Harangajao, December 28, 2018, Virthli (ONP): Zanikhan Presbyterian Church of India (PCI) Huonveng, Harangajao chun an Kohran kum 25 -Silver Jubilee (1993-2018) tling lawmna chu ropui takin an nei.
Zing huna Upa Chawnvung Vankal, Chairman, Silver Jubilee Celebration Commitee keihruoina hnuoia Worship Service and Celebration hun hmang ani a, hun hmasa tieng Rev. HT. Sawna Ṭhiek, Executive Secretary, CHT SYNOD in Silver Jubilee Lung hawngna le Silver Jubilee Souvenir tlângzarna a nei bakah Silver Jubilee Dar vuokna ṭhuoitu haiin an nei. Inkhawm huna hin Rev. Jubileethang Hrangchal in "Hi chen mi ṭhuoitu hin mi ṭhuoi pei a tih. Isai: 41:13" ti thupuia hmangin hnesaw takin Pathien thu hrilna a nei. PYF Huonveng, Harangajao hai anthawk Silver Jubilee Hla le Nk. Zawlthangkim Darngawn anthawk special number ngiathlak a nih. Upa Zalien Lungṭau in hun khar ṭawngṭaina neiin, hun khatna suk tâwp a nih.
Hun hnina chu Pu Thangremlien Gangte, Secreatary, Silver Jubilee Celebration Commitee keihruoina hnuoia hmang nawk niin, hi hun a hin Lifetime Achievement Award mi pahni- Upa Chawnvung Vankal (Berampu a nina anga Huonvenga Kohran lo inthutu hmasatak ani leiin) le Pu Lalremsiem Vankal (PYF le NSSP hai Solfa le Hla tieng panga nasataka a lo suk hmasawna zarin) hai kuoma inhlan a nih. Hieng hai bak a Special Invitees, Kohran a mi pawimaw tak tak hai mi 25 hai kuoma thilpek inhlanna nei a nih. Hi huna hin Huonveng Kohran chanchin ngaithlak ani bawk a nih. Hun hnina hmang zo hin Silver Jubilee Ruoi inhnik tak el ṭhe a nih.
Zan huna Pathien biek inkhawm nei nawk ani a, Rev. Lalmalsawm Faihriem, Ṭhiek Biel Pastorate in hnesaw takin Pathien thucha a hril a, inkhawm ṭin ah Hla Ruoi ṭhe niin hlimtlâng takin Silver Jubilee program chu hmang zo a nih.
Zing huna Upa Chawnvung Vankal, Chairman, Silver Jubilee Celebration Commitee keihruoina hnuoia Worship Service and Celebration hun hmang ani a, hun hmasa tieng Rev. HT. Sawna Ṭhiek, Executive Secretary, CHT SYNOD in Silver Jubilee Lung hawngna le Silver Jubilee Souvenir tlângzarna a nei bakah Silver Jubilee Dar vuokna ṭhuoitu haiin an nei. Inkhawm huna hin Rev. Jubileethang Hrangchal in "Hi chen mi ṭhuoitu hin mi ṭhuoi pei a tih. Isai: 41:13" ti thupuia hmangin hnesaw takin Pathien thu hrilna a nei. PYF Huonveng, Harangajao hai anthawk Silver Jubilee Hla le Nk. Zawlthangkim Darngawn anthawk special number ngiathlak a nih. Upa Zalien Lungṭau in hun khar ṭawngṭaina neiin, hun khatna suk tâwp a nih.
Hun hnina chu Pu Thangremlien Gangte, Secreatary, Silver Jubilee Celebration Commitee keihruoina hnuoia hmang nawk niin, hi hun a hin Lifetime Achievement Award mi pahni- Upa Chawnvung Vankal (Berampu a nina anga Huonvenga Kohran lo inthutu hmasatak ani leiin) le Pu Lalremsiem Vankal (PYF le NSSP hai Solfa le Hla tieng panga nasataka a lo suk hmasawna zarin) hai kuoma inhlan a nih. Hieng hai bak a Special Invitees, Kohran a mi pawimaw tak tak hai mi 25 hai kuoma thilpek inhlanna nei a nih. Hi huna hin Huonveng Kohran chanchin ngaithlak ani bawk a nih. Hun hnina hmang zo hin Silver Jubilee Ruoi inhnik tak el ṭhe a nih.
Zan huna Pathien biek inkhawm nei nawk ani a, Rev. Lalmalsawm Faihriem, Ṭhiek Biel Pastorate in hnesaw takin Pathien thucha a hril a, inkhawm ṭin ah Hla Ruoi ṭhe niin hlimtlâng takin Silver Jubilee program chu hmang zo a nih.
