Responsive Ad Slot

The 58th HNU General Assembly 2018-2019 hmang

Saturday, January 26, 2019

/ Posted by Simon L Infimate
Patpuihmun, January 26, 2019, Virthli (ONP): Hmar National Union (HNU) General Headquarters chun January 24, dar 11:30AM khan D.R. Thuoma Memorial Hall, Patpuihmun, Vangai Range, Pherzawl District ah 58th HNU General Assembly 2018-2019 an hmang. Hun hmasa tieng HNU Flag keipharna Pu Dr. Chaltonlien Amo, Gen. President, HNU in a nei a, ‘Kan tlangram hi par tinreng an vulna…’ ti hla mipuiin sakna an nei zoin Rev. Vanlalring in hun hawng ṭawngṭaina a nei a. Pu Phirremthang, President, HNU/Block-3 in lawmlutna thucha hrilna a nei zoin HNU members fam lo chang tah hai sunna hunser nei a nih. Hi hunser hmang huna hin Block tina inthawk report pekna an nei a, Gen. Secretary, HNU Gen. HQ a inthawk report ngaithlak a nih.

Hi huna hin Pu Dr. Chaltonlien Amo, Gen. President, HNU Gen. HQ a inthawk thuhril ngaithlak ani a, business session nei ani huna agenda chi tum tum hriltlangna le hma tieng peia party fe pei dan ding hai hriltlangna hun hmang a nih. Vote of thanks Pu L. Biekkung, Vice-President, HNU Gen. HQ in hrilna a nei zoin Pastor L. Duoilo Biete in hun khar ṭawngṭaina neiin sun program khar a nih.


Zan program hi Pu Lalthlamuong Keivom, Jt. Secy., HNU le Nk. Cynthia Lienhlupui han an keiṭhuoia, Pu Benjamin Shakum, President, HNU/Block-6 in lawmlutna thucha hrilna hun a hmang a. Hi hunser hmang huna hin Pu Ramlien, EWC/HNU, Tuisuolien, Pu Lal Hossan, EWC/HNU GHQ/MDC, Pu Lalhrillien, Vice-President, HNU GHQ/ MDC hai anthawk thuhril ngaithlak ani a. Pu James K, Managing Director, NEREFS le Pi Lalremsiem, Executive Director, NEREFS &Founder President, Pray for the World Ministry hai khawma thuhrilna hun an hmang. Hi huna hin Aizawl a inthawk artist- Lalramchan Amo, Marina Varte, Nk. Lalparmawi of Ngampabung, Nk. Lalzailawm of Kh. Jeikhan, Tv. Zosanglien of Kangreng le Sophia Lalvarmawi han hla sakin mipui fekhawm hai an inawi a, concert neiin hla ruoi ṭhe a nih.

Don't Miss
© all rights reserved
made with by Simon L Infimate