Responsive Ad Slot

"Hmar Holy Bible" Golden Jubilee Edition Writing Competition-2019 lawmman semna le "Hmar Pulpit Bible" tlangzarna hun hmang

Monday, September 6, 2021

/ Published by VIRTHLI
Rengkai, September 6, 2021, Virthli (ONP): Hmar Christian Leaders' Forum (HCLF) Sub Committee-in a buotsai Holy Bible Golden Jubilee Editon Writing Competition 2019 chu vawisun dar 11:00 AM khan Rengkai ICI Biekin ah lawmman semna nei a nih. Hmar Bible Translation Committee (HBTC)-in a buotsai Hmar Pulpit Bible khawm tlangzarna le inhlanna nei a nih.


Hmar Christian Leaders Forum-in kut ngeia Hmar Holy Bible Golden Jubillee Edition ziek suok inruolsiekna a buotsai lawmmna semna hun hi Rev. Alan Ṭhiek, Assistant Secretary, Organizing Committee-in a keihruoi a. Worship Team-a inthawka Praise and Worship hmang a ni zoin Rev. Rokhum Zote-in Invocation hun a hmang a. Dr. Chaltonlien Amo, MLA-in Introductory Speech pein Rev Dr. V. Lalnghakthang, Secretary, Organizing Committee-in lawmman semna hun a hmang a, Rev Dr. J.L Songate, Vice Chairman, Hmar Christian Leader's Forum-in lawmman latu hai ta dinga ṭawngṭaipekna a nei.


Kut ngeia Bible ziek suok inelna a lawmman pakhatna latu- Sungrokim, Rengkai Vengthlang-in sumfai cheng singthum a dawng a. Pahnina Mrs. Lalrawngbawl, Delhi-in sumfai cheng singhni sangnga a dawng a, Pathumna Maryjone Lalá¹­hangpui-in sumfai cheng singhni a dawng ve. Bible ziek suoka inelnaa hin mi 24 an á¹­hang a, inruolsieknaa á¹­hang hrim hrim mi 21 hai khawm consolation prize sumfai cheng singkhat sengin inhlan an nih.


Hieng lawmman hai hi Dr. Chaltonlien Amo, Convener, Organizing Committee le a nuhmei Pi Lalramsang Amo haiin an tum a ni a, kum nga lai liem tah a Hmar khuo um na ta phawt a Kohran tin a Hmar Pulpit Bible sie ding tia hmathlir le thil tum tha tak an nei, a tak ngeia thaw theia an um chu lawm um an tiin Pathien zar ani thu an hril. Kum 1946 khan Dr. Thanglung le Compounder K. Luoia han Silchar-a inthawkin Lawngin Hmar New Testament an hung tawl tung a, Patpuihmun mipuiin Patpuihmun kaiah an lo hmuok a. Kum 1944 khan Indopui II-na leiin NEIG Mission Headquarters chu Patpuihmun-ah sawn a ni a. Hmar New Testament lawmna hi NEIG Mission Headquarters Biekin ah nei a nih. Pulpit-a Hmar New Testament Bible thar pakhat chu Pulpit ah an sieh a, Inkhawm țhuoitu'n "Pu DR Țhuoma, Patpuihmun Lal-in Hmar New Testament hi a tiem hmasa tak ding a nih a ti a, Pu DR Țhuoma in Hmar Țawng New Testament Pulpit-a um chu a hei phawka, Matthai 5:13-16 na ''Hnuoi Machi in nih'', ti a tiem. Pu DR Țhuoma hi Hmar New Testament tiem hmasa tak a nih. Chuong ang bawkin vawisun hunser hmangna a hin a naupa Dr. Chaltolien Amo hi Hmar Pulpit Bible tiem hmasa tak tu niin Sam 116: 1-14 na a tiem a nih.



Hi huna hin ICI Central Choir haiin inpakna hla pawl hring tak tak el an rem a. Rev. Ros Infimate, Chairman, Hmar Bible Translation Committee (HBTC)-in Hmar Pulpit Bible tlangzarna le inhlanna a nei. Rev. H.B Hluothang, Secretary, HBTC, Rev. Jonathan Pudaite, Principal, Trinity College & Seminary le Rev H. Chungthang Ṭhiek, Former Secretary, EFI-NEI haiin Bible tlangzara um chungchang hrilna hun an hmang zoin Dr. Chaltonlien Amo, Convener, Organizing Committee-in Hmar Pulpit Bible hi a bul ṭanna dingin Churachandpur le Imphal phairuoma kohran tin hai kuoma le Hmar Kohran in Bible College ei nei hai kuomah pek dawkna hun a hmang . A hma tiemin Hmar chengna khuo Kohran tin a hai Pulpit Bible hi sem pei a ni ding thu Dr. Amo chun a hril. Rev Dr. Lalhmuoklien, Chairman, Organizing Committee-in lawmthu a hril zoin Rev. Lalsandam Songate-in ṭawngṭaina a nei a, hun suktawp a nih.
Don't Miss
© all rights reserved
made with by Simon L Infimate