Responsive Ad Slot

Juanita Zoparmawi ~ Lalpa chu zui pei ka tih

Friday, May 8, 2020

/ Published by Simon L Infimate
Hla hming - Lalpa chu zui pei ka tih
Hlasaktu - Nk. Juanita Zoparmawi
Hla le thlûk siemtu - Tv. Hrilchunghnung Buongpui
Phuok hun - 2nd March, 2020
Producers - Rachael Lalhmingsuong Buongpui & Betsy Zarzokim Buongpui
Music - Zaia
Recording - Green Studio
Videography - Creative Cine-Sys

Released on - 7th May, 2020 at 7 PM

Hi hla phuok a hung nidan tlangpui:
Hi hla hi Pathien kuomah a thar taka Ama zui le bêltlat dinga a phuoktu (hla siemtu) an pumpêkna hla a nih. Harsatna le beidawngna a hei tuok tak tak chu sûng le kuo, ruol le pai haiin an lo hnêm zo tak tak ngai naw zie a hung hmusuokin a hung hmuchienga, a lungngaiin inngaisiet châng khawm a nei hlak. Amiruokchu, Pathien chun a lunginsietin a thlathlam ngai naw a, a lungngainahai a thlamuonin a hnêm hlak a, mihaiin ienga an ngai naw lai khawmin a'n zapui ve ngai si naw a. Felna le tlinna hrim neilo, a suolna le a tirdakumna hai popo sâwpfai pekin Isu Krista thisena intlana a um chu ropui a ti êm leiin ieng ang ngirhmun a khawm um sienla, ieng ang lampui khawm lo hraw sienla, Ama, Pathien chauh chu bêlin lungawitakin a zui pei ding thu hrili le puongsuokin hi hla hi a hung siemsuok tah a nih.

Pathien-in malsawm raw seh!




LALPA CHU ZUI PEI KA TIH

1. Ka lampui tin-ah Lalpa chu zui tlat ka tih,
Harsatna le rinum beidawngna kârah khawm;
Bêltlâk Ama ang hrim ka hmu zo si nawh a,
Lungawitakin Ama bêl in zui pei ka tih.

Thunawn:
Thlamuontu Isu nunnêm nang ka ngai tak che,
Thlathlam loa chela I mi enkawl zing hi;
A ropui in kei di’n a va hlu ngei de aw!
Ka theitâwpin I hnung zui pei lem tang ka tih.

2. Mihai hrietphâklo le mimâwl el ni lang khawm,
I mi hriet in I min zapui ngai si nawh a;
Ka felna khawm puonṭiek tirdakum tak ang chau,
Mi sukthiengin I thisen in I min tlan hi.

3. Hamṭhatna hrilsêngruollo I min hlân el hi,
Tlinna le tlâkna hrim ka nei nawh ie Lalpa;
Mi depde le hel hmang I mi keitho zing hlak,
I lunginsietna hi a va ropui de aw!

YouTube Link: https://youtu.be/0kKK8WpwYBI
Don't Miss
© all rights reserved
made with by Simon L Infimate