Muolvaiphei, February 24, 2019, Virthli (ONP): Independent Church of India (ICI) Tuiṭhaphai Presbytery Pavanglai Crusade chu February 22- 24, 2019 khan Muolvaiphei ICI Biekin ah hlawtling takin hmang a nih. Crusade hawngna le inhlanna February 22, 2019 zan khan Upa Lalzarlien Darngawn, Chairman, Local Committe, Muolvaiphei ICI in a nei a, crusade nei a ni sung hin Rev. Lalramlawm Inbuon, Evangelist-at-Large, ICI a'nthawk Pathien thucha ropui tak tak el ngaithlak a nih. Hi huna hin ICI Tuiṭhaphai Presbytery huop sunga Pavanglai Unit hai Rengkai ICI Gilgal Unit, Lamka Unit, Sielmat Unit, Saikawt Sub. Hqtrs le Rengkai ICI Unit han hlaa rawngbawlna an nei a, Blessed Choir le NPT hai khawma hlaa rawngbawlna an nei ve. Crusade hmang huna hin Upa Lalnuntluong Faiheng le Pi Elizabeth Darthangzuol han Pathien inpakna hla sakin hlaa rawngbawlna an nei bawk. February 24, 2019 zan huna Rev. Lalramlawm Inbuon, EAL, ICI a inthawka Pathien thucha ropui tak el ngaithlak a ni zoin Rev. S.K. Songate, Chairman, ICI Tuithaphai Presbytery in Crusade kharna a nei zoin benediction in hun a khar.
