Responsive Ad Slot

RAILWAY COMPENSATION 4.58 Cr. SANCTION A NI TAH

Wednesday, April 1, 2020

/ Posted by Simon L Infimate
 Haflong, 1 April 2020, Virthli (ONP): Mipui ngênna le Mipui harsatna hai en in NC Hills Student Forum chun hunsawttak a'nthawk khan Railway Compensation thu a hma a lo lâkna chu zani khan a sum hi DC office Ac. a lût ta in, tuhin Revenue a'nthawk mimal Ac. a lût vat ta dinga beisei a nih.
Ei hrietseng ta angin tuta ṭuma compensation hmuna le inzawm hin Railway Blockade vawitam Lo thaw a ni ta a, Central tienga thuneitu le Assam Chief Minister huoihawtna hnuoia khawm vêl tam hril a inṭhung thlâng a lo ni tah, Railway line construction thaw ding hin ram an pawimaw ang chu compensation pê a sinthaw ni hai sienkhawm, an sinthaw na lei a suksiet tamtak a uma, hieng ram le huon suksieta um hai hi Land Development Fund pê dinga NCHISF in Railway kuoma a lo ngênna chu mi tamtak beiseina bo hnunga zani lai thu lawmum tak hung tlung hi Mr. David Keivom President NCHISF, chun ''Pathien in ei pawimaw ei ṭam lai taka mana a mihung pêk a nih'' a ti nghe nghe.


Hi thu le inzawm hin DC le SP tamtak lo insawn kuol ta le hma lo la puitu hai po po chunga Mr. Keivom hin lawmthu a hril bawk, chun Assam Chief Minister, Chief Secretary, Home Commissioner hai bâka tuta DC ni lai zing Pu Amitabh Rajkhowa ACS, le SP, chun Pu Jidung ADC, Revenue Dept. le a bîkin NF Railway hai kuoma khawm lawmthu a hril bawk.

Chun tulai Lockdown le inzawm hin DC kuoma memorandum NCHISF hin a pêk, hieng a hnuoia ang hin point tlawmte suklang eiti.

1. Student inchûklai in bhara um le nitin inhlawfa a bîkin tlangram tieng a um le town hnaia um hai ta dinga a ṭul anga ṭhangpuina pê ngei dingin.

2. Khawtin Medical Check-up a thlawn a huoihawt dinga ngênna a bîkin nuhmei naupai lai hai ta ding.
3. Mi harsa zuol hai ta dinga Gas a thlawna sem dinga ngênna.
4. Khawpui hung lût theilo hai ta dinga in hmuna an mamaw ang sum anlo kei dawk el theina dingin Mobile ATM buotsai dingin ngênna an siem sa bawk.
Lockdown le inzawma mipui tui tienga harsa tamtak hai chu a thlawn in tui NCHISF hin a an sem bawk.
Don't Miss
© all rights reserved
made with by Simon L Infimate