Tulai hnai el khan UPSC conduct-na hnuoia Civil Service Exam, 2010 Mains result puong langin a um a. Ei ni mi le sa pakhat khawm a tling awm ei hriet naw a, a pawi takzet el. Lunglai a na thei ngei. Inchuklai suongum tak tak hai kha thang hung la nasa zuol sau ro ie. A hnamin kan lo thlir zing cheu a nih. Beisei taka lo nghak tu cheu Hmar mipui hai hin in sa kap kar kan nghakhla hle. Sa lu lawma chawngchen ni a mipui hlim rawl ngai nuom um tak chu tu in am ngai nghawk thei a ta?
Civil Service exama inthai ngam lo, inchuklai tamtak ei um ti hi tlang hriet a ni a. Lungngai naw mei niu. India sawrkar hnuoia thawktu la rawntu tak, Staff Selection Commission a um annawm. India sawrkar hin sin latu Agency pahni lien deu deu a nei a. Chu hai chu UPSC le SSC hai hi a nih. SSC in exam a conduct hai laia lientak, Combined Graduate Level Examination, 2011 (CGLE, 2011) chu notice a lo suok nawk der tah. ‘Takchapa’ ti a thang lak a hun ta ie. ‘Second to Civil Service’ ti thei hiel exam, CGLE, 2011 a thang dingin application form hei fill-up sup sup ei tiu. 6th Central Pay Commission ei hmang ta bawk leiin hlaw khawm insit ding an nawh. India sawrkar hnuoia ministry/department dang danga Group – B (Non-gazetted) le Group – C thawktu ni i nuom chun lo inring kar raw aw. Taima deua tuta inthawka hang tiem char char chun tling nawna ding a um bik bek nawh. A pattern le a dang dang hai hang thlir thek thuok ei tih.
Khawlai hmun am Application form: Application form le notice hi Employment News (March 19, 2011 issue) ah notice leh hung suok a tih. Buoina leia i lo inchawk hman naw khawma, www.ssc.nic.in ah a download a hmang el thei a um. Chu taka i la buoi rawp chun www.ssconline.nic.in ah online a fill up el thei a ni bawk.
Important Dates: Last date of submission: April 15, 2011 (North East a um hai tading in April 24, 2011), Date of exam: 19.06.2011 & 26.06.2011.
Exam pattern: Exam hi Tier – I, Tier – II le Tier – III a the a nih. Final result ah hi hai pathum a mark popo hi bel vawng ding a ni leiin a hma a Preliminary anga neglect el chi ni naw nih. Sin hi chi tum tum a ni leiin Group – A le Group – B a the a ni a. Gr – A post hai po hi Interview (Tier – III) a chen fethleng a ngai a, Group – B a ding ruok hin chun Tier – III a um ve nawh. Chun, Tax assistant a ding le Assistant in CSS a dingin Skill test a tul bawk. Syllabus hai popo chu ziek seng ding an naw leiin a notice a en el ding a ni aw.
Question popo hi objective vawng ding a ni a, negative marking um bawk a tih. Chu um zie chu question pakhat indik lo a i dawn chun mark khat i hmu sa kha a khan hmun li a the a hmun khat an pei ding ding a nih. Zawna pali i dawn indik naw chun i dawn indikna a mark khat i hmu sa khah an pei ding tina a nih. Question kha fimkhur taka dawn ngai a tih.
Vaccancy: Ni dang angin sin ruok zat hi puong lang a ni ngai nawh. Final result suok hma thla khat chena ministry/department dang dang haiin an mamaw zat an hril popo kha a ruok a ngai a nih. CGLE, 2010 khan 6000 vel thawktu an lak a. Tukum hin hi neka tam, 8000 vel an lak ring a nih. Kum 2008 khan 8000 vel an lak bawk.
Qualification: Graduation from a recognized University ti a ni a. Statistical Investigator beisei thlang sa ding chun Statistics, Mathematics le Commerce hai hi pakhat tak BA a lak a tul bawk. Mark inhnuoi taluo a um nawh. Graduate inti phawt hai khan chu apply el ding a nih.
A post hai le an hlaw ding zat hi hei en nawk ei tih. 6th CPC a hin sawrkar thawktu hai hlaw hi pay band a the a nih. Chun, Grade pay hran hran a um a, hi GP tam le tlawm hin thu a phur hle. Tulai a DA rate chu 45% a ni a, April a hin 6% vela hung pung dinga beisei a nih. Kum khata DA rate hi vawihni a pung hlak a. Chun Basic pay hi kum khata kumtin July thla in 3% in a pung bawk. Hlaw hi a pung hrat hle a nih.
| Posts | Scale & Entry Pay | Total emoluments | ||
|
(12540 + 4600 =17140) | Basic Pay: 17140 DA(45%): 7713 TA(800+DA%): 1160 HRA(20%): 3428 SDA(12.5%): 2142 HCA: 480 Total: 32063 | ||
|
(9300 + 4200 = 13500) | Basic Pay: 13500 DA(45%): 6075 TA(800+DA%): 1160 HRA(20%): 2700 SDA(12.5%): 1687 HCA: 480 Total: 25602 | ||
|
(8560 + 2800 = 11360) | Basic Pay: 11360 DA(45%): 5112 TA(800+DA%): 1160 HRA(20%): 2272 SDA(12.5%): 1420 HCA: 480 Total: 21804 | ||
|
(7510 + 2400 = 9910) | Basic Pay: 9910 DA(45%): 4460 TA(800+DA%): 1160 HRA(20%): 1982 SDA(12.5%): 1239 HCA: 480 Total: 19231 |
Promotion tieng hei thlir nawk ei ti leh. Promotion hi department le posting-na hmunin thu a phur ta leiin fel taka hriet le ziek lang an tak khawp el. A tlangpuia promotion dan hang en ei tih.
| Name of Post | Next Promotion (Exam a ngai deu vawng) | Next Promotion | Next Promotion | Next Promotion |
| Assistant | Section Officer | Under Secretary | Deputy Secretary | Director |
| Inspector (CBEC) | Superintendent | Assistant Commissioner | Deputy Commissioner | Joint Commisioner |
| Inspector (CBDT) | Income Tax Officer (ITO) | Assistant Commissioner | Deputy Commissioner | Joint Commisioner |
| SI in CBI/CPOs | Inspector | DSP/ Asst CO | Addll SP/ Dy CO | SP/ CO |
| Tax Assistant(CB EC&CBDT) | Senior Tax Assistant | Inspector/DOS | Supdt/AO/ACAO | Asst Commissioner / CAO |
| Accountant/ Auditor | Senior Accountant /Senior Auditor | AAO | AO | Senior AO |
Note: Assistant hai tading hin kum 4 an service hnungin exam thei a nih. Inspector le tax assistant hai tading hin promotion hratna ding chun posting na hmun tha a ngai. Asanchu, zone wise a seniority an maintain a ni leiin, ei ni ST tamna ah promotion a harsa vieu. Auditor le Accountant hi chu a tlangpuiin kum 4 hnungah promotion pek an nih. A tlangpui thu in promotion chu a tha deu vawng. Lungngai naw rawh, MACP a um an nawm. Hi MACP dungzuiin hin i grade pangngaiah kum 10 promotion lova sin i thaw chun financial upgradation hmung i tih. Chu umzie chu i next promotion a i hlaw ding zat tho kha i hlaw el ding a nih.
Awleh, hang bei char char ei tiu leh. Exam hun sung hi a sawt naw a, kum khat sungin final result an puong hman hlak a nih. Ei ni hai rawi tading hin chu sawrkar sin hang thaw el naw hlak chu fak hmuna tak tak hi a la tam rak bawk si naw a. Tukum i tling naw chun, kum thar i nghak nawk a ngai a nel. Sawrkar sin thaw chu a thang hmasa sa an hamtha el.
Atha ngawt el,sin reng2 hi pay band le promotion fe dan tlangpui en vang2 a thlang a tha a,promotion le pay fe dan article hi ei tawngin kala tiemnawa seminar an neia khawm kala thang bawknawa,students exam pe dinga inbuotsaihai hin pay le promotion fe dan hi ei hriet tawl naw hlea Pu Lalhmingthang Songate'n a fe dan tlangpui a hung ziek hi studenthai tadinga malsawmna ropuitak ani ka ring.Hieng tieng zawng ngaituotu Virthli khawm hi tha ka ti ngawt el
ReplyDeleteA bengvar thlak ngei hi tie.Vawisuna inchuklaihai tading chun Carreer Guidance tha tak takel a um taa.Mi bengvar raknaw khawmin ei nuom le nuomnaw a thaw thei ding ami hrilhriet tu ding an tam tah.Lawm a um khawpel.Piengtharna hi chikhat chau a um nawa, inchukna le sinzawngna a piengthar dingin sandamna beiruol thaw a tul.
ReplyDeleteVirthli hmusuoktu le buoipui tu hai hi inpak in um ngawt el.Hmar nauhai inthanglienna dinga mellung pawimawtak pakht a nih.Virthli ka subcribe a inthhawk hin namen lo in ka bengvar pha a ka lawm tak zet.Pu Lalhmingthang Songate'n SSC thlirna a hung zieksuok hin phurtharna nasatak keima ah a mi pek.Hmar nau hai ei umna state sokar ah beiseina ei neinaw lei in nasatakin central sin hnawt in hma la'ng ei tiu.Hi hi Pathien in advantage a mi pek a nih.Lekha ei thiema central sorkar ah OFFICER ei tam pha pha leh ei RAM lien el a tih.VIRTHLI DAM ZING RAWH
ReplyDelete