Responsive Ad Slot

Pherzawl District Qurantine Centre ah ruoi ropuitaka the

Wednesday, June 3, 2020

/ Posted by Simon L Infimate
Tuithaphai, June 3, 2020, Virthli (ONP): Tipaimukh MLA le PAC Chairman- Dr. Chaltonlien Amo in Pentecost Sunday hunser a hmangpui huna a lo intiemna angin vawisun June 2, 2020 khan Pherzawl Quarantine Centre ah ke pali nei that meuin ruoi ropuitakin the a nih. Hi huna hin Parbung SDO Staff mi inpe zo tak tak haiin fak le dawn iengkim an buotsaia, Tipaimukh MLA Dr. Amo in a ngaipawimaw em em Manipur state puotienga inthawka ei unauhai a hung hai fak ding tia Vawk chal Cheng 25,000/- manhu ding le vawk sa hme theilo hai fak ding Ar sa sangtel man hmangin Pherzawl Quarantine Centre, EnGedi Camp & Retreat Centre, Geljang-a um mek haiin hlim tlang takin ruoi an kiltlang.

Hi huna hin Tv. Zawlsiemlien Khawzawl@ Zawla Khawzawl, Social Worker khawma a theitawp suoin thangpuina sin a hang thaw ve.

Hi QC a um hai chun Tipaimukh MLA Dr. Chaltonlien Amo kuomah hieng ang hin lawmthu an hril.

"Pu, Kei ni pherzawl Dist., Geljang Quarantine Centre a um mek haiin thil tamtak ah:  tui, fak le dawn chungthuah imi enkaina kawngah lawm um kan ti em em a. Kan harsatna hai imi hriet pek in,   fak le dawn el khel ah , kan mamaw tamtak hai imi ngaiven vat vat lei le imi baw zuina chungthuah kan lung a awi tawkin kan lawm tak zet a nih.

Chu khelah , kan beisei phaklo le kan inring phak lo, English  Bible kan changkip seng 200 le vawksa inkhatap imi hung  khilai bawk , an hnik kan ti in kan lung a awi tawk hle anih.  A thau khawm khawp àwr a, luoksuok rak kawpa  kan hme ding imi pek a, kan phinghmul inkhàt rakin kan fak a, kan lawm in kan hlim tlàng hle anih.

District/ Biel danghai leh kan in tekhi  chun vangnei kan inti bik hle, asanchu imi enkaina ang hin Dist/biel danghai chanchin kan hrietin an MLA haiin an enkai ve naw a, vangnei kan inti a , hiengang MLA bengvar le mi ngaiven vat vat thei le inpe zo kan nei hi, kan lawmna lungril hlim ziet hi, hi thu ziek chau niloin kan lungril hai mi hmu thlang thei pek la kan nuom ngei!


Thil tin reng mi petu ei Patheinin i damsung nihai keisei sien, hnuoi mihai chunga malsawmna  dawng dinga a tiem hai po po i chungah tlung mawl rawh  seh!" tiin QC a um hai chun an ditsakna thu Dr. Amo kuomah an inhlan.

Dr. Amo in chu hnam kha hman thlier bik um lova Pherzawl QC-a um mek hai ang khat vawnga a enkawlna chungthuah  Thanlon A/C le Tipaimukh A/C a mipui QC a um mek haiin Vrithli fethlengin an lawmthu an hril.
Don't Miss
© all rights reserved
made with by Simon L Infimate