HSA Shillong Food Fest 2014

Shillong, May 10, 2014: Vawisun khan Shillong-a Hmar Students' Association (HSA) hai chun North-Eastern Hill University, Shillong Campus a Hmar hminga thilthaw a vawikhat na dingin Food Fest puithu tak'n an huoihawt. Hi Food Fest hi Prof. Vanlalnghak in hawngna a nei a chu zova student hnam dang dang Hmar hme chidang dang hai intem sin dinga hung hai kuoma Bu le Hme inhnik tawk taka buotsai chu sem tan a nih.

Hi Food Fest thiltum tak chu HSA Platinum Jubilee lawmna ding thangpuina ding le hnam dang hai laia Hmar hme chidang dang hai suklar tumna malam a buotsai a nih.

Hi Food Fest hi NEHU Student Community Hall hmunah zing dar 10 anthawka zantieng dar 4 chen buotsai a ni a, Bu le Hme hai baka hla tienga insukhlimna, games le chidang dang khawm neisa ani bawk a nih. Hnam dang dang Hmar hme intem sin dinga hung hi mi 500 chuonglai zet an tling a nih.

HSA Shillong Freshers Meet 2013 hlawtling taka hmang

Shillong, 31st August 2013: Vawisun khan Hmar Students’ Association (HSA), Joint Headquarters, Shillong chun 56th Freshers’ Meet-cum-Annual Conference 2013 chu Don Bosco Technical Hall, Laitumkhrah, Shillong hmunah hlawtling takin an hmang.

Pu Ngamrothang Hmar, Chairman, North Cachar Hills Autonomous Council (NCHAC), Dima Hasao, Assam chu Chief Guest a hmang a ni a, Guest of Honour in Pu John K. Gangte, Income Tax Officer, Govt. of India, Guwahati hmang a nih.

HSA General Headquarters thuoitu Pu Lalthlamuana Hmar, President, Tv. Simon L Infimate, Asst. Gen.Secy., Ms Mawii Darngawn, Finance Secretary hai’n an hung uop mawi bawk a nih. Shillong sunga Hnam organisation le student organization dang dang a’nthawka an thuoitu hai khawm an thang ve nih.

Hi hun (Programme) hi session pahni a ṭhe a ni a. Hun khatna a hmasa tieng hin Tv. Vanlalmuon Pakhuongte, President, HSA Shillong chun lawmlutna thucha hrilna a nei bak ah Tv. Joel Zodinglien Hrangate,Secretary, HSA Shillong in khuollien hai le mi pawimaw zuol hai inhmelhrietna hun a hmang bawk a nih.

Hi hun a hin Rev. Lalnghatlien Songate, Senior Adviser keihruoina in Term 2013-2015 sunga thuoitu dinga thlang haiin Oath-Taking an nei bawk a nih. Thuoitu thar hai chu;

President: Tv. Brando H Keivom
Vice President: Tv. VK Pangamte
Gen.Secretary: Tv. Ezra Lalramsan Darngawn
Asst. Gen.Secy: Nk. Mary Jones Lalhmunsiem
Finance: Nk. Julia Remthangpui
Treasurer: Nk. Elish Pachuau

Freshers hai introduction nei a ni a, Freshers introduction thaw po hi mi 52 an tling a, hi zo a hin Freshers hai ta dinga tawngtai pekna Rev. Varsanglur in a nei zawm nghal a nih.

Hi hun a hin inchukna tienga thawtha zuol mi 30 hai kuoma chawimawina thil pek inhlan a nih.

Chief Guest chawimawina thil pek inhlan a ni zova Chief Guest a’nthawk’n thu ngaithlak a ni a, ei Hnam politics ngirhmun, hnam ta dinga student hai pawimaw zie le infuina thucha tha tak tak ngaithlak a nih.

Hun khatna tawp tieng hin Mr. & Miss Freshers thlangna nei a ni a Mr. Freshers dingin Tv. Ramnghawrlien of UCC & Miss Freshers dingin Nk. Songthiengpui Songate of Women’s College hai thlang an nih.

Hun hnina (Session) hi ruoi the zo char’n tan nawk nghal a ni a, hi hun a hin Freshers hai aiaw a thuhrilna hun tawi Tv. Immanuel Ramnghawrlien a’nthawk ngaithlak a ni bak ah Guest of Honour a’nthawk’n thu tha tak tak ngaithlak a ni bawk.

Hi bak a hin Mr. HSA le Miss HSA thlangna nei a ni a, Mr. HSA dingin Tv. Vanlalenglien le Miss HSA dingin Nk. Elery Sungte hai thlangtling an nih. Mr le Miss HSA hi a hrana in contest um lovin mipui in HSA sunga mi fel le entawk thlaka an ngai hai an tlang hlak a nih. Mr.

Rimawi tieng pang khawm a hlawtling hle. Sinlung Documentary a thang, hmeltha bawk rawl nal bawk Nk. Rosy Vanlalhlani Pautu le Singlung Rockstar Pu Laltuoklien Hmar (Pistol Puokruk) haiin mipui an inawi hne hle a, anni hai bak a hin Shillong Hmar nau hlasakthiem haia inthawk in hla mawi tak tak ngai a nih.

Fashion parade, cultural dance, tulai lam le item chidang dang hai suklangna hun nei ani bawk.

Hi programme hi hlawtling taka hmang a ni a, hi hun hi ditkhawplo tak pum a suktawp a nih.

NEHU PG Results suoka Hmar mi top 10 ah.

[caption id="attachment_9704" align="alignleft" width="400"] Deborah & Marina[/caption]

Shillong: North-Eastern Hill University (NEHU) hnuoia Post Graduate results thenkhat (Department) puong a nia, tuchena results puonga um taa HSA members hai anla thaw tha pei, Top 10 a thang phak khawm pahni zet an um tah. HSA Joint Hqrs, Shillong a Secretary, Socio & Culture sin chellai Nk.Deborah Darlienmawi D/o Buongneikung Buongpui, Shillong chun M.A (Sociology) 1st Class, 2nd Position in a zova chun HSA NEHU Unit a Treasurer nilai mek Nk. Merina Melissa Infimate D/o Rev.Fimthasang, Imphal chun M.A. (Linguistics) ah 1st Class, 2nd Position in a zo ve. Department dang results puong lova um hai khawm an puong vat beisei a nih. Hlawtlingna changhai ei lawmpui takzet!

HSA Shillong Freshers Meet 2012 hlawtling taka hmang a nih.

Shillong, Sept.1, 2012: Vawisun khan Hmar Students’ Association (HSA), Joint Headquarters, Shillong chun 55th Freshers’ Meet-cum-Annual Conference 2012 chu Don Bosco Technical Hall, Shillong hmunah hlawtling taka hmang a nih.

Pu Thanghlun Hmar, IRS, Assistant Commissioner of Income Tax, Goverment of India chu Chief Guest a hmang ania, Guest of Honour in Rev. Dr. J. Huoplien Neitham,Chairman, NEICC & Former President, EFCI le Functional President in Rev. Van Lalnghakthang, Manager, Capacity Building & Human Resource NEICORD ha hmang an nih. Chun HSA, General Headquarters President le thuoitu iemanizat le Guwahati a inthawk'n Guwahati Hmar Welfare thuoitu hai'n an hung uop mawi bawk a nih. Hi hai baka hin Shillong sunga Hnam organisation le student organisation dang dang a inthawkin mi thahnem tawktak an hung thang ve.

Tulai Shillong ruotui tieng malsawmna a dawng that laitak ani leiin Programme hi ahun taka tan thei ani nawa chu mipui 500 vel inlengna ding Hall chu an bip mur tho a nih.

Shillong HSA Joint Headquarters hnuoia unit reports hai ngaitlak na hun nei ani baka Guest hai anthawkin students hai ta dinga in fuina thucha le ngainuom um tak tak hai ngaithlak ani bawka anih.

Rimawi tieng pang khawm a hlawtling hle. Shillong le Guwahtai a Hmar hlasak thiem inlar tak tak haiin hi hun ahin mipui hai an inawi hne hle. kum tina nei hlak angin HSA Mr & Miss Freshers tlangna nei ania, Mr. Freshers' dingin Tv. Denis of St.Edmund's College le Miss Frehers' dingin Nk. Ramneivar of Lady Keane College hai thlangtling an nih. Hi baka hin Mr.HSA le Miss HSA thlangna nei ania, Mr le Miss HSA hi a hrana in contest um lovin mipui in HSA sunga mi fel le entawk thlaka an ngai hai an tlang hlak a nih, Mr. HSA dingin Tv.H. Buonsanglien Inbuon, Miss HSA dingin Nk.Eunice L Neitham hai thlangtling an nih. Fashion parade, cultural dance,tulai lam le item chidang dang hai suklangna hun nei ani bawk.

Ruotui ti lo chu buoina um lovin programme hi a hlawtling hlea, programme hmang zovin ruoi thena le jam session hai nei nih.

Thlalak en nuom hai chun hi hin enthei:  http://virthli.com/2012/hsa-shillong-freshers-meet-2012-pics/

 

HSA Shillong Fresher’s Orientation nei a nih

Shillong, 26 Sept.2012: Kum tina HSA Jt.Hqrs., Shillong in alo huoihawt hlak Fresher’s Orientation chu EFCI Centenary Hall, Demthring hmun-ah nei a nih. Hi hun ahin students hmun dang dang anthawka Shillonga inchuk dinga hung hai lawmlutna le inhmelhrietna hun hai nei a nih.

HSA Jt. Hqrs., Shillong thuoitu le Advisers-hai a’nthawkin Shillonga student inenkawldan, khawtlang inthuoidan, studenthai mawphurna le infuina thucha tha tak tak ngaitlak a nih.

Fresher’s introduction-na hun nei a nia, student mi 30 chuong laizet introduction thaw an um. Fresher’s Meet hunah hi neka tam an thang beisei ala nih.

Hi hun ahin karliem taa Sports neina-a hratna changhai kuoma lawmman semna hun nei a ni bawk a nih.

HSA Jt.Hqrs., Shillong hin Fresher’s cum Annual Conference- 1^st September, 2012 khin hmang dingin nasa takin an insingsa mek a nih.

Thlalak en nuom hai chun hi link ahin en thei a nih:http://virthli.com/2012/hsa-shillong-freshers-orientation-photos/

HSA Shillong Fresher’s Orientation Photos

Ahmun: EFCI Centenary Hall, Shillong
Ahun: 26/08/12


From HSA Shillong Fresher's Orientation 2012, posted by Simon L Infimate on 8/26/2012 (45 items)

Generated by Facebook Photo Fetcher