Responsive Ad Slot

Sakawrdai a thiltlung le inzawmin Mizoram a HSA JHQ han thusuok an siem

Friday, October 30, 2020

/ Published by Simon L Infimate

 Aizawl/Tuițhaphai, October 30, 2020 Virthli(ONP): Liemtah October 26, 2020 a Ratu le Sakawrdai inkara Sakawrdai nunghak lakah Mizoram doctor mawi lo taka a chetna le inzawmin, Mizoram sunga HSA Jt. Hqrs pathum hai chun an demna thu puongin a hnuoia ang hin Joint Press Release an insuo:

(Press Release hi Mizoram newspaper haia insuo dinga Mizo țawnga insuo a ni a, Hmar version a um hran naw leiin a ni ang anga hung insuo a nih)

--------------------------------------------

JOINT PRESS RELEASE

Date: 29th October, 2020


Ni 26, Khuangchawithla, 2020 (Thawhṭanni) zana, Ratu leh Sakawrdai inkara thil thleng, Sakawrdai nula laka Dr. JH Vanlalnunmawia S/o JH Vanlalnela, Ramhlun North, Aizawl chet dan tenawm tak, mawi lo taka hmeichhe awmnem zawk diriama  thah hiala vau a khawihchhiat a tum leh rûi chung a motor a khalh hi kei ni Mizoram a Hmar Students Association(HSA) Joint Headquarters 3- HSA, Sinlung Hills Joint Headquarters; HSA, Joint Headquarters, Aizawl leh HSA Joint Headquarters, Kolasib te chuan pawi kan tiin kan dem takzet a, thilsual ti tu Dr. JH. Vanlalnunmawia hi a phu tawk hremna pe ngei turin thuneitute kan phut a ni.


October ni 26, 2020 zan khan kan zirlaipui, Sakawrdai nula, JERACOM hnuaia Peer Educator hna chelhlai mek chu a thiannu nen Darlawn a tangin Sakawrdai lam panin Dr. JH Vanlalnunmawia car ah an chuang haw a, a thiannu hian Ratu-ah a chhuk san hnu ah  Dr. JH Vanlalnunmawia hian Sakawrdai nula hi khuaikhem tumin car kawngkhar te kalh (lock) in, zu te hrairuih a tum a, thahah a vau bawk a ni. Nula hian a duh loh thu a sawi bak ah a tan tlat a vangin Vanlalnunmawia hian kawng thlangah a tlanliam puia, mahse a vannei a siamin an him ta hram a ni. 


October ni 27, 2020 khan victim chhungte hian Sakawrdai police station ah FIR thelutin Dr. JH Vanlalnunmawia lakah cases- 354/336/341/506 IPC r/w 6(3) MLP Act ziahlut a ni a, tunah hian attempt to murder case (307 IPC) ziahlut tum leh mek a ni.


Chu mai duh tawk lovin, Dr. JH Vanlalnunmawia hian ṭawngkam mawilo tak tak chhakchhuak in, Hnam inhmuhsitna leh diriamna ṭawngkam hial a chhakchhuak phei hi chu nâ kan tiin, pawi kan ti tak zet a.


HSA hian zofate inpumkhatna turin kan thawhpui MZP, MSU leh hnampual zirlai pawl dangte nen theih tawp chhuaha hma kan lak mek laia hetiang hnam bil inhmusitna ṭawngkam mawilo tak hmanga Hmar hnam min diriam hi kan la thutak hle a, ngaihdam a dil ngei kan phut bawk a ni. 


Ngaihdam dil lova kut thlâwn a tuar emaw, Hnam inhmuhsitna kaihhnawih case register a nih chuan, a ma chochhuah liau liau a ni ang a, HSA in mawh a phur lovang.


Hmeichhia laka mawilo taka chê a, nunna hial chan thei dinhmuna dintirtu leh, Hnam anga inhmuhsitna ṭawngkam chhakchhuaktu Dr. JH. Vanlalnunmawia hi man mai duhtawk lova ana thei ang bera hremna pe ngei turin sawkar thuneihtute kan phut bawk a ni.


Sd/- 

Lalthlirlien Hmar 

General Secretary, HSA, Sinlung Hills Joint Headquarters


Sd/-

Jonathan Lalremsiama

General Secretary, HSA, Joint Headquarters, Aizawl


Sd/- 

Vanrotha Zote

General Secretary, HSA, Joint Headquarters, Kolasib



Don't Miss
© all rights reserved
made with by Simon L Infimate