung thar huna ruok chun kohran(beram) aiin berampu Isu a  thi ve thung.

2. Thuthlung hlui hunah Mosie kuomah chu “I pheikhawk kha hlip rawh” a tih a, lunginsietna dan huna chun naupa tlanhmangpa kha pheikhawk in bun tir a nih.

3. Mosie dan pawisa naw leiin mi 3000 an thi a, thuthlung thar huna Peter thuhrilin mi 3000 an piengthar ve thung

 

NB- Tiemtu ta phawthai kuoma kumhlui thucha dinga inhlan a nih.

 

Copyright: VIRTHLI.COM retains full copyright of all published content, unless an excerpt or code snippet is attributed to another website. To republish posts, the best way to do this is with a link to this web page.
Don't Miss
© all rights reserved
made with by Simon L Infimate