Responsive Ad Slot

Tipaimukh Road NH-150, 00 Km to 185 Km siemthatna sin ṭan

Tuesday, December 31, 2019

/ Posted by Simon L Infimate
Silchar, December 31, 2019, Virthli (ONP): Tipaimukh Road National Highway-150, 00 km a inthawk 185 km chen siemṭhatna sin thawtu ding Nidhi Creative Infrastructure Private Limited, Managing Director Pu Pratika Godha le Dr. Vanlallien Pulamte hai chun hmalak pei dan ding hrilin inbiekna an nei. Tipaimukh Road hi Churachandpur Police Station tuola inthawka inṭan a ni leiin Churachandpur Police Station tuol hi 00 km Tipaimukh Road NH-150 tia tiem ṭan a nih. Km 00 NH-150 Tipaimukh Road a inthawka 185 Km Bukpui inkara lam inkhurna le siemṭhat ding um zeu zeu hai siemṭhatna dingin Rs.35 crore sanctioned a nih.

Tipaimukh Road siemṭhatna sin hin Churachandpur Police Station a inthawka km 7 chen, a siet zuolna hai siemṭhat hmasa ni’ng a tih. Tipaimukh Road hi Ministry of Road Transport and Highways, Government of India hnuoia BRTF hai enkawlna hnuoia um hlak kha ani a, February 20, 2017 khan BRTF hai kuta inthawkin NHIDCL National Highways and Infrastructure Corporation Limited hai kuomah Dr. Vanlallien Pulamte in Pu Nitin Gadkari, Minister, Ministry of Road Transport and Highways, Government of India kuomah ngenna a siem angin pekdawk a nih.

Pu Vaibhav Dange, Special and Private Secretary to Minister of Road Transport, Highways and Shipping, Government of India chun May 27, 2017 khan VIP Letter DO1215870/MIN/RT&H/VIP/2017 hmangin Managing Director NHIDCL le Chief Engineer (P-8), Ministry of Road Transport and Highways, Government of India hai chu Tipaimukh Road NH-150, 185 km a inthawk 262 km siemṭhatna sin thaw dingin thu a pek thu Dr.Vanlallien Pulamte kuomah a thupekna lekha kawpi a hung pek a nih.

December 30, 2019 a khawtin Village Authority hai fekhawma Tipaimukh Road NH-150, 185 km to 262 siema um mek enfiena sin an va thawna a, a ṭhat tawk nawna hai complaint an hung thaw chu; 31 December, 2019 khan Dr. Vanlallien Pulamte in Pu Pratika Godha, Managing Director, Nidhi Creative Infrastructure Private Limited, kuomah hrilin V/A haiin thlalak le video an hung thawn hai chu an entir a. Hienga V/A haiin complaint an hung thaw hi lawm um a ti thu a lo hril a, lamlien hi ei renga ei ta a ni leiin ṭhangtlang ei ta, a ṭhat tawk nawna lai hai chu siem ṭhang ei ta hma lak tlang pei ding thu a lo hril.

Nidhi Creative Infrastructure Private Limited hai hin Tipaimukh Road siemṭhatna sin hi Tipaimukh biel sung chau ni lovin Churachandpur Police Station tuol 00 km a inthawka 185 Km Bukpui chen siemṭhatna ding Work Order an lak nawk tah leiin Hmarram ah hin kum iemanizat an la um ding a ni a, Taithu rama Lunghernawina khawl le Machine chi hran hran an sie hai khawm  kum 10 chuong zet an la sie ding a ni leiin lam ṭhat nawna hai hi an siem pei ding thu a lo hril. Tipaimukh Road hi 2- laning a siem dingin DPR khawm siemzo anih tah a, 2-laning a siem a ni hnunga khawm NHIDCL hnuoia Nidhi Creative Infrastructure Private Limited hai tho hin sin an thaw ring a um leiin mipui tukhawm lo chiai lo ding le bei lo sukdawng el lo dingin Dr. Vanlallien Pulamte chun Virthli palai a hril.
Don't Miss
© all rights reserved
made with by Simon L Infimate