Responsive Ad Slot

IPF Demand le inzawmin Assam Chief Minister le Finance Minister inhmupui

Thursday, November 21, 2019

/ Posted by Simon L Infimate
Guwahati, Nov. 21, 2019, 2019 (ONP):  Indigenous People Forum NC Hills Demand le inzawmin Pu Sarbananda Sonowal, Assam Chief Minister le Pu Himanta Biswas Sharma, Finance Minister chu IPF, ISF le IWF haiin inhmupuina an nei.

Pu Himanta Biswas Sarma hin IPF Palai hai kuoma IPF Demand chu inbiekrem angin Bifurcation thaw dingin Assam budget session 2019 a pass alo ni ta a, chun 5th July khan Assam Chief Minister kuoma District Boundary Demarcation thaw dingin lekha a lo pêk ta thu hai hrilin, ama tienga thaw ding ang chu an zofel ta a, lekha pawimaw le ṭul hai chu tuhin Chief Minister kuta sukfel el thei dinga um an ta leiin Chief Minister chu inhmupui ngei dingin palai hai chu a lo hril. Chun, IPF palai hai kuoma chun CM an inhmupui zoa a ṭul ang dungzuiin inhmu nawk dingin an cha bawk a nih.

Pu Sarbananda Sonowal, Chief Minister, Assam khawm a office chamber a bawk IPF palai fe khawm hai chun inbiekpuina an nei nawk a, chun kum bula Assam budget session a IPF demand le inzawma district bifurcation thaw dinga an pass chu sukpuitling ngei ding le District thar hi IPF Map dungzui ngei ni thei sien, chun District hming khawm hi  N.C Hills ni ngei sien ti hai an hril pui. Chun Pu P.P Varma, Chief Secretary, Government of Assam Chairman na hnuoia Task force haiin Council pahni a siem ding a  Recommendation an thaw anga Council pahni a siem ngei ding hai chu an hriltlâng pui a nih. Chief Minister chun IPF palai hai kuoma chun N.C Hills District hming Dima Hasao ti a thleng ani leia mipui a bîkin IPF family hai lungawi naw zie chu Assam Government chun a hriet a, District thar thu a hin Official work ṭul hai le sawrkar sûnga inrawntlângna a la fe zing leiin sukfel vat a ni ta ding thu hai a hril.

Hi inbiekna le inzawm hin NC Hills District tienga incharge Pu Pijush Hazarika, Hon'ble Minister Urban Development chu IPF hai leh zinga hin inbiekna nei bawk an tih.
Don't Miss
© all rights reserved
made with by Simon L Infimate