CCPUR: Nehemia Prayer Team (NPT) Silver Jubilee Celebration (1986-2011)-cum- NPT 25th General Prayer Convention, 2011 Programme chu zani zan khan Sielmat ICI Biekin (Roberts Memorial Chapel) ah ṭan a nih. Hi Programme hin April 10, 2011 chen awng a tih. Vawisun (8-4-2011) zing dar 10 a inthawka Roberts Memorial Chapel-a Worship Service-a chun Rev Zathangsing Zate, Secretary (Missions & Development), ICI in Pathien thucha hril a tih. Sun dar 12 a inthawk Leaders Council Session nei ning a ta, zan dar 6 ah Worship service-ah Rev. H.B. Hluothang, Secretary (Evangelism) in Pathien thucha hril a tih.April 9, 2011 zing dar 9:30 a inthawk sun dar 12 chen Prayer Mountain, Muolvaipheiah NPT Silver Jubilee lungdaw le Souvenir hawngna nei ning a tih. Hi taka Open Air Programme a chun Conductor in Rev. Neichawngthang, Secretary, NPT, N.C.Hills District ṭhang a ta, Welcome Address Rev. Rosung Sinate, Chairman, NPT in nei a ta, NPT Silver Jubilee lungdaw hawngna Rev H. Chungthang |hiek, Founding Father, NPT in nei a ta, chu zova Silver Jubilee Dar vuokna hun um a ta, hi zo hin Pi Lalremsiem, Adviser, NPT in Silver Jubilee Rest House bawlna ding lung phumna nei a ta, chu zova thingpui dawnna um a tih. Hi zo hin Hall Programme hmang ni nawk a ta, Ms Jacintha Lazarus, IAS, Deputy Commissioner, Churachandpur in Souvenir tlangzar a ta, NPT Choir in hla sak an ta, chu zova Jubilee Fund dawlna um a ta, chu zova ṭawngṭai ruolna nei ning a ta, chu zova Pi Lalremsiem, Adviser, NPT in Pathien thucha hril a ta, Rev. Lalneikhup Hmar, D/S, Saikawt in malsawmna hril a nih. Prayer Mountain, Muolvaiphei Programme hmang zo hin Sielmat tieng insawn nawk ning a ta, 1:30PM-ah Worship service Roberts Memorial Chapelah nei ning a ta, Pastor K. Pahlira, Cachar in Pathien thucha hril a tih. Zantieng dar 3:30 in Silver Jubilee ruoiṭhe ning a ta, Elder Ngursanglui in Silver Jubilee ruoi Pathien kuoma inhlanna nei a tih. Central Committee, NPT, Headquarters Prayer Mountain, Muolvaiphei, CCpur, Manipur chun mitin Silver Jubile ruoi kil ve seng dingin an fiel. Hi zo 6PM ah worship Service a chun Rev RosInfimate, Adviser, NPT in Pathien thucha hril a tih. April 10, 2011 Pathienni zing dar 10 a inthawk Roberts Memorial Chapel, Sielmat-ah worship service um a ta, Rev. H. Chungthang Ṭhiek in Pathien thucha hril a ta, 1:30PM a Worship service a chun Pastor Lalrohlu in Pathien thucha hril a ta, 5:30PM a worship servicea chun Rev. H. Chungthang Ṭhiek in Pathien thucha hril a ta, hi zo 8PM-9PM inkar Prayer Meeting Elder Lalmanlien, Co-ordinator, NPT inrawina hnuoia nei ning a tih.
~HmasawnnaThar
