Responsive Ad Slot

RIMAWI KHAWVEL

Sunday, October 14, 2018

/ Posted by Simon Infimate
~ Jami Darngawn

Sâm ziektu chun "lengkim anthuok thei taphawt chun LALPA chu inpâk raw hai se. LALPA chu inpâk ro" (Sam 150: 6.)
A lo ti angin, Pathien thilsiemhai laia inthuok thei po po lai chun mihriem hai hi ri nasataka insuo thei chu ei nih. Ramsa le Vate hai khawma ri insuoin an thei tawk tawkin Siemtu Pathien chu an inpak hlak a nih, anni hai neka chunghnung lema siem Ama Pathien angpuia siem mihriem hai hin mi Siemtu Pathien ei chawimawi chu a phu hlie hlie a nih.


Mihriem seng seng khawm hi ei inang vawng kher chuong nawa, abikin rawlțha/rawlmawi insuoa miin Siemtu an chawimawi hin a mawiin ava țha ngei de aw. Ani ngei maw ! Vanrama khawm hin Lalpa Pathien chawimawia inpak hi ei sin ropuitak ding chu ani awm ie tiin ka ngaituo hlak chu tie. Pathienin mihriemhai talent a pek laia chu 'Rawlmawi' a pekhai hi an vangnei hle ti thei dingin a uma. Chuleichun, an vangneizie chu hi khawvela um sung hin insum der lovin an talent dawng rawlmawi/rawlțha  chu insuo tak tak hai sien ti chu ei nuompuiin ei infui tak meu meu ni raw se ie.

Lungril sawl laia hadamna pakhat chu rimawi/rawlmawi ngaithlak hi a nih.
Ei lawm em em huna khawm hlasak ngaithlak hin ei lawmna a famkim bik a nih.
Puipung nikhuo haia khawm hlasakthiemhai bo chun machi boa bufak ang tluk a nih.

Awleh, hlasakthiemhai ka hung inpak/suk lang nasan hi ka naulutir ka duot em em Alex Darzakai chu October 12, 2018 kha a kum 16 na (Sweet 16) a ni leiin a Birthday present dinga ka hung ziek/suklang a nih.

Asanchu, ka naulutir hi a pieng a'nthawkin vawisun chen hin a mita a thilhmu mawi em em hai a mawiziet a mi la hril thei ve nawa, a tading chun a khawvel hmang inhawi ve em em na chu rimawi/hlasak ngaithlak hi a ni el awm ie. Chuleichun, ka naupa'n a tleipui el chauh khela Siemtu Pathien khawma Ama inpaka rawlmawi insuo hai hi a lawm ngei ka ring a nih.

Ka nau duotlai hi kumkhat mi vel a ni a'nthawkin rimawi/hlasak hi a ngaina țana chuongchun iengtiklai khawmin a in/imu sung ti naw chu rimawi/hlasak bovin a um thei naw a nih. Chuongchun kum 15 lai chu rimawiin ka naupa chu a dawn tlei leiin ka lawm em ema Pathien kuoma le an rawlmawihai inro lova harsatna tamtak palthlenga rawl insuo hai kuomah lawmthu hrilna'n hi thuziek hi kan hlan a nih.

LALPA TA DINGA RISIE NILOVIN, RIMAWI NI TUM SENG LEM  EI TIU KHAI.
Don't Miss
© all rights reserved
made with by Simon L Infimate