Responsive Ad Slot

ṬAP PUMIN KA HUNG INLAWI !

Sunday, November 18, 2018

/ Published by Simon L Infimate
~ Jami Darngawn.

November 15 a hung insersuoka phur tak le huphur angreng bawk siin, kan sin ṭulhai maksanin keini nupa leh kan zawlhai nupa'n fena kan neia, kan fena san le kan thawtum tak chu kan va thaw zo a, a tawp taka kan thil hmu chun a mi vuok ṭap nasa de aw !


Naupang pakhat lunginsietum em em chu kan hmu a, a ma hlak chun lungsietum a nina an hriet si nawh, a khat khatin hlim em emin a um a, khawvel buoina le rinumna hai chu a hriet phak naw khawp el. Amiruokchu, a hmutuhai ta ding chun lainat/ṭappui naw ruol an nawa, lungril chu a dam thei naw a nih.

Chu naupang lungsietum em em a'nthawka kan chuk dawk chu, naupang kum 15 mi chun a saruokna an hriet nawa, a umna hmun thienghlim naw ziet khawm a hriet bawk naw a chu a khat khatin a hlim em em el ang khan, kei ngei khawm Lalpa ṭhang lova Lalpa dit naw zawnga ka hringnun ka hmang chun Lalpa ngaia/mita chuong ang chu ning ka tih. (Mi lungsietum nau piengsuol ning ka tih.) 

Ka ṭap pui nasan chu kei ngei khawm ka en khawl dinga Lalpa mi pek ka/kan hmangai em em ka nau lutir leh a chan kha an ang lei a nih. Chuong chun ka ṭap chu ka la bang el thei nawa, thil dang reng reng ka lungrila an leng thei naw leiin ka hung khekpui nawk a nih.

Tulai ei khawvel tawngmek khawm hi ei Kristien nun hi NAU PIENGSUOL ang ei ni zo tah an nawm a nih ! Ei nina indik tak ei SARUOKNA an''lang zo tah an nawm a nih aw !!!  Lalpa Pathien chun a mi hmangai em ema a mi la en/ko zing a nih.

Tuta ei ramin ei thiltuokhai lei hin Lalpa Pathien ko mawl mawl ei ta, chuongchun Lalpa'n ei Ram a hung sukdam nawk ding a nih.

2 Kronikul 7 : 14.
Ka mihai, ka hming chawia kohai chu, an insukhnuoi a, an ṭawngṭai a, an lampui suolhai chu nghatsana ka hmêl an hung zawng chun, vâna inthawk chun lo hrieng ka ta, an suol chu ngaidam ka ta, an ram khawm chu sukdam bawk ka tih.

Tulai thuthang leiin Churachandpur hmun ngei kan va sirna ka thil hmu le hriet chu mawl taka ka hung suklang hi tiemtuhai lungrila Lalpa'n thuhril mawl raw seh.
Don't Miss
© all rights reserved
made with by Simon L Infimate