MIPUI KUOMA INHRIETTIRNA LE NGENNA
Kum 3 veng vawng liem hnunga Imphal Hmar SIKPUI RUOI huoihawt nawk dinga inbuotsaina chu Pathien thangpuina zar le mipui hlutsakna zarin tluong takin a la fe pei a, lawm a um. Ei RUOI ropui hi HSA Imphal Jt. Hqrs bultumna hnuoia Committee (TEAM) indina buotsai a ni a; kum danga ei la thaw ngai lo, Siel thata ruoi ropuitaka buotsai ei tum a. Siel sa fa theilo hai ta dinga Vawksa le Nga ei ngaituo bawk ding a nih. A hun le ni ding chu a hmaa lo hril lawk ta angin TRI Auditorium, Chingmeirong, Imphalah Dec. 12, 2018 in ning a tih.
Khuollien (Chief Guest) dingin Manipur Chief Minister Pu N. Biren Singh le Khuol Inzaum (Guest of Honour) dingin Th. Radheshyam Singh, Minister (Education, L&E) le Khuoltha dingin Dr. Sapam Ranjan, Chairman, Tourism Corporation of Manipur Ltd ei biekfel ta a; a chawngpu lien dingin ei Hmar MLA, Dr. Chalton lien Amo ni bawk a tih. Tukuma ei Sikpui Pa ding chu Imphal Hmar mihlun Upa Lalrosung, Lamphel thlang a nih.
Prokram a hin HYA Branch zawnga inruolsiekna, Hlapawl le Lengkhawm buotsai ning a ta, HSA DM College Unit le Manipur University Hmar students’ hai anthawk Hnam lam – Sikpui Lam, Fahrel Tawk lam le a danghai inentirna um bawk a tih. Hlapawl inruolsiekna ding chu Hmar hnam hlapuia ngai hiel, ‘Aw Kan Hmar Ram’ (by Lalkhum) ning a ta; a tonic solfa le music track siem a nih.
Prokram hmang sunga HLA tienga mipui inawitu dingin tulaia thrangthar hlasak thiem inlar le mi hlutsak, Jajai Singsit le Christina Shakum fiel an ni a; anni hai baka hin ei local artists mi iemanizat ei beisei bawk. Mipui tienga inthawka phut le ngen bik a um chun midang dang khawm fielsa thei la ning an tih.
Prokram lien le chin huoihawt ding chun poisa sum sengso ding a ngai rawn zie a hretu seng ei nih. Sienkhom, a varzang thei ang patawpa inzo ei tum a nih. Ngamthlak le tlawmngai hmasa dingin Imphala ei member mi 40 ei thlaksuok hai anthawk thawlawm ei dawl hmasa mek a; anni hai thaw bak chu mimal le sungkuo tin anthawk ngamtawk ei dawl mek bawk a, mi iemanizetin an pek taa, a pe dinga inringsa tamtak an um leiin ei tha a fan hle. Iengkhom ni sien, thawlawm petu le pe theilo hai khawma inphalam lo le neitu chan chang taka ei KUT poimawa hin thang seng dingin ei infiel takzet a nih.
Detail prokram le chanchin kimchang November thla sunga semsuok hman ei inbeisei.
HSA Imphal Joint Headquarters le Sikpui Ruoi Organising Committee (team) aiin,
Sd/-
(Malsawmthang Ralsun)
President, HSA Imphal Jt. Hqrs.
Sd/-
(Michael Songate)
General Secretary, HSA Imphal Jt. Hqrs
Sd/-
(Dr. John Pulamte)
Convenor, Team Sikpui Ruoi 2018
Sd/-
(Hrilsangmawi Tlangte)
Secretary, Team Sikpui Ruoi 2018
