Responsive Ad Slot

CACHAR HMAR AUTONOMOUS COUNCIL STATE ACT THUAH ASSAM CHIEF MINISTER LEH INBIEKNA NEI

Friday, September 10, 2021

/ Published by VIRTHLI
Guwahati, September, 10, 2021, Virthli(ONP): Barak Valley, Assam rama Hmar hnam ṭhuoitu HNU, Assam le Hmar Inpui Barak Valley Region ṭhuoitu haiin vawizan 8:00PM khan Dr. Himanta Biswa Sarma, Chief Minister, Assam chu Cachar Hmar Autonomous Council, State Act chungthuah inbiekpuina an nei.
Dr. Himanta Biswa Sarma, Chief Minister, Assam in Assam Assembly election vote zawng laia Pailapool field a March 28, 2021 a, a thu hrilnaah, “BJP in sawrkarna kan siem a nih chun Cachar Hmar Autonomous Council State Act Hmar hai ta dingin ngaituo ni’ng a tih” a ti kha bawizui a nih a. A thu tiem ang ngeiin Assam Chief Minister hi a lo inhawng hle a. Hi inbiekna huna hin HPCD (Cachar) haiin Cachar Hmar Autonomous Council State Act an hnina memorandum pek nghal a nih a. Inbiekna hi minute 45 sung nei a nih a, Cachar a Hma hai ngirhmun le an harsatna hai hril a nih. Cachar Hmar Autonomous Council Sate Act pek a ni ngei theina dingin Chief Minister hin a thei ang tawka lampui dappui dingin a hril.

Inbiekna a palai hai chu: 1).Pu James Lalnunsang, Assistant Secretary, Hmar Inpui Barak Region. 2. Pu Bula Hmar, Adviser, Hmar Inpui Barak Region. 3. Tv. J. Faihriem, Delegate. 4. Dr.Vanlallien Pulamte, President, Hmar National Union, Assam, hai an nih.

Inbiekna tan a ni ding hin thuhmathuoi le palaihai inhmelhrietna Pu James Lalnunsang, Assistant Secretary, Hmar Inpui Barak Region in a nei zovin spokesperson Dr.Vanlallien Pulamte, President, HNU, Assam in chipchiertakin Cachar a Hmarhai harsatna a hril a. British hun laia British sawrkarin Cachar a Hmar hai inhumhimna dinga Jhumland Permit a pek hi, dan lova Bangladesh a inthawka hung lut hai dangna dingin Hmar hai Autonomous Council State Act pek a pawimaw zie thu a hril a. Deori hnam le Missing hnam hai Assam sawrkarin Autonomous Council State Act hnuoia a pek angin Hmar hai pek ni ve ngei hai sien tia an hril chu Chief Minister chun “Peng ka cheu” tiin a hril. 

India ramin British sawrkar laka inthawka zalenna a hmu tir laia Bordoloi Commission a Barak Valley a Hmar haiin Assam ram ta dinga an hmalakna hai an hril chun Chief Minister-in a ngainuom hle leiin zieka pe dingin a hril. 
Inbiek nawkna hi nei nawk vat dingin Chief Minister hin a hril a. Cachar a Hmar khuo 76 hai Kanthuom a inthawka Hmarkhawmawi chenin an chanchin chipchiertakin hril a nih a, vawisun chen hin Hmar khuo thenkhat hai kea lawn a fena tam tak a um thu le tienlai (primitive society) ngirhmun anga la um anni thu hril sa bawk a nih. “Deori hnam mihriem 27441 vel chau hai hman Autonomous Council State Act hnuoia in pek a iengleiin am Cachar a Hmar hai anni neka tam lem pe naw thei bik in ta” tia a hril chu Chief Minister in dawnin Cachar a Hmar hai hi Autonomous Council State Act hnuoia mi hi pe ve ngei kan cheu a tih a. Inbiekna hi nei nawk vat a ni ding thu Chief Minister in a hril zovin inbiekna suktawp a nih.
Don't Miss
© all rights reserved
made with by Simon L Infimate