Responsive Ad Slot

Mizoram in hnam puon 5 GI Tag a lak

Sunday, August 18, 2019

/ Published by Simon L Infimate
Aizawl, August 18, 2019, Virthli (ONP): Tulai hnai el Mizoram Art & Culture Society, Directorate of Art & Culture Department chun Hnam puon 5 hieng Puonchei (Puanchei), Tawllopuon (Tawlhlohpuan), Puondum (Puandum), Ngoteker (Ngotekherh) le Hmaram hai chu Geographical Indications of Goods (Registration & Protection) Rules, 2002 hnuoia Geographical Indication Tag (GI) a lo lak fel tah.

Hieng puon 5 hai hi GI tag lakna ding hin Mizoram Art & Culture Society chun kum 2017 anthawk khan a lo buoipui tan tah a, Office of the Controller General of Patents, Designs & Trade Marks, Dept. for Promotion of Industry and Internal Trade, Ministry of Commerce & Industry, Govt. of India in Registered GI list an suo dungzui chun April 2019 thlaa kha lo registered fel an ni tah.

Geographical Indication Tag (GI) hin a siemsuokna hmun, siemsuoktu, neitu/chawngpu nina a peka, a hmang dan ding hai chen thuneina a pek a nih. Hi le inzawm hin Directorate of Art & Culture Department, Mizoram chun hieng hnam puon 5 hai hi a hmang dan ding hai chen thusuok (Order) a lo insuo der tah.

Don't Miss
© all rights reserved
made with by Simon L Infimate