Kolasib, December 12, 2018, Virthli (ONP): Hun sawt tak el Kolasib District Jail, Mizoram a lo intâng tah Tv. Rohminglien S/o Tlanthang Sunggakhâl, Jiribam chu lak suok a lo ni tah. Tv. Rohminglien hi inhrietthiem nawna leia jail lo lut, Jiribam HNU le HSA in hun iemamani chen a Case hi an lo buoipui tah hnung ani a, state danga inthawka bail suok harsa dinga an lang leiin HSA Kolasib Unit ah intlun niin, HSA Kolasib Unit chun theitâwp suoin zani (Dec.11, 2018) khan Court ah Magistrate hai leh inbiektlangna hai nei zovin, zântieng khan bail suok a lo ni tah. HSA Kolasib Unit chun hlim le lawm taka a sung le kuo hai leh damtaka an inhmu thei ngeina dingin ditsakna an inhlan a nih.
