Responsive Ad Slot

Hmar Scientist induong ngei India rama nuhmei sipai hai invenghimna thuom ding tlangzar

Saturday, July 20, 2019

/ Published by Simon L Infimate
New Delhi, July 20, 2019, Virthli (ONP): Defence Research and Development Organisation (DRDO) a sinthaw mek Dr. L Robert Varte, Scientist 'D' in an duong India rama nuhmei sipai haiin indona hmuna le mipui sosang huna an hak ding, invenghimna thuom (body protector/protective gear) hmasatak chu CRPF le DIPAS, DRDO hai thangkawpa siem niin tlangzar alo ni tah.

Nuhmei hai tading bika hieng ang FFBP (female full body protector) hi India in a siem hmasatak niin, hi thuomhnaw siemsuokna dinga a design hai hi Dr.L Robert Varte induong niin a thawkna DIPAS, DRDO ah siem a nih.

CRPF Director General R R Bhatnagar chun hi protective gear hi zani khan CRPF Headquarters, New Delhi hmuna tlangzarna alo nei tah a nih. Hi protective gear hi special fibre hmanga siem, a rik dan chu 6kg ani a, kut, ring anthawka kepui chen venghim thei dinga design a nih.

Dr. L. Robert Varte hi Upa Lalremthang Varte, Shillong a naupa ani a, NEHU hnuoia Ph.D zoin kum 2008 khan Defense Institute of Physiology and Allied Sciences (DIPAS), DRDO New Delhi hnuoia Scientist 'B' in a lo zawm a nih. Ama hi HSA Shillong JHQ ah President hai chen khawm niin kum iemanizat zet lo thuoitu a nih. 


Don't Miss
© all rights reserved
made with by Simon L Infimate