CCPur District-ah Setanic member 500 - 850 vel an um ni’n an puong

Spir­i­tual Lead­ers Con­ven­tion on Satanism and Demonic Activ­i­ties nei
- Mr. Ram­nun­siem Sanate, Record­ing Secy. SLC

[caption id="attachment_5535" align="alignleft" width="295" caption="Satanic Symbol"][/caption]

CCPUR: Chu­rachand­pur a hin Setan bie-a a kuoma inthaw­ina inhlan hlak an um a nih ti hi khawlai a mi ti ti na tam tak hriet a ni a, chuong hril rika um chu thutak a ni le ni naw fin­fiena din­gin Bethel Coun­selling Cen­tre chun CCPur sunga Spir­i­tual Lead­ers’ hai ko khawmin Nov. 21 –22, 2011 khan Convention/inkhawm anei puia, kohran pawl tum tum 7 a inthawkin palai mi 150 vel fe khawmin chu palai fe khawm hai chun Chu­rachand­pur a hin Setanic mem­ber mi 500 – 850 vel an um ngei a nih ti thu an puong.

Ei ni lai Setanic an um ngei a n ti sukchiengna dingn Pathien tienga hung inlam let nawk Setanic mem­ber inter­view lak a ni a, h huna hin mi thenkhat a inthawkin ei ni laia daw­ibur hman­gruo le inthaw­ina neina le Bible an suk­sietna thlalak hai suk­langna khawm nei a ni bawk.

Pathien hring kohran hai suk­buoi le suk boral chu an thil­tum niin an hrila, hmun hran hran haiah a rukin Setan kuomah inthaw­ina hai an nei hlak thu le nuh­mei pasalna thil sex hmang khawm an uor a, mi daw­ina thil le power insang nei hi an nuom tak a nih. An ni rawi hi a bikin nau­pang kum 15 – 20 inkar vel mi anni deu taka. Den­rite le Fevi­col hai hi inruina din­gin an hmang hlaka in dawi hi an uor a mi tam­tak khawm dawi vetin an nuom ang angin an umpuiin an dit an gang an lak pek thei thu khawm an puong. Chu­rachand­pur sung awptu an hotu lien­tak chu ramh­n­uoia um, an nuom hun hunah hmu thei ama chu var lien taka inlarin a hung inlang hlak le an paw­imaw hai chu a lo pek pei hlak niin an hril. Chu­rachand­pur a hin group hran hran tam­tak an um a nih ti khawm hreit a n bawk. An ni hai lai hin pasl chau ni lovin nuh­mei khawm tam­tak an um a nih. Thenkhat san­suok thei thei san­suok an ni a. Sienkhawm Setanic mem­ber hi kiem nekin an pung peia hun sawt­nawte ah langchang taka kohran khawm an phun hiel an ring thu an hril, kohran inthang­duong tak hai nekin an pung hrat lema, hang bi chieng chun ei kohran cen­sus mem­ber hai vawng an nih. Kohran hai hin an hming ei change, an lun­gril le taksa ruok chu setan tieng an  pek a nih.

Spir­i­tual Lead­ers’ fekhawm hai chun ei chengna ramah hieng thil tlung el ta hi pawi an ti thu hirlin, thang ruola do tlang din­gin thuth­lukna an siema. Vawikhat chu Chu­rachand­pur sunga mipui po poin ei thaw thei chu tawng­taina chau hi a ni ti hrein, umni khamin a telpuiin ‘Prayer Convention/Inkhawm Tawng­taina’ hun hmang inla an nuom thu an hril tlang.

 

A paw­imaw hai chun No. 9862036466 a con­tact thei a nih.

 

~ Hma­sawnna Thar,  27.11.2011