Responsive Ad Slot

RINGNA

Sunday, June 23, 2019

/ Published by Simon L Infimate
~ Jami Darngawn

Hebrai 11:1
Hin ringna umzie chu a hril chieng hle in ka hriet. Mi tamtak ringna a hin ei buoia, Isu Krista ei ringna kawnga khawm, Bible-in ‘Ring la sandamin um I tih’ ti a nih a ka ring an nawm” ti a hriet chieng lo ringna a innghat ei tam!


Ka pasal leh zantieng walking fe malamin inthim á¹­ep tah a hin dawr pakhata fe kan la tuma, “An la hawng am an khar tah? Inring siek ei tih” kan ti a, ti thawng deuvin kan fe a, kan risk fuk hlau el. Sandam ei ni na dinga Isu Krista ei ringna kawnga chun, “Di'm aw, naw di'm aw?” ti a risk lakna chi ni naw nih! “Pathien hi mita hmu thei a ni si nawh, iengtinam ka hrietchieng thei ding?” i ti a ni thei, i mitin hmu naw la khawm, A ma Thlarau Thienghlim ngeiin i beiseina kha a takin an hmu tir che a, i thlarau a khan an hrietchieng tir bawk che a nih.

Rom 8:16 chun “Thlarau ngei chun, ei ni thlarau leh, Pathien nauhai ei nih ti a min hriettir hlak” a lo tih. Pathien Thlarau Thienghlim ngei chun ei thlarau a hung sukhring phat khan khawvelin a pek theilo hrietchiengna kha a hung insieng tah a nih. Hi hi a nih RINGNA HRING Pathien Thlarau  a'nthawka piengtharna chuh.

11:8 Abraham chu Lalpa'n “I khuo tienga inthawk le i laibung lai a inthawk le u pa in a inthawk chun suokla, ram ka lan entir ding che tieng chun fe rawh” Gen.12:1 a ti a. A tirtu Pathien chu a ringa a hrietchieng leiin a fe tawp el a nih. Pathien ringzotu le hriechiengtuhai hi an zam ngai nawh, a zam ngainawtuhai chun malsawmna khawm an dawng ngei ngei hlak.

Hebrai 11:1 Ringna hi thil beiseihai um ngeia hrietna, thil hmulohai hrietchiengna a nih.
Eph.2:8 - 9  Ringna leia lunginsietnaa sandam in ni si a, chu khawm chu nangnia inthawka suok an naw a, Pathien thil pek a nih. Thilthawlei an nawh, chuongnaw chun mi uong rawi an tih.

LALPA'N A THU MALSAWM RAW SEH.
Don't Miss
© all rights reserved
made with by Simon L Infimate