JIRIBAM JOINT HMAR CSO THUPUONG
7/11/2020
Tarik 3/11/2020 (Nilaini) khan Chairman, Hmar Inpui Co-ordinating Committee Jiribam chu Hmar National Army letter head hmangin tangka nuoi nga (5 lacs) demand a nih a. Hi demand letter hi Secretary Defense ni a insâl, M Keivawm chu signatory a nih. Hi baka hin contact number pakhat ziekkai sa bawk a nih. Jiribam sunga hnam thuoitu pakhat hienga demand an hung thaw hi Jiribam sunga Hmar Civil Society Organisation hai chun kan ngaikhâwk em leiin hi chungchang hi kan suizui nghal a nih. Demand letter a contact number peka um chu call nghal a ni a. Mr. Singthanglien a.k.a Singa S/o- Pakhup Tuisenphai village, chun phone a lo lak hlau el a. Demand letter chunchang hi indawn nghal a ni a. Hi thil a hin an hnamhnawinaw a, lekha thaktu mei mei niin a'n hril hlip a. Chuphing chun vawisun tarik 7/11/2020 dar 12 hin Zairawn khuoa hung inhrilfie dingin ko a ni a. Hung mêka a'n hril zing lai chun a phone hi 'switch off' in phone tlangthei loin a um ta tlat a nih. Zantieng dar 3 chen nghak a ni hnungin a hmel le thla hmu ding a um ta naw a. Hienga Jiribam CSO thuoitu hai hi inzalo taka a namnul hi inhmusitnaa ngai a nih. Ko a nina hmuna a hung inlang naw leiin Mr. Singthanglien hi inghnamhnawina a nei ngei a nih ti a sukchieng a nih.
Chuleiin, Jiribam Hmar CSO chun an chungthu hi suizui pei dingin hma a lak zing a nih. Jiribam biel sunga Khawtin Village Authority le Val upa haiin a chunga hming zieklanga um hi a lo hmu le hrie ei um chun a'n rangthei anga Jiribam CSO hai kuoma inhriettirna pe dinga inhriettir ei nih.
Hiengang thil reng reng hi Jiribam biel sunga um nawk ta ngai naw sien kan nuom.
Sd/-
(Lalramnghak Hmar)
President
H.N.U Block no. 6
Sd/-
(Robert Gangte)
President
HSA Jiribam Jhq
Sd/-
(Vanlalzova Sailo)
President
HYA Jiribam Jhq
