Hi huna hin Chief Guest- Dr. Chaltonlien Amo, Hon'ble MLA & Hon'ble Chairman, Public Account Committee (PAC) in Lamp Lighting hunser a hmang a, thu a hrilna a chun Nurse hai pawimawzie ursun takin a hril a, nurse hai ta dingin pension le retired a um naw zie le an ṭawngbau khat khawm a hlutzie thu a hril a. Nurse hai bovin Hospital hi a kim thei nawa, an ni bovin thaw thei a ni naw thu a hril bawk, nurse hai chu an damnaw enkawlhai ngilneina le hmangaina a enkawl hlak dingin an fui a, pawisa le sin hmu na ding chaua nurse sin hi thaw loa, damnawhai ta dinga ṭhangpuitu le malsawmna intluntu ni tum seng dingin an fui tawl. Hi hunser a hin Rev. Dr. J.L Songate, Executive Secretary, ICI khawma thuhrilna neiin Nurse inchuklaihai chu takinningna le taimakna insuoa inchuk dingin an fui tawl.
Hi hunser a hin Lamp Lighting & Oath taking-
BSc Nursing inchuk ṭan mek 30 le GNM inchuk ṭan mek 40 ha'n an nei a, tukum a Graduate GNM mi 38 (22nd Batch) hai kuomah Course Completion Certificate inhlan an ni a, Rev. Zathangsing Zate in ṭawngṭaipekna a nei.
Program hmang huna hin Ms. Grace Rochanhlu, Principal, BCN in inchuklai; Esther Dimkhanhuai BSc Nursing, d/o Chinkhantung of Moreh, First Year PTS Exam, 1st Position.
Chongneihoih Gangte D/o Paulalthuam, New Lambulanr, Imphal ,1st Position, PTS GNM First Year.
Jooune Fimlienmawi d/o Rev. V. Lalthalien Zote, Sielmat CCpur, Top 7th Position in Manipur Nursing Council GNM First Year Exam 2019.
Famkimmawii d/o Evan Bejoy, Sakawrdai, GNM 22nd Batch, Best Student Award 2020 le
Mercy Chingbiakmuan d/o Kimkhankap, Simveng, CCpur, Academic Excellence Award (Overall), 22nd batch GNM hai kuomah Chawimawina thuziek inhlanna a nei a. Inchuklai han BCN a inchuk mek hnam dang dang 23 hai hnam thuom pholangna an nei bawk.
Upa Dr. H.L. Liensang in lawmthu hrilna a nei zoin Pastor Vanlalruot Joute in hun khar ṭawngṭaina neiin hun suktawp a nia, refreshment kiltlang niin hun hlimum tak el hmang a nih.
