Responsive Ad Slot

The 29th Hmar Martyrs' Day Observation-cum-The 16th State Level Hmar Martyrs' Trophy Closing Ceremony ursun taka hmang

Saturday, May 18, 2019

/ Posted by Simon L Infimate
Saikot, May 18, 2019, Virthli (ONP): HMARTOB hmalakna hnuoiah May 16, 2019 khan Saikot Playground-ah The 29th Hmar Martyrs Day Observation-cum-The 16th State Level Hmar Martyrs' Trophy Closing Ceremony ursun takin hmang a nih. Hi huna hin Functional President in Pu Ngamrothang Hmar, EM, North Cachar Hills Autonomous Council, Assam a thang a, Chief Host in Pu Malsawm Darngawn, Chairman, Sinlung Hills Council (SHC) a thang. Hi huna Chief guest dinga ti Pu Lalthomlien Hmar, Chairman, Barak Valley Development Cuoncil, Assam chu remchang nawna leiin a hun taka a hung tlung hman naw leiin a aiin Special Invitees Pu Lalhrillien Zote, EM, ADC, CCpur hung dande in Chief guest in hmang a nih. Hi hunser hmang huna hin Special Invitees in Pu R. Lalfakzuala, EM, SHC, Mizoram le Pi Melody Lalchhuangzeli, EM, SHC, Mizoram an thang a, Special invitees Pu Dr. Chaltonlien Amo, Tipaimukh MLA khawm remchang naw na leiin a hung theinaw leiin a aiin Pu Lalhrillien Zote, EM, ADC, CCpur a hung dan de bawk. Hi huna hin Sinlung Royal Riders ha'n Hmar Martyrs' Tribute Ride neiin  Khuollien hai Saikot Playground chen hung escort in Chawimawina thilpek inhlanna an nei ve. Hun hmasa tieng " Aw nang kan lengna Hmar tlangpui" ti hla mipuiin sakna an nei a, Rev. Joseph Lalneilien Khawbung, PS, EFCI Saikawt Presbytery in hun hawng tawngtaina a nei zoin Keynote Address Pu Lalvullien Hmar , Chairman, HMARTOB in hrilna hun a hmang a, Mr. Lallienkhum Taite , Secretary, HMARTOB in Khuollien le Special Invitees hai chawimawina thilpek memento inhlanna hun a hmang.

Hi huna hin Hmar Returnee Association han hnam ta dinga martyr chang tahai po po Condolence Salute pekna an nei a, Salutation and Parade NCC Rayburn College han inentirna hun an hmang a, Hnam lam hmu nuom um tak tak el KKL, ZYA, HYA Tuithaphai JHQ han inentirna hun an hmang.

Hi huna hin Rev. V. Lalnghakthang Khawbung, Secretary, HCLF in Intercessory prayer a nei a, Blessed Choir le  Hmar Artist a members han hnam hla mawi tak tak el sakin mipui fekhawm hai an inawi a, Pu Lalhriet Famhoite, Vice Chairman, HMARTOB in lawmthu hrilna hun a hmang zoin Rev. Lalneikhup Hmar, PS, ICI Saikawt Presbytery in tawngtaina in Session - I kharna hun a hmang.

Session II na ah Football Final match ennuom um tak el inkhel a ni a, inkhel tan a ni hmain hnam ta dinga Martyr lo chang ta hai po po inzana suklangnain Silent prayer nei a nih. Final Match a hin FAST Rengkai chun an khingpui Saikot Youth Club(SYC) 2-1 a hnein The 16th State Level Hmar Martyrs' Trophy 2019 an lo lak tah a nih.

Photographs by Muona Infimate


Don't Miss
© all rights reserved
made with by Simon L Infimate