Pherzawl, May 18,2019, Virthli (ONP): Pherzawl District Headquarters, Pherzawl khuoah 29 Hmar Martyrs' Day chu ursun tak le puithu takin May 16, 2019 khan hmang le inser a nih. Chawhma hun po chu Community Hall a hmang ana. Pu LP Fimate, Hon'ble MDC, Pherzawl Khuollien ni'n Mr. J Malsawm, Secy. Val-Upa'n hi hunser hi a conduct a. Pastor Lalchanglien, EFCI, Pastor Lalramkiemlo, RPCNEI, Pastor Lalthangkung, ICI le Pu Lalthlanglien hai a'nthawkin thupui hrang hrang " Khawtlang Intodelna". "Thalai le Technology". "Khawtlang Nun" le "Tlawmngaina" thuhai mipuilai hrilhrietna an nei.
Khuollien chun Martyrs' Day hi kum 1990 a'nthawk khan ei hmang tan a. Hi niser hung piengna chu HPC Mizoram movement lei ana. HPC movement hun lai khan mihrang pasaltha luvawm iemani zat ei chan a. Hmar-Kuki buoina a khawm nisien, Hmar-Dimasa buoina a khawm luvawm tamtak ei chan tah anih. Ei ni sunga ngei khawm inthatnahai ei tuok zeu zeu bawka. Chuleiin, hnam santu dinga hringna thaphai po po ta ding hin, chu pawl kha pawl ti lovin, hnam ta dinga Martyr la um pei dinghai ta dingin hi ni hih lungruol tak le inzana insangtak le ei Hmar mipuiha'n ei inser hi a pawimaw a nih. Hnam danghai va do hi ei Pathien Thu chun a phal nawh a. Survival of the fittest an lo ti angin, ei hnam chimrala a um el ding chun ei humhim le ei sanhim chu ei mawphurna a nih. Chengrang chawia ramhnuoi pan thei naw la khawm mani hmazawn chitah kawng hrang hranga hnam hi san thei anih. Chu ding chun, mitin in hnam hmangaina lungril hi put tum seng dingin mipuihai kuomah thu a hril.
Chawhnung 2:00PM in Dr. Rochunga Pudaite Memorial Studium ah Volleyball le Gun Shooting a inelna hun hmang ana. Pu Thangkhumlien chu Khuollien ni'n insukhlimna hun chu hawngna a nei.
.
Zan hun khawm inhawi taka hmangin a uma. Pu Ramsangthang, Chief of Pherzawl chu Khuollien a hmang a nih. Ei hnam ta dinga Martyr lo changhai hi natna neia thi an ni nawh a, san neia thi an nih. An thina hi lunghlu le rangkachak hai nek khawma hlu lem a nih. Hnam ta dingin Ro an phuom ruok a nih. "Khawtlang hmasawn theinawna hi thuoituhai lei a nih" ti thupuia hmangin Debate khawm buotsai ana, khawtlang thuoituhai a'nthawk le mipui an thawkin mi 4-4 thlangsuokhai chun inselna thienghlim hi an nei.
Sun le zan hun haiah, khuosung mi hlasakthiem Tv. SV Sanate, Tv. Lalnilawm, Nk. Carolyn, Nk. Rohlupui, Nk. Lungditkim, Pi Ramhlunmawi, Nk. Lalchawlkim le Pu Zosanglien ha'n hnam hla mawi tak tak sakin mipuihai an inawi. (input: Lalruotlien Hmar)
Khuollien chun Martyrs' Day hi kum 1990 a'nthawk khan ei hmang tan a. Hi niser hung piengna chu HPC Mizoram movement lei ana. HPC movement hun lai khan mihrang pasaltha luvawm iemani zat ei chan a. Hmar-Kuki buoina a khawm nisien, Hmar-Dimasa buoina a khawm luvawm tamtak ei chan tah anih. Ei ni sunga ngei khawm inthatnahai ei tuok zeu zeu bawka. Chuleiin, hnam santu dinga hringna thaphai po po ta ding hin, chu pawl kha pawl ti lovin, hnam ta dinga Martyr la um pei dinghai ta dingin hi ni hih lungruol tak le inzana insangtak le ei Hmar mipuiha'n ei inser hi a pawimaw a nih. Hnam danghai va do hi ei Pathien Thu chun a phal nawh a. Survival of the fittest an lo ti angin, ei hnam chimrala a um el ding chun ei humhim le ei sanhim chu ei mawphurna a nih. Chengrang chawia ramhnuoi pan thei naw la khawm mani hmazawn chitah kawng hrang hranga hnam hi san thei anih. Chu ding chun, mitin in hnam hmangaina lungril hi put tum seng dingin mipuihai kuomah thu a hril.
Chawhnung 2:00PM in Dr. Rochunga Pudaite Memorial Studium ah Volleyball le Gun Shooting a inelna hun hmang ana. Pu Thangkhumlien chu Khuollien ni'n insukhlimna hun chu hawngna a nei.
.
Zan hun khawm inhawi taka hmangin a uma. Pu Ramsangthang, Chief of Pherzawl chu Khuollien a hmang a nih. Ei hnam ta dinga Martyr lo changhai hi natna neia thi an ni nawh a, san neia thi an nih. An thina hi lunghlu le rangkachak hai nek khawma hlu lem a nih. Hnam ta dingin Ro an phuom ruok a nih. "Khawtlang hmasawn theinawna hi thuoituhai lei a nih" ti thupuia hmangin Debate khawm buotsai ana, khawtlang thuoituhai a'nthawk le mipui an thawkin mi 4-4 thlangsuokhai chun inselna thienghlim hi an nei.
Sun le zan hun haiah, khuosung mi hlasakthiem Tv. SV Sanate, Tv. Lalnilawm, Nk. Carolyn, Nk. Rohlupui, Nk. Lungditkim, Pi Ramhlunmawi, Nk. Lalchawlkim le Pu Zosanglien ha'n hnam hla mawi tak tak sakin mipuihai an inawi. (input: Lalruotlien Hmar)
