Rengkai, February 29,2020, Virthli (ONP): Hung tlung ding March 23, 2020 a Rengkai Day ursun taka inser tumna le inzawmin vawisun February 29, 2020 dar 1:00 PM khan The 82nd Rengkai Football Tournament tan a nih. Hi huna hin Rengkai mi National player lo ni phak ta haiin Torch insitin Rengkai khuo an hung lut puia, hi Torch hi Tv. Thankhum in Rengkai Playground hmunah lo dawng sawng in, Rengkai Day Football Tournament 2020 Meiser insitna hunser a hmang. Hi hunser a hin Khuollienin Shri. H. Thangzamuan, Special Contractor a thang. Hun hawng tawngtaina Rev. S.K. Songate in a nei zoin Pu Lalvullien Zote, President, RACC in lawmlutna thucha a hril a, hi tournament a thang team 16 tin a Captain hai intiemkamna an nei tir tawl. Hi huna hin tulaia Rengkai khawsunga vengbuk infepawna lam blacktoppinng siem meka um , Special Contractor le Khuollien ni bawk Shri. H. Thangzamuan kuomah chawimawina thilpek inhlanna a nei a, khuollien a'nthawkin thu tha tak tak ngaithlak a nih. Hi tournament a hin Rengkai khawsunga vengbuk hran hran team 16 hai an thang a nih.
Khuollienin Tournament kick off na a nei zoin 1st Match- Thailane le Vengpui han an inkhel a, 2-2 in an inhnetawk char a, second match ah Bethlehem Veng le Zote Veng hai an inkhel a, Bethlehem Vengin 1-0 in hratna an chang.
Rengkai Day Football Tournament 2020 hi Virthli.in ah hung update pei ni hlak a tih.
Khuollienin Tournament kick off na a nei zoin 1st Match- Thailane le Vengpui han an inkhel a, 2-2 in an inhnetawk char a, second match ah Bethlehem Veng le Zote Veng hai an inkhel a, Bethlehem Vengin 1-0 in hratna an chang.
Rengkai Day Football Tournament 2020 hi Virthli.in ah hung update pei ni hlak a tih.
