DEMNA THUPUONG LE INHRIETTIRNA NGENNA
Muolhoi, March 26, 2019, Virthli (ONP): Hmarkhawlien a March 23, 2019 a tuolthatna le inzawmin HPC (D) Assam Region chun demna le ngenna thupuong ahnuoia ang hin an'suo.
----------------------
DEMNA THUPUONG LE INHRIETTIRNA NGENNA
Tarik 23.03.2019 (Inring zan) a Hmarkhawlien khuo mi Tv. Jubilee Lungtau hmel hrietlo haiin thuoisuok a, hringna hlutak el khawm inza na thang der lo a inthatna chen tlung el hi, HPC(D) Assam chun hieng ang tuolthat tu hai hi nasatakin thiemnaw an changtir in a dem hle a nih ti a puonga.
HPC(D) Assam chun Remna le muongna dapin hnam sunga le sawrkara chen khawm inlaichinna tha a siem lai zingin hieng ang thil, a Operational Area sunga a tlung el hi a hrietthiem naw hle a nih.
Hieng anga inthatna le rikrapna hai hrim hrim hi HPC(D) Assam Region chun a dit nawa, khawlai hmun a khawm Hmar hnam lai tlung ta naw hram sien ti hi a dit dan ani a. Inrem diel diel a uma, Hnam ta dinga hmatieng ngaituo a kal pen le lunginruol taka kalchawi tlang seng dingin mitin kuomah ngenna a siem nghal bawk a nih.
HMAR HNAM DAM ZING RAW SEH.
