Responsive Ad Slot

Zan khat sungin Varak 60 vel that

Tuesday, November 27, 2018

/ Posted by VIRTHLI HMAR
Imphal, November 27, 2018 (HT): Nov. 25, 2018 zan khan Imphal East District a Thongju Assembly Constituency huop sunga Basikhong hmuna Varak Farm pakhatah a thawtu hriet chieng lovin Varak 60 lai zet a that.

Hieng Varakhai hi Churachandpur town sung le a se vel haia varak, Ar le Ui nunrawng tak, hmel hem taka sawisak le thata an um ang thova sawisak le that an nih. varak farm neitu Thokchom rattan Singh chun a Varak hai laia ṭhenkhat chu an mawng se pawpin an sa fak a ni bakah Varak thi dang hai po po taksaah ramsa se hliemna be ni awm tak a um vawng a. Chun, varak Farm le a se velah hin ramsa hniekhnung ang hmu a ni a, hieng hniekhnung hai hi a lien dan chu 3 inches diameter vel a ni a, ramsa a ni chun Ui nekin a lien el thei niin a hril.


Hi thil tlung hi a hmuna va enfel dingin official team tir an ni a, post-mortem thawzoah ieng thil thaw mana ti la puonglang le Varak neitu hi zangnadawmna pek thei dan lampui a um am ti la ngaituo ning a tih tiin Dr H.Choaba Singh, Director, Veterinary & Animal Husbandary, Government of Manipur chun a hril. Hi hma deu khawm hin Nambol- ah hiengang tho hin Ar ṭhenkhat sawisak le that an lo nit ah. Hi thil tlung lei hin Basikhong le Thongju biel mipui chu an ṭithawng hle a hril a nih. Thokchom Ratan chu a Varak Farm-a Varak a vai hi 75 niin a hril.
Don't Miss
© all rights reserved
made with by Simon L Infimate