Responsive Ad Slot

NCHISF Țhuoitu haiin Assam Cabinet Minister hai baka Assam a mi pawimaw tak tak an inhmupui

Saturday, July 10, 2021

/ Published by VIRTHLI
Haflong,  July 10 2021, Virthli (ONP): NC Hills Indigenous Students Forum (NCHISF) Țhuoitu hai chu liemtah 7 July a’nthawk khan Guwahati a Assam a mi pawimaw tak tak hai Inhmupuina an nei.

Pu Pijush Hazarika, Assam Cabinet Minister ama hi Deputy CM ang hiel a ngai thei, a Office Chamber ngeiah ISF Palai hai leh inbiekna an nei Hi huna hin IPF Demand le IPF huomsunga hnam haiin harsatna an tuok hai bakah an elected MACs hai ngaisak an ni nawzie hai thu an hrilpui. 
Chun, Pu Sarbananda Sonowal Assam CM a ni hun laia ISF in hnina a lo pêk Mini-Stadium thuah, Covid-19 hrilêng leia sukpuitling thei loa um chu tuta țum sukpuitling ngei dingin an hrilpuina chu kum thar Assam Budget thar a thun ani ngei ding thu Pu Pijush hin a hril bawka, ISF hnuoia Hnam tina Student Țhuoitu hai leh an hmatieng inbiek tlangna nei dinga rawt ani a, ISF hai chu lo inrawn tlâng dingin a hril.

Pu Parimal Suklabaidya, Assam Forest Minister chu a Official Residence ah ISF Palai hai hin inbiekpuina an neia, Pu Parimal Suklabaidya hi Assam Governor in IPF  DEMAND le inzawma 3 Members Committee an din na a Chairman a nih. IPF demand thu hi tuhin chu Pu Himanta, CM thu ani ta a ama in a hung sukfel vat dinga beisei ani thu ISF palai hai kuoma a hrilpêk.

Pu Alok Kumar,  Regional Officer, NHAI Northeast Region chun a fielna angin ama Chairman na hnuoia Regional Office Guwahati a inbiekna an nei bawka, hi huna hin a hnuoia ang hin thutlûkna an siem.

1. NH-54E Nrimbanglo Tunnel to Mahur Railway station Tunnel bridge chen siem lo a la um po chu Blacktopping thaw dinga ti a nih.

2. NH 54E Road siema um tah,  Mahur to Jatinga le Jatinga to Miyungkro inkara a sietna hai popo siemțhat ding.

3. S Curve a lam sietna hai siemțhat ding.

4. Sawrkar in Pawisa sanction tasa NH-54E Package No.AS-21 siemzo lo a um Miyungkro-Harangajao chu Blacktopping,  Drain le Culvert hai siem ding.

5. NHAI sinthawna leia In le Ram suksiet a um hai țhangpuina pek ding.

6. Mahur Town bridge Concrete bridge a siem dinga lo um ta chu, PWD Department haiin PMGSY hnuoi a siem dinga an hril chu alo remchang naw pal ani chun NHAI haiin an siem ding a nih.

AASU office Swahid Bhawan Guwahati ah ASSU țhuoitu hai leh hohlim tlângna an neia,  hi tak a hin hmalâk tlâng pei dan ding hai an hril, chun Assam Government in 01/07/21 a Notification a lo insuo Clause 5 chu withdraw na dinga an hmalâkna chu ISF in an pâk in an tlawp hle zie thu an hrilpek bawka,  ISF palai hai chun AASU thuoitu hai chu NC Hills hung kan dinga an fielna chu remchâng hmasataka an hung nuom thu an hril bawk.

Pu Nilay Dutta, Advocate General of Arunachal Pradesh le Senior Advocate Supreme Court a Chamber ah Pu Dr. Samujal Bhattacharya, Chief Adviser, AASU le ISF palai hai inbiek tlangna an neia,  hi huna hin Pu Nilay Dutta hin ISF Țhuoitu hai chu sawrkar tienga inthawk thil pawimaw tak ngaituo le thaw dinga mawphurna an pekna a hin ISF palaihai kuoma țhangpui dinga a ngenna chu ISF thuoituhai an in pei zing thu an hril bawk. ISF hai chun Assam Sawrkar in N C Hills hming Dima Hasao an thleng lai khan Appointment hrim hrim hi population ratio a pek dinga ti chu Dierkei haiin za a za deu thaw an lâkna thu hai an hril pui bawk, a țul ang anga hma la tlâng dingin an hril.
Don't Miss
© all rights reserved
made with by Simon L Infimate