Responsive Ad Slot

Lamlien thar lawmna le HNU Leaders Meet hlawtling taka zo

Monday, May 2, 2011

/ Published by VIRTHLI
CCPUR: HNU Leaders Meet-a  ṭhang  dinga  fe Dr Chaltonlien Amo, a  nuhmei Pi Lalramsang Amo le ṭhuoitu tum tum HNU Leaders meet a  ṭhang  ding   hai  chuongna motor 21 lai zet chu 27, 2011 zantieng dar 4 vel khan Tuolbung  khuo  an  inzui  lut a. Khawsung  mi  le  mikhuol fekhawmhai chun ropui takin an lo lawmluta Dr. Chaltonlien le a nuhmei Pi Lalramsanghai  chu khuo  chena zawnlut an tum a, sienkhawm Dr Chaltonlien  le  a  nuhmei  hai  chun zawn nuom lo le an  intiemna ang ngeiin motorin Tuolbung khawsung  an  lut  a, Pathien kuoma  lawmthu  hrilna  le Lamlien thar lawmna nei nghal a nih tiin ei thu dawngna chun a hril.

April  28, 2011  ni khan Tuolbung, Tipaimukh A/C  ah Lamlien thar lawmna le HNU Leaders  Meet hlawtling  taka hmang  a  nih. Lamlien  thar lawmna le HNU leaders meet a  hin Vangai  le  Hmarbiel  a inthawk  mikuol 730 vel  an fekhawm a, bieltu MDC Pu Lalhmangpui  Fimate  khuollienin a ṭhang a, Dr. Chaltonlien  Amo,  President,  HNU Gen. Hqrts  chu Chief Host in a  ṭhang.  HNU Gen. Hqrts le Block ṭhuoitu hai chun Development Programme le thil dang dang haia  Tipaimukh A/C  hmasawnna ding thu  baka Manipur Assembly Election hung um dinga hmalak  dan ding hai an hriltlang.  Mikhuol fekhawmhai  le  khawsung mipui hai chun  Sielchal pakhat le Vawkchal pathum thatin  hlimtlang  takin  ruoi  an kiltlang.

Hi HNU Leaders  meethmang  zo  hnung April 29, 2011  khan  Dr. Chaltonlien Amo chun  a nuhmei Pi Lalramsang baka hotu iemanizat ṭhuoin  Tipaimuk  biel  fang dingin Tuolbung  khuo an suoksan  a, Tipaimukh  biel fangin  khawtin an sir  mekniin ei thu dawngna  chun  a hril bawk.

 

~HmasawnnaThar
Don't Miss
© all rights reserved
made with by Simon L Infimate