Tv. Lalzawmlien Hmar Ph.D inhlan anih

Silchar: Tv. Lalzawmlien S/o Rokhum Hmar of Saisel,Pailapool Cachar Assam chu 17th August, 2012 khan Assam University, School of Economics and Commerce chun Degree of Doctor of Philosophy alo inhlan tah.  A Ph.D Thesis chu "Determinants of Economic Backwardness of the Tribals ( A case study of the Hmar Tribe of South Assam)" ti a nia, Ph.D registration a thaw kum hi 2006 a nih.

Tv. Lalzawmlien hi Janata College, Kabuganj Cachar Assam ah Assistant Professor (Senior Grade) sin thaw lai mek a nih.

Tuhin Silchar-a khawsa'n, Silchar Hmar hai laia mi pawimaw pakhat ve a nih. Hnam ta dinga thahnem ngai mi tak , Assam-a Hmar MIL chungchang ahai khawm nasataka hma latu lo ni ve hlak a nih.  Tukhawm hin Hmar Students' Association, General Headquarters-a  Deputy Secretary sin chellai mek a nih. A hlawtlingna hi ei lawmpui takzet.

Assam University hnuoia Hmar MIL lecturer

CCPur, August 14, 2012: Assam University thuneituhai thutlukna dungzuiin Assam-a Degree Levela Hmar MIL inchuktirtu ding (Part Time Lecturer) mamaw a ni a. Pawl 10 a inthawk BA chena Hmar MIL latu Master Degree nei hai chun August 20, 2012 hma ngeiin L.Ruoivel Pangamte, Secretary, HLS, Manipur kuoma hnina lekha peklut thei a nih.

Document peklutsa dinghai chu Class-X a inthawk MA/MSc chena Marksheets/Certificates Xerox Copy, NET/SLET certificate le thlalak passport size copy 3 a nih. NET/SLET Certificate la nei lo hai khawma hni thei a nih. NET/SLET Certificate nei hma po chu a ruoitu College in hlaw an pek zat zat hlawng an ta, NET/SLET certificate nei huna UGC norm dungzuia hlaw pek an ni ding a nih.

Source: Hmasawnna Thar