ICI CKṬP 39th General Conference Day-2 le zân thumna

Ngurte, February 25, 2023, Virthli (ONP): Independent Church of India Kristien Ṭhalai Pawl General Conference a vawi 39-na, Ngurte, CCpur-a hmanga um mêk chu February 25, 2023 khan sûn le zân hunah hunser hmang nawk a nih. Sûn inkhâwm hunser a hin Rev. Rorelfel, Child Co-ordinator ICI  a'nthawkin Pathien thucha ngaithlâk a ni a, ICI Central Choir le Rev. Thangngur Music Awardee han inpâkna hla a'n inhlan. Chawhnung inkhâwm ah Solo Competition- Rev. Thangngur Music Award 2023 ruond thumna nei a ni a, Presbytery/City Church a KṬP han Hlapawlpui ah Inruolsiekna (Buonglienkung Choral Award) an nei. Hi huna hin Manipur Mission Field han skits/drama/short play ennuom um tak tak el an pholang a, Arunachal Mission Field hai khawma choreography hmunuom um tak el an pholang.

Zân inkhâwm hunah Rev. H.P. Runremthang, EAL ICI a'nthawkin Pathien thucha ropuitak el ngaithlak a nih a, NPT Central Choir, ICI Central Choir le Rev. Thangngur Music Awardee han inpâkna an inhlân a. Zân inkhâwm ṭin in Hla Ruoi ṭhe a ni a, hun hlimum tak el hmang a nih.