Responsive Ad Slot

Chief Minister, Congress President, HNU Leaders le Tipaimukh biela MDC hai an inpawl

Tuesday, April 26, 2011

/ Published by VIRTHLI
CCPUR: Hmar National Union (HNU) hotuhai Dr.Chaltonlien Amo President,Dr. Lalkhawlien Pulamte Chairman/EWC, Pu Henkhum Gen. Secy., Pi T. Kholly Adviser, Pu Glory Wilson Secy. Tipaimukh Block Congress,Pu Lal Hossan EM, Pu Lalhmangpui Fimate MDC,Pu Lalditsang MDC le Tv.Roland Ralsun haiin April 23,2011 khan Pu Ibobi Singh,Manipur Chief Minister le Pu Gaikhangam, Congress President hai Imphala an office veve ah inhmupuina an neia.



i. Pherzawl ADC sukpuitlinga chu zoah Full-Fledge (Revenue) District a siem ding

ii. Sibapurikhal (Ankhasuo) SDC HQ. ah an hmatienga SDC le Staff sie le Building ṭûlhai bawl ding

iii. 33/11 KV Power Sub-station,Ankhasuo hawng vat ding le

iv. Tipaimukh (Sipuikon) le Mizoram infepawna Lamlien le Tuivai Leilak siem vat nisien tihai hi ngenna an siema.Chief Minister khawma lawm takin darkar khat sûngvel a lo inpawlpuia, point pali hai hi a ngaipawimaw hle a,thaw ngei a nuom thu a lo hrilbawk.

Chief Minister in May thla sung ngeia Ankhasuo 33/11 KV Sub-station ama (CM) in a zu hawng hman dinga sukfel dingin Chief Engineer (electric) an hriettir nghal. Pherzawl ADC thu a hril na ah, Jiribam ADC hi Full-fledged (Revenue) District a upgrade remchangnawna a la um leia la thawlo hi a thei hunah PherzawlADC le thawkawp nghal aremti thu khawm a lo hril.Hienghai baka khawm hinPolitics le ei ram development le issue dang dang anhril tlang. Hotu fekhawmhaian hlim hle.

Ei hmaa MLA election hung um ding chungchang le Congress Ticket thuhai khawm hriltlangna an neia.Chief Minister le Congress President hai chun, “Congress party zawm dingin mi popo welcome an nih a.Amiruokchu, thiltum nei lei le Party thau fa tum ringawta Party a hung lut tumhai chuei lawmlut kher nawh. Congress Party hi Constitutionin ṭhuoidan ṭhatak nei a niha. Nuom dan dana keilet theia ni nawh. Congress Ticket chungchangah buoina dinga um nawh, Congress seniorleader Dr. Chalton, Vice-President, Ex-Minister ni bawk in nei an nawm,’ tiin anlo hril. Chief Minister chun,“Election lai khan Senvon chen chenah Union Ministerhai hung ṭhuoiin thutiem nei meuin vote kan hung campaigna, in lo suktling naw hi nangni ta dinga chânnalientak a nih. Tuta ṭum chu hung suktling ngei ta ro” a loti bawk.

~HmasawnnaThar
Don't Miss
© all rights reserved
made with by Simon L Infimate