Date: 8/10/11
Pu Lalhmingthang Sanate thu insuo Hmasawnna thar Vol-27/5. Dated 7th October, 2011 a mi kha a hnuoi a ang hin kan hung dawn.
Vawisun chena by-resolution Hmar People's Convention (Democratic) a la fe pei na ah hin Pu Lalhmingthang Sanate ban a nina hi kan Secretary, Pu Zosangber in tha a ti dan le rem a ruot dan a thaw le rel ni lem loin Executive Council Emergency Meeting Date 29th September, 2011
Resolution No. 1 a passed dungzui a ban a ni lem. Personal taka mimal intum a mawsiet hi thil indiklo a nih. Party a hin President lien tak sienkhawm roreltu le thutlukna siemtu chu Executive Council a ni lem bawk.
"President ka nina ka lan ban nawh" a ti hi thu indik a ni a. Ama le ama an ban ni lovin Executive Council in a ban (impeached) lem a nih.
United People's Front chungchang a kan Army C-in-C in Agreement a lo signed ang a a hung hril khawm hi U.P.F. ah va luta a hran a agreement signed ni lem loin, hi pawl hi Non-Naga tribal hai inzawmkhawm a tlangmi hai ta dinga hmadawm fel tak nei a thang tlangna dinga lampui ngaituona lei a pawl dang dang (U.G Group), inbiek rawna indin a ni a. Chuleiin an dintu hai laia mi ei ni lem a nih.
Hmar People's Convention (Democratic) indin a nina santak a bikin, Mizoram State a Hmarhaiin Politics le economic thila India danpui hnuoia chanvo tha le insanglem India danpui hnuoia an chang theina dinga hma la ding hin kan tlin nawna le hrat zo tawknawna tamtak um sienkhawm theitawpa bawzui dingin kan lan ringzo tawka, bawzui pei bawk kan tih.
Pu Lalhmingthang Sanate, President a nina banna le inzawmin, iengthu khawm Chanchinbua insuo le thedar a lo ni nawk khawma Hmar People's Convention (Democratic) chun dawnna siem ni ta naw nih ti kan tarlang sa nghal bawk.
Sd/-
(JOHN F. HMAR)
Secretary
informational Publicity
H.P.C (D)
Government of Hmarram
HMAR PEOPLES' CONVENTION (DEMOCRATIC)
General Headquaters, Sinlung.
